Pilggiyo Wode Maaddiyaabaa
Naata Tamaarissanawu Maaddiya Miishshata
Yelidaageetuyyo bantta naata Yihoowabaa tamaarissiyo gita aawatettay deꞌees. (Efi. 6:4) Yelidaageeta maaddanawu, Yihoowa dirijjitee daro xuufeta, biidotanne mazamureta giigissiis. Intte naata loohissanawu hegeeta waati goꞌettana danddayeetii?
Doorana danddayiyoobaa koyite. Biidotanne xuufeta gujjin, yelagatussi giigida ubbabay JW.ORG saytiyan deꞌees. a Hegaa demmanawu, jw.org saytiyan koya giyasan “Yihoowa Dabbo Gida” giyaagaa xaafada koya. Yelagatussi giigidabaa demmanawu Geeshsha Maxaafaa Timirtteta > Yelagata giyaagaa xeella.
Intte naatuyyo haniyaagaa doorite. Nu saytiyan “Laybreriyaa” giyaagan “Biiduwaa” giyaagaa garssan “Naata” giyaagan deꞌiyaabatuppe intte naꞌi goꞌettana giidi intte qoppiyoobaa doorana danddayeeta.
Intte naatuura wodiyaa aattite. Intte naꞌi coo uttennaadan giidi ha biidota woy attamettidabata immoppite. Yaatiyoogaappe hegaa goꞌettidi intte naꞌaara tobbite, qassi Yihoowaara loytti dabbotanaadan maaddite.
a Qassi yelagatuyyo giigida ubba biidotinne xuufeti JW Laybireeriyan deꞌoosona.