Nyuwo Munimoonela Sai Biibiliya?
Niireke munuupuwela wira Biibiliya ti . . .
-
eliivuru ya miruku ya apinaatamu?
-
eliivuru ya myaha sowoothiwa ni ihantisi?
-
wala Nuulumo na Muluku?
ELE BIIBILIYA ONIHIMYA AWE
“Solempwa sothene supuxeriwé ni Muluku”.
ELE ENITAPHULELAYA WA NYUWO
Ophwanya waakhuliwa wa makoho ootepa otthuneya mookumini.
Malakiheryo oororomeleya voohimya sa okumi ahu wa khula nihiku.
Nlipelelo neekeekhai na muhoolo.
NNOOWERYA TTHIRI OKUPALI ELE BIIBILIYA ONIHIMYA AWE?
Aayo, mwaha wa mathowa mararu:
-
Ovarihana wuulupale. Biibiliya olempwale mwa okathi woovikana 1.600 iyaakha sene ni atthu oowiiraka 40. Anceene a atthu awo khatonko osuwelana. Hata vari siiso, eliivuru yotheene ti yoovarihana, ni enittittimiherya muru mmosa paahi!
-
Myaha sa ekeekhai. Ikwaha sinci, myaha sa apinaatamu sinnivitha soovonya sa atthu aya. Masi, atthu yaamulepa Biibiliya khiyaavitha soovonya saya ni sa atthu a nloko naya.
—2 Wahala 36:15, 16; Esalimo 51:3-6. -
Iprofesia soororomeleya. Biibiliya aahihimya vahinatthi sa onyaanyiwa wa epooma ya oBabilonia iyaakha sowiiraka 200. (Yesaya 13:17-22) Eprofesia eyo yaahihimya ohiya paahi sa moota Babilonia aarowa awe oxinttiwa masi-tho nsina na mwene aarowa omuxintta Babilonia!
—Yesaya 45:1-3.
Nave-tho, iprofesia sinci sa Biibiliya sahiiraneya hata mmyaha saamukhaani. Tthiri, eyo ti etthu naatthuna ahu olipelelaka sa Nuulumo na Muluku.
WIRA MUUUPUWELELE
Nuulumo na Muluku ninrowa wookhaliheryani sai?
Biibiliya onnaakhula nikoho nlo mwa yoolepa ya YESAYA 48:17, 18 ni 2 TIMÓTHEYO 3:16, 17.
You May Also Like
ESSENTIAL BIBLE TEACHINGS
Ninrowa Okupali Sai Wira Biibiliya Teekeekhai?
Vakhala wira mwaneene Biibiliya Muluku, nto ohaana okhala oovirikana ni khula eliivuru ekhanle.
ONISUWELA
Xeeni vanitthuneya anyu omusoma Biibiliya?
Biibiliya onniwaakhula atthu imilyau sene olumwenku wotheene. Niireke ni nyuwo munniphavela waakhuliwa?
ONISUWELA
Nvekele Oxukuriwa
Muthokoorerye nikoho na mBiibiliyani, aahiiso mwiixutte itthu sinceene voohimya sa Anamoona a Yehova.
