Xoossay Yootiyoobaa Siya giyo brooshuree Geeshsha Maxaafaa tumaa tamaaranawu nabbabiyoogaa metootiyaageeta beettiyaaban tamaarissanawu giigiis. Kasiyaa kaallidi tobbanawu maaddiya malaatay deꞌiyo akeekan giigida misileti naaꞌꞌu naaꞌꞌu sinttan deꞌoosona.

Xoossay Yootiyoobaa Siya Yaatada Merinau Deꞌa giyo brooshuriyan deꞌiya misileti Xoossay Yootiyoobaa Siya giyo brooshuriyaagaara issi mala; shin hankkuwan guuttaa nabbabana danddayiya tamaaree nabbabanawu giigida amarida qofay deꞌees. Tamaareti Xoossay Yootiyoobaa Siya giyaagaa goꞌettiyo wode, aassiyaageeti darotoo hankkuwaa goꞌettoosona. Tamaaretu hanotaadan tobbana danddayiyo gujo qofay deꞌiyo saaxinee daro sinttatun deꞌees.

Ha naaꞌꞌu brooshureta, eta immiyo agina gidana xayikkokka, asawu immana danddayoos. Xannaꞌissiyo wode Geeshsha Maxaafaa taarikiyaa qonccissanawu misileta goꞌetta. Tamaaree akeekidoogaa eranawunne i ba qofaa yootanaadan oyshata oycha. Ubba sinttan tohossan deꞌiya xiqiseta nabbabidi tobbite. Brooshuriyaa xannaꞌissi wurssoogaappe guyyiyan, tamaaree xammaqettanaadan maaddanawu Tumuppe Geeshsha Maxaafay Tamaarissiyoy Aybee? woy Geeshsha Maxaafay Nuna Ay Tamaarissii? giya maxaafaa xannaꞌissite.