MAZAMURE 95
Pooꞌoy Gujji Gujji Bees
-
1. Akeekanawu koyiis; beniꞌode asay,
Masee nu waayiyaa xayssiyo ogiyaa.
Xoossay Masee yaana giidi qonccissiis,
Asaa ashshanawu i imettees.
He wodee gakkin Masee haꞌꞌi haarees,
I haariyoogee qoncci beettees.
Hegaa eriyoogee keehi gita maata;
Kiitanchatikka koyidobaa!
(AZMAACHIYAA)
Haꞌꞌi nu ogee keehi qoncciis;
Gallassa pooꞌuwan hemettoos.
Xoossay qonccissiyoobaa beꞌite;
Nu tanggo ubban kaalettees.
-
2. Koshshiyo wodiyan nuussi qumaa immanawu,
Nu Goday ba ashkkaraa sunttiis.
Tumaa pooꞌoy keehi qoncci qoncci biis,
Nu wozanay dosiyooba gidiis.
Nu ogee qoncciis, nu tohoykka minniis,
Gallassa pooꞌuwan hemettoos.
Yihoowa galatoos; tuma ubbaa pulttuwaa,
Nashshiiddi nu a ogiyan baana.
(AZMAACHIYAA)
Haꞌꞌi nu ogee keehi qoncciis;
Gallassa pooꞌuwan hemettoos.
Xoossay qonccissiyoobaa beꞌite;
Nu tanggo ubban kaalettees.
(Qassi Roo. 8:22; 1 Qor. 2:10; 1 PHe. 1:12 xeella.)
