Geeshsha Maxaafaa nuuni nabbabiyo wode, hegaa loytti akeekanawu pilggana danddayoos. SHin nuuni xannaꞌanawu koyiyoy Geeshsha Maxaafay yootiyoobaa loytti eranawu xalla gidenna. Nuuni Yihoowa kaseegaappe aaruwan siiqanaadan maaddiya, ufayssiya A eeshshatubaa gujjidi eranawu koyoos. Yaatanawu, nuna hagaadan oychchana danddayoos, ‘Ha Geeshsha Maxaafaa taarikiyaappe Yihoowaabaa taani ay tamaariyaanaa?’

Leemisuwawu, Yihooway siiquwaa, aadhdhida eratettaa, suure pirddaanne wolqqaa waati bessidaakko gujjada eranawu pilggana danddayaasa. Gidoppe attin, neeni gujjada erana danddayiyo maalaalissiya hara daro eeshshati Yihoowawu deꞌoosona. A eeshshata xeelliyaagan gujo qofaa awuppe demmana danddayay?

Yihoowa Markkati Geeshsha Maxaafaa Xannaꞌanawu Maaddiya Xuufiyan (Amaarattuwaa) “Xoossaa Yihoowa” giyaagaa garssan “Yihoowa Eeshshata” giyaagaa xeella. Yaatada, neeni Geeshsha Maxaafaa nabbabiyo wode akeekido eeshshata pilgga.