KIRISTTAANETI DEˈIYO DEˈUWAA
Guutta Naˈay Kariyaa Dooyikko
Guutta naˈay kariyaa dooyikko, a aawaa woy aayyiyo xeeganaadan yootana koshshees. Hegaadan oottiyoogee eta maataa bonchiyoogaa bessees. (Lee 6:20) Naˈay nuuni gelanaadan shoobbiyaaba gidikko, gelana bessenna. A aawaynne aayyiyaa son baynnaba gidikko, hara galla baana bessees.
SHin naˈay gita, geella a layttay 15-19 gidinkka a aawaa woy aayyiyo xeeganaadan yootana koshshees. SHin eti son baynnaba gidikko, a aawaynne aayyiyaa i koyidobaa nabbabin hanqqettanaakkonne oychana danddayoos. Eti a hanqqettennaba gidikko, xuufiyaa immana woy jw.org saytiyaa bessana danddayoos.
Eranawu koyiya yelagaa zaarettidi oychiyo wode, a aawaanne aayyiyo haasayissana koyiyoogaa yootana koshshees. Hegee nuuni yiido gaasuwaanne Geeshsha Maxaafan deˈiya so asawu maaddiya ammanttiya zoriyaa etawu yootanawu maaddees. (Maz 119:86, 138) Nuuni he naˈaa aawaanne aayyiyo bonchiyoogee eti nu hanotan ufayttanaadaaninne hara wodekka he soo asawu mishiraachuwaa yootanawu maaddana danddayees.—1PHe 2:12.