Nuussi ubbawu buzo xinaatiyawu deꞌiya wodee guutta. Yaatin nuuni he wodiyaa waati loytti goꞌettana danddayiyoo? Koyruwan, wodiyaa bazza. Daro qofaa eesuwan nabbabiyoogaappe amarida qofaa loytta xannaꞌiyoogee nena keehi maaddana.

Yaatada neeni xannaꞌana koshshiyo amaridabata doora. (Efi. 5:15, 16) Ha qofati nena maaddana danddayoosona:

• Geeshsha Maxaafaa ubba galla nabbaba. (Maz. 1:2) Nuuni ubba saaminttan shiiqiyo saaminttawu gidduwan shiiqiyo shiiquwan xannaꞌiyo shemppotun doommiyoogee loꞌꞌo gidana danddayees.

• Wochchiyo Keelaa Xinaatiyawunne saaminttawu gidduwan shiiqiyo shiiquwawu giigetta. Zaaruwaa yootanawu loytta giigetta.—Maz. 22:22.

• Asawu immiyo maxeetetu, biidotunne jw.org saytiyan kiyiyaabatu mala hara ayyaanaabaa qumaa nabbabanawunne beꞌanawu hayyanaa baaxeta.

• Nena ufayssiya issi huuphe yohuwaa xannaꞌa. Nena gakkiya metuwaabaa, neessi oysha gididabaa woy neeni loytta akeekanawu koyiyo Geeshsha Maxaafaa qofaa pilggana danddayaasa.