“Taani keehi azzaniyo wode, JW Brodkastingiyan kiyiya mazamuretu baggaara Yihooway tana minttettees.”—Lerino, Amarkkaa

Kiristtaaneti Xoossaa sabbanawu mazamuriya ubbatoo yexxoosona. (Qol. 3:16) Nu mazamuretu danttota hassayiyogee mazamure maxaafay woy elektiroonike miishshay neessi baynna wodiyankka nena maaddees. Amarida mazamureta hassayanawu nena maaddanaadan kaallidi deꞌiyabata ootta.

• Danttoti qonccissiyo qofaa akeekanawu loytta nabbaba. Issibay qonccissiyo qofaa loytta akeekikko, hegaa hassayanawu metootakka. Muuziqa biidotanne naatussi giigida mazamureta gujjin, nu mazamuretu ubbaa danttuwa jw.org saytiyan demmana danddayaasa. Laybreriyaa garssan Muuziqaa giyagaa xeella.

• Danttota woraqatan xaafa. Hegaadan oottiyogee neeni danttota kaseegaappe aaruwan hassayanaadan maaddana.—Zaa. 17:18.

• Cenggurssaa xoqqu oottada meezeta. Mazamuriya zaara zaarada nabbaba woy yexxa.

• Neeni ay keena hassayiyakkonne akeeka. Neeni danttota beꞌennan eta hassayanawu baaxeta, yaatada neeni ay keena hassayidaakko akeeka.