Deꞌuwan hanida issi taarikiyaa maallado maallado nabbabiya azinaynne machchiyaa hagaadan giidosona: “Ha taariketa nabbabiyoogee nuna keehi minttettiisinne ufayssiis! Ay hanotatunkka, nuunikka ammanettana danddayiyoogaa he taariketi nuna hassayissoosona.” Etaagaadan ufayttida issi michchiyaa hagaadan gaasu: “Deꞌuwan hanidabati nuuni keehi minettanaadaaninne ufayttanaadan oottoosona. Nu ishanttunne michchonttu deꞌoy ufayssan kumidaagaa. Eta deꞌuwan hanidabay taani Yihoowawu loytta haggaazanaadaaninne ta naati Yihoowawu ubba wode haggaazuwaa haggaazana mala minttettanaadan maaddiis.”

Deꞌuwan hanidabati neeni Yihoowawu kaseegaappe aaruwan haggaazanawu baaxetanaadan, nuussi deꞌiya shugo miyyiya giigissanaadaaninne wolqqaama paaceta ufayssan genccanaadan oottana danddayoosona. Deꞌuwan hanidabata awuppe demmana danddayay?

• jw.org saytiyan woy JW Laybreeriyan kaalli kaalli kiyiya, “Yihoowa Markkatu Deꞌuwan Hanidabaa” (Amaarattuwaa) giya huuphe yohuwaa koya.

• Wachtawur ONLAYN LAYBREERIYAN woy Wachtawur Laybreeriyan (Amaarattuwaa) “Yihoowa Markkatu Deꞌuwan Hanidabaa” koya.