“Yolempwa eri yoothene yòhùpuxeriwa ni munepa wa Muluku” — 2 Timotheyo 3:16, Biblya Exirima.

Mwaha woweera Biblya onnavaha . . .

wakhula wa makoho ootthuneya a mwekumini mwahu. — Miruku 2:1-5.

miruku sororomeleya sa nihiku ti nihiku. — Nsalmu 119:105.

yoweherera yoolipa ya muhoolo. — Aroma 15:4.

Aani,mwaha wa mathowa mararu:

• Ovarihana okhanle ti wotikiniha. Soovira iiyaakha 1.600 alempwaka Biblya ni atthu ophiyera 40. Antxipale wa atthu ene yawo khiyasuwelanne. Naari vareene hiiho, mulumo ari mbuukhuni toottharana khenvanyihana ni erinono yootthuna emoharu.

• Sohiimwa sa xariya. Moohihovela alipa oolepa ibuukhu sa elapo annasuka soonanariha sa atthu aya. Mene alipa oomulepa Biblya, aalepa soonanariha saya, sa nloko naya mwa exariya. — 2 Sowereya 36:15,16; Nsalmu 51:1-4.

• Sooloheera soororomeleya. Iyaakha 200 vahinaye onyanyiwa epooma ya oBabiloniya, Biblya aahima weera samwereya itthu iiyo. (Yesaya 13:17-22) Owo aahima moota Babiloniya eerawe aritxiwe, ni nsina na mutthu eera anyanye epoomene yele. — Yesaya 45:1-3.

  Sooloheera sintxipale sa mBiblyani soheereya moluluwana. Mene tihiiho yaaweherereya wa masu a Muluku. — 2 Pedru 1:21.