MAZAMURE 139
Ubbabay Ooraxxiyo Wode Deꞌiyaabadan Qoppa
-
1. Ane qoppa, neekka taakka;
Ubbay ooratta alamiyan diyoogaa.
Ne waananee, ane qoppa,
Laꞌa kiyi saruwan diyo wodiyaa.
Iita asi heede deenna;
Xoossaa haaroy merꞌnawu deꞌana.
Ooratta saꞌaa doomettay gakkana,
Sabaa yettaa nuuni
gunttidi yexxana:
(AZMAACHIYAA)
“Xoossawu, ne ootto ubbawu galatoos.
Ne Naꞌaa haaruwan ubbay ooraxxiis.
Nu wozanan sabay kumin neeyyo yexxoos;
Anggaynne bonchoy, sabaꞌbbay neeyyo bessees.”
-
2. Neekka taakka diyoogaa qoppa;
Ooratta alamiyaa sinttawu xeella.
Nu siyiyoobay, beꞌiyoobaykka
Daganttenna woy qa yashshenna.
I go ubbay polettiichiis;
Asaa bolli ba daasiyaa micciis.
Hayqqidaageeta i haꞌꞌi denttana;
Nunaara hashiyan eti
sabaa yexxana:
(AZMAACHIYAA)
“Xoossawu, ne ootto ubbawu galatoos.
Ne Naꞌaa haaruwan ubbay ooraxxiis.
Nu wozanan sabay kumin neeyyo yexxoos;
Anggaynne bonchoy, sabaꞌbbay neeyyo bessees.”
(Qassi Maz. 37:10, 11; Isi. 65:17; Yoh. 5:28; 2 PHe. 3:13 xeella.)
