Mbudziso Dza Bivhili Dzo Fhindulwa
Naa ri nga ḓivha ngoho nga ha Mudzimu?
Ndi ngani Mudzimu a tshi ṱoḓa ri tshi ḓivha ngoho? Vhalani Yohane 17:3
Mudzimu o davhidzana na vhathu. O shumisa muya wawe mukhethwa kana maanḓa a shumaho uri vhaṅwali vha Bivhili vha ṅwale mihumbulo yawe. (2 Petro 1:20, 21) Ri nga kona u ḓivha ngoho nga ha Mudzimu musi ri tshi vhala Bivhili.—Vhalani Yohane 17:17; 2 Timotheo 3:16.
Bivhilini, Mudzimu u dzumbulula zwithu zwinzhi nga ha ene muṋe. O dzumbulula uri ndi ngani o sika vhathu, zwine a ḓo vha itela zwone na nḓila ine a ṱoḓa ri tshi tshila ngayo. (Mishumo 17:24-27) Yehova Mudzimu u ṱoḓa ri tshi ḓivha ngoho nga ha ene muṋe.—Vhalani 1 Timotheo 2:3, 4.
Ndi ngani Mudzimu a tshi ṱanganedza vhathu vhane vha funa ngoho?
Yehova ndi Mudzimu wa ngoho nahone o rumela Murwa wawe Yesu uri a funze vhathu ngoho. Nga zwenezwo, vhane vha funa ngoho vha funa Yesu. (Yohane 18:37) Mudzimu u ṱoḓa vhenevho vhathu vha tshi vha vhagwadameli vhawe.—Vhalani Yohane 4:23, 24.
Sathane Diabolo o thivhela vhathu vhanzhi u ḓivha Mudzimu nga u phaḓaladza pfunzo dza mazwifhi nga ha Mudzimu. (2 Vhakorinta 4:3, 4) Vhathu vha sa funi zwo lugaho vha takalela dzenedzo pfunzo dza mazwifhi. (Vharoma 1:25) Fhedzi vhathu vhanzhi vho lugaho vha khou wana ngoho nga ha Mudzimu nga u guda Bivhili.—Vhalani Mishumo 17:11.
You May Also Like
SPECIAL CAMPAIGN
Ndi Ngani ni Tshi Fanela u Guda Bivhili?
Bivhili i khou thusa vhathu vha dzimilioni shangoni ḽoṱhe uri vha wane phindulo dza mbudziso dza ndeme vhutshiloni. Naa ni nga takalela u vha muṅwe wavho?
BIVHILI—I NA MULAEDZA UFHIO?
Ndi Ngani Ni Tshi Fanela U Ṱolisisa Bivhili?
Ṱhogomelani dziṅwe mbuno dzi thusaho nga ha Bivhili, Bugu i ḓivheaho vhukuma.
