Mudzimu U Na Ndavha Na Inwi
BIVHILI ndi yone ine ya ri ṋea nyeletshedzo ya khwinesa ngauri ndi Ipfi ḽa Mudzimu. Bivhili a si bugu ya vhulivhisi ha zwa ngalafho, fhedzi i nga ri thusa u ḓivha uri ri nga sedzana hani na zwiimo zwi tsikeledzaho, zwithu zwine zwa thithisa mahumbulele ashu, u pfa ro tsikeledzea, u pfa ri na mutakalo u si wavhuḓi na thaidzo dza muhumbulo.
Tsha ndeme vhukuma, Bivhili i a ri khwaṱhisedza uri Yehova Mudzimu a sa Musiki washu u a pfesesa maḓipfele ashu u fhira naho e nnyi. O ḓiimisela u ri thusa u lwisana na vhuimo vhuṅwe na vhuṅwe vhune ra sedzana naho. Sa tsumbo, ṱhogomelani maṅwalo mavhili a tevhelaho a bvaho Bivhilini:
“Yehova u tsini na vho ṱungufhalaho; u tshidza vho kuleaho nungo.”—PHISALEMA 34:18.
“Nṋe Yehova Mudzimu wau, ndi khou u fara nga tshanḓa tshau tsha u ḽa, ndi ri, ‘U songo ofha. Ndi ḓo u thusa.’”—YESAYA 41:13.
Yehova u ri thusa hani uri ri sedzane na vhulwadze ha muhumbulo? Samusi ni tshi ḓo zwi vhona kha thero dzi tevhelaho, Yehova u sumbedza uri u na ndavha na riṋe nga nḓila nnzhi dzo fhambanaho.
a Yehova ndi ḽone dzina ḽa Mudzimu.—Phisalema 83:18.