HEGEE KEEHI KOSHSHIYOY AYBISSEE? “Asaa wozanaa halchchoi ciimma ollaa giddon de7iya haattaa mala” gidiyo gishshawu, oyshay hegaa duuqqi kessiyo baldde mala. (Lee 20:5) Oyshay nu yootiyoobaa siyiyaageeti haasayanaadan oottanawu nuna maaddees. Loytti qoppido oyshaa zaaroy darotoo keehi koshshiyaabaa eranaadan maaddees. Yesuusi oyshaa loytti goꞌettiis. Nuuni waati A leemisuwaa kaallana danddayiyoo?

WAATANA DANDDAYIYOO?

• Issi ura qofaa eranawu maaddiya oyshaa oychite. Yesuusi bana kaalliyaageetu qofay aybakko eranawu zaari zaaridi oychiis. (Maa 16:13-16; be 238 ¶3-5) Issi ura qofaa eranawu ay oychana danddayeetii?

• Manggettanaadan maaddiya oyshaa oychite. Yesuusi PHeexiroosa qofaa suurissanawu oyshaa oychidi, I likkebaa kuuyana mala oyshawu zaaro gidana danddayiyaabaa yootiis. (Maa 17:24-26) Issi uri likkebaa kuuyanaadan maaddanawu manggettanaadan maaddiyaabaa ay oychana danddayeetii?

• Haasayissiyo ura galatite. Higgiyaa tamaarissiyaagee “eranchcha asa zaaro” zaarin, Yesuusi A galatiis. (Mar 12:34) Oyshaa zaarida uraa woygidi galatana danddayeetii?

YESUUSI OOTTIDOBAA OOTTITE—TAMAARISSITE GIYO BIIDUWAWU KOYRO SHAAHUWA BEꞌITE; YAATIDI KAALLIDI DEꞌIYA OYSHATA ZAARITE:

• Tamaarissido qofay likke gidikkonne, ha tamaarissoy goꞌꞌennaba gidiyoy aybissee?

• Nuuni qofaa qonccissiyoogaa xallay gidennay aybissee?

BIIDUWAWU KAALLIYA SHAAHUWA BEꞌITE, YAATIDI KAALLIDI DEꞌIYA OYSHATA ZAARITE:

• Ishay oyshaa waatidi loytti goꞌettidee?

• A tamaarissuwaappe nuuni kaallana danddayiyo harabay aybee?