Ha layttippe doommidi Kiristtoosa hayquwaa hassayiyo Baalaassi giigettanawu kaseegaappe daro wodee deꞌees. Godaa Kahoy saaminttawu giddo heeran bonchchettikko Kiristtaanetu Deꞌuwaanne Haggaazuwaa SHiiqoy he saaminttan deꞌenna. Qassi Godaa Kahuwaa Baalay saaminttaa wurssettan bonchchettikko, dere haasayaynne Wochchiyo Keelaa Xinaateekka deꞌenna. Ha gujo wodiyaa loytta goꞌettanawu halchchuutee? Koyro xeetu layttaagaadan, ha dumma baalawu koshshiya issi issibaa giigissana bessees. (Luq 22: 7-13; km 3/15 ) SHin nuuni he Baalan loytti goꞌettanawu oottana koshshiya harabaykka deꞌees. Hegaadan waatidi oottana danddayiyoo?

• Baalawu shiiqiyoogee ay keena koshshiyaakko wotta dentta qoppa.—1Qor 11:23-26

• Neeni Yihoowaara dabbotido dabbotaabaa qoppanne woossa.—1Qor 11:27-29; 2Qor 13:5

• Godaa Kahoy aybakko Geeshsha Maxaafaappe qonccissiya xuufeta nabbabanne wotta dentta qoppa.—Yoh 3: 16; 15:13

Aassiya amaridaageeti Geeshsha Maxaafaa Galla Galla Pilggiyoogaa giyo bukleetiyan odettida, Godaa Kahuwaa wodiyan Geeshsha Maxaafaappe nabbabiyo qofaa nabbaboosonanne wotti dentti qoppoosona. Harati hagan deꞌiya sanxxarazhiyan xaafettida Geeshsha Maxaafaa xiqiseta nabbaboosona. Qassi harati Wochchiyo Keelan deꞌiya huuphe yohotun Godaa Kahuwaabaanne Yihoowaynne Yesuusi nuna siiqido siiquwaabaa qonccissiya qofaa zaarettoosona. Neeni xannaꞌanawu dooriyoobay aybinne Yihoowakkonne A Naꞌaakko keehi shiiqanaadan nena maaddana mala amottoos.