Amos 8:1-14
8 Ini an iginpakita ha akon ni Jehova nga Soberano nga Ginoo: Kitaa! May usa ka basket hin prutas ha katpaso.
2 Katapos, hiya nagsiring, “Ano an imo nakikita, Amos?” Ako binaton, “Usa ka basket hin prutas ha katpaso.” Ngan hi Jehova nagsiring ha akon: “Inabot na an kataposan para ha Israel nga akon katawohan. Diri ko na hira papasayloon.+
3 ‘Hito nga adlaw an mga kanta ha templo magigin pagnguyngoy,’+ nasiring hi Jehova nga Soberano nga Ginoo. ‘Damu nga patay nga lawas an iglalabog ha bisan diin+—hilom!’
4 Pamati hini, kamo nga nagtatamak-tamak ha pobre
Ngan nagwawara han maaghop ha tuna,+
5 Kamo nga nasiring, ‘San-o matatapos an piyesta ha dulom,+ basi maibaligya namon an amon lugas,*Ngan an Sabbath,+ basi makabaligya kami han lugas?
Basi maibanan namon an takos han epah*
Ngan madugangan an kabug-aton han sekel,*Basi makapanlimbong kami pinaagi han maglimbong nga mga timbangan;+
6 Basi mapalit namon hin silber an nagkukuri
Ngan hin usa ka padis nga sandalyas an pobre,+Ngan maibaligya an diri mapulsan nga bahin han lugas.’
7 Hi Jehova, nga kadungganan ni Jacob, nanumpa ha iya kalugaringon,+‘Diri ko gud hingangalimtan an ngatanan nga ira ginbuhat.+
8 Tungod hini an tuna mangungurog,Ngan an ngatanan nga umurukoy hito mabibido.+
Diri ba an kabug-osan hito matubo pariho han Nilo,Ngan mabaha ngan mahamabaw pariho han Nilo ha Ehipto?’+
9 ‘Hito nga adlaw,’ nasiring hi Jehova nga Soberano nga Ginoo,‘Akon patutunuron an adlaw ha kaudtuhon,Ngan akon pasisirumon an tuna ha malamrag nga kaadlawon.+
10 Akon hihimoon an iyo mga piyesta nga magin kabidoan+Ngan an ngatanan niyo nga kanta nga magin mga kanta nga masurub-on.*
Akon susul-otan hin sako nga panapton an ngatanan nga baliatang ngan kakalbuhon an tagsa nga ulo;Hihimoon ko ito nga pariho han pagtaguminatay para ha bugtong nga anak,Ngan an kataposan hito pariho hin mapait nga adlaw.’
11 ‘Kitaa! An mga adlaw maabot,’ nasiring hi Jehova nga Soberano nga Ginoo,‘Nga magpapahinabo ako hin gutom ha tuna,Diri kagutom hin tinapay o kauhaw hin tubig,Kondi ha pamati han mga pulong ni Jehova.+
12 Kakapuyon hira ha ira pagpatlaag tikang ha usa nga dagat ngadto ha lain nga dagat
Ngan tikang ha norte tubtob ha este.*
Maglilinibot-libot hira ha pagpamiling han pulong ni Jehova, pero diri nira ito mahiaagian.
13 Hito nga adlaw an maghusay nga mga daraga madidismayo,Pati an batan-on nga mga lalaki, tungod han kauhaw;
14 An mga nanunumpa ha sala han Samaria+ ngan nasiring,“Sugad nga buhi an imo dios, O Dan!”+
Ngan, “Sugad nga may-ada dalan nga tipakadto ha Beer-sheba!”+
Matutumba hira, ngan diri hira makakabuhát utro.’”+
