Pilgganaadan odettida xuufeti dumma dumma huuphe yohotubaa eranaadan nena maaddana danddayoosona. Interneettiyan pilgganaadan odettida xuufetun Yihoowa Markkati Geeshsha Maxaafaa Xannaꞌanawu Maaddiya Xuufee deꞌees.

Wachtawur ONLAYN LAYBREERIYAN koya giyaasay pilgganaadan odettida xuufeta goꞌettanaadan nena maaddana. Koya giya saaxiniyan ne xaafiyo wode amarida qofati saaxiniyaappe garssaara yoosona. Pilgganaadan odettida xuufetun deꞌiya qaalaa matan “Huuphe Yohuwaa” giyaagee yees.

Hagaadan ootta: Koya giya saaxiniyan “Yihoowa” gaada xaafiyoogaa doomma (A). “Yihoowa” giyaagaa xaafin yiidabaa matan deꞌiya “Huuphe Yohuwaa” giyaagaa doora (B). Pilgganaadan odettida dumma dumma xuufetun hegaara issi malabata beꞌaasa.