Nuuni Geeshsha Maxaafaa nabbabiyo wode, ayyaanaaban alꞌꞌobaa koyana danddayoos. Shin nuuni hegeetuppe loytti goꞌettanawu waatana danddayiyoo?

Geeshsha Maxaafaa taarikiyan odettida ubbabaa loytta akeeka. Leemisuwawu, he taarikiya ooni xaafidaakko, hegee ooyyo, qassi awude xaafettidaakko shaakka era. He wode deꞌiya hanotay aybee, hegaappe kase aybi hanidee, qassi hegaappe simmin aybi hanidee?

Ha oyshata pilggiyogan neeni tamaariyobaa qoppa: ‘Taarikiyan odettida asawu aybi siyettidee? Eti bessido eeshshati awugeetee? Taani he eeshshata bessana koshshiyoy woy hegeeta bessana koshshennay aybissee?’

Tamaaridobaa oosuwan peeshsha; geella haggaazuwan woy haratuura deꞌiyo wode yaatana danddayaasa. Yaatikko Geeshsha Maxaafan odettidaagaadan akeekanchcha gidaasa: “A wogaa oottiyaageetuyyo lo77o akeekai de7ees.”—Maz. 111:10.

• Maaddiya zoriya: Saaminttawu gidduwan shiiqiyo shiiquwan Xoossaa Qaalan Deꞌiya Alꞌꞌobaa giya kifiliyan deꞌiyabati nuuni tamaaridobaa oosuwan peeshshiyo ogiya loytti qoppanaadan waati maaddiyakko akeeka. He kifiliyan ubbatoo nuuni nuna oychchana danddayiyo oyshati, wotti dentti qoppana danddayiyobati, qassi pilggana danddayiyo misileti deꞌoosona.