TIMIRTTE 53
Allaxxanawu Yihoowa Ufayssiyaabaa Doora
Yihooway “anjjettida” woy ufayttiya Xoossaa. (1 Ximootiyoosa 1:11) I nuuni nu deꞌuwan ufayttidi deꞌanaadan koyees. Nuuni oosuwaappe guuttaa shemppidi allaxxiyo wode I ufayttees. Nuuni hegaa mala wodiyan ufayttanawunne Yihoowakka ufayssanawu waatana danddayiyaakko ha timirttiyan beꞌana.
1. Nuuni allaxxiyoobaa dooriyo wode ay qoppana koshshii?
Neeni aybin allaxxiyoogaa dosay? Issoti issoti coꞌꞌu giidi son shemppanawu koyoosona. Eti nabbabanawu, muuziqaa siyanawu, pilmiyaa beꞌanawu woy Interneetiyan issi issibaa beꞌanawu koyoosona. Harati bantta laggetuura kuwaasiyaanne hegaa malabaa kaaꞌoosona. Nuuni aybin allaxxikkonne, hegee ‘Godaa ufayssiyoogaa’ shaakki erana koshshees. (Efisoona 5:10) Hegaa akeekiyoogee keehi koshshiyaaba; ayssi giikko, ha wodiyan asay beꞌiyo, siyiyo woy oottiyo darobay Yihooway ixxiyo hanttaarabaa, pokkobaa woy iita ayyaanati oottiyoobaa. (Mazamure 11:5 nabbaba.) Nuuni allaxxanawu loꞌꞌobaa dooranaadan aybi maaddanee?
Nuuni Yihoowa siiqiyaageetuura laggetikko, allaxxanawu dooriyoobankka harabankka eti nuna maaddana danddayoosona. Nuuni Timirttee 48n beꞌidoogaadan, “aadhdhida eranchcha asatuura hemettiya asi aadhdhida eranchcha gidees.” SHin nuuni Xoossay kessido maarata siiqennaageetuura ubbatoo zuppetikko, ‘metuwan geloos.’—Leemiso 13:20.
2. Nuuni allaxxiiddi daro wodiyaa aattenna mala naagettana koshshiyoy aybissee?
Nuuni allaxxiyoobaa Yihooway ixxennaagaa erikkonne, hegan daro wodiyaa wurssennaadan naagettana koshshees. Hankkoode, keehi koshshiyaabaa oottanawu nuussi wodee gidenna. Geeshsha Maxaafay nuuni ‘nu loꞌꞌo wodiyaa coo xayssennaadan’ zorees.—Efisoona 5:15, 16 nabbaba.
LOYTTA AKEEKA
Neeni allaxxanabawu loꞌꞌobaa waata kuuyanaakko akeeka.
3. Iitaban allaxxoppa
Nuuni allaxxiyoobaa akeekan doorana koshshiyoy aybissee? BIIDUWAA beꞌite; yaatidi kaallidi deꞌiya oyshata tobbite.
-
Beni Roome biittaa kaassay ha wodiyan allaxxiyo issi issibaa malatiyoy aybiinee?
-
Biiduwan beꞌido Daani allaxxiyoobaa xeelliyaagan ay akeekidee?
Roome 12:9 nabbabite; yaatidi ha oyshaa tobbite:
-
Neeni allaxxiyo loꞌꞌobaa dooranawu ha xiqisiyaa waata goꞌettana koshshii?
Yihooway ixxiyo issi issibay aybee? Leemiso 6:16, 17nne Galaatiyaa 5:19-21 nabbabite. Xiqiseta huuphiyan huuphiyan nabbabidi ha oyshaa tobbite:
-
Ha xiqiseti yootiyoobaappe ha wodiyan allaxxiyooban meeze gididaageeti awugeetee?
Allaxxiyoobaa akeekan dooranawu maaddiya oyshata
Nena hagaadan oychcha:
-
Ha allaxxiyooban Yihooway ixxiyoobi deꞌii?
-
Keehi koshshiyaabaa oottiyo wodiyaa coo wurssii?
-
Yihoowa siiqenna asatuura zuppetanaadan woy ubbatoo gayttanaadan oottii?
Qohiyaabaappe keehi naagettiyoogee loꞌꞌo. Nuna qohennan waayi aggana giidi qoppiyooban allaxxennaadan naagettana koshshiyoy hegaassa
4. Ne wodiyaa maara goꞌetta
BIIDUWAA beꞌite; yaatidi kaallidi deꞌiya oyshaa tobbite.
-
Biiduwan beꞌido ishay beꞌiyoobay iita gidana xayikkonne, A metidabay aybee?
Piliphphisiyuusa 1:10 nabbabite; yaatidi ha oyshaa tobbite:
-
Nuuni allaxxiiddi ay keesa wodiyaa aattanaakko kuuyanawu ha xiqisee nuna waati maaddana danddayii?
5. Loꞌꞌoban allaxxa
Allaxxiyo issi issibay Yihoowa ufayssana xayikkonne, ufayssiya darobay deꞌees. Eranchchaa 8:15nne Piliphphisiyuusa 4:8 nabbabite; yaatidi ha oyshaa tobbite:
-
Neeni allaxxanawu dosiyo loꞌꞌobay aybee?
Neeni loꞌꞌoban allaxxana danddayaasa
ISSI ISSI ASAY HAGAADAN GEES: “Taani hanttaarabaa, pokkobaa woy iita ayyaanatu ooso oottana xayikko, hegeetun allaxxiyoogan bali baawa.”
-
Woygada zaaruutee?
AY AKEEKADII?
Yihooway nuuni allaxxanawu loꞌꞌobaa dooranaadaaninne hegan ufayttanaadan koyees.
Zaaretuwaa
-
Kiristtaaneti allaxxana bessennabay aybee?
-
Nuuni allaxxiiddi daro wodiyaa aattenna mala naagettana koshshiyoy aybissee?
-
Neeni Yihooway ufayttiyooban allaxxanawu doorana koyay? Aybissi?
PILGGA
Allaxxiyoobaa neeyyo doorana bessiyay oonakko akeeka.
Neeni allaxxiyoobaa xeelliyaagan loꞌꞌobaa waata kuuyanaakko akeeka.
“Intte Goꞌꞌiyaaban Allaxxeetii?” (Wochchiyo Keelaa, Xiqimita 1, 2011)
Issi bitanee allaxxiyoobaa laammidoy aybissakko, “Taani Asa Coo Ixxiyoogaa Aggaas” giyaagan beꞌa.
“Geeshsha Maxaafay Asay Laamettanaadan Oottees” (Wochchiyo Keelaa huuphe yohuwaa)
Issi aayyiyaa asay iita ayyaanatu oosuwan allaxxiyoobaa xeelliyaagan loꞌꞌobaa waata kuuyidaakko akeeka.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
