Yeemottiyoogee haratikka yeemottanaadan oottees. Nuuni yeemotti tamaarissiyo wode, asay nu yootiyoobaa loyttidi ezggana. Hegee nuuni yootiyoobaa nu xoqqu oottidi xeelliyoogaakka bessees. Nu diccido wogay woy nu eeshshay ayba gidikkonne, yeemottiyaageeta gidana danddayoos. (Roo 12:11) Waanidi?

Koyruwan, intte yootiyoobay keehi koshshiyaaba gidiyoogaa qoppite. ‘Ufayssiya mishiraachchuwaa yootiyo’ maatay intteyyo deꞌees. (Roo 10:15) Naaꞌꞌanttuwan, intte yootiyoobaa siyiyaageetu deꞌoy giiga gidanaadan mishiraachchoy waati maaddana danddayiyaakko qoppite. Intte yootiyoobaa eti siyana koshshees. (Roo 10:13, 14) Wurssettan, bollaa qaattiyoogaaninne pashkki giyoogan yeemottidi haasayite.

ERISSIYO ASHKKARA OOTTIYOOGAN UFAYTTITE—KASEPPE QARA GIDITE—YEEMOTTIDI TAMAARISSITE, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Niita A Geeshsha Maxaafaa xannaꞌissiyo Jeedo yeemottada tamaarissennaadan oottidabay aybee?

• Niita zaarettada yeemotta tamaarissanaadan maaddidabay aybee?

• Nuuni yootiyoobaa ezggiyaageetu loꞌꞌo eeshshan xeelaa wottana bessiyoy aybissee?

• Nuuni yeemottiyoogee nu Geeshsha Maxaafaa xannaꞌissiyoogeetanne harata waati maaddana danddayii?