Hosea 12:1-14
12 “An Efraim nagkikinaon hin hangin.
Iya ginlalanat an hangin nga tikang ha este ha bug-os nga adlaw.
Iya ginpapadamu an kabuwaan ngan kamadarahog.
Naghihimo hira hin kasabotan ha Asirya+ ngan nagdadara hin lana ngadto ha Ehipto.+
2 Hi Jehova may-ada kaso kontra ha Juda;+Iya sisirotan an Jacob uyon ha iya panggawi,Ngan babalosan niya hiya uyon ha iya mga buhat.+
3 Ha tagoangkan, iya ginkaptan ha tikod an iya bugto,+Ngan ha iya bug-os nga kusog nakigdulong hiya ha Dios.+
4 Padayon nga nakigdulong hiya ha usa nga anghel ngan nagdaog hiya.
Nagtangis hiya ngan nakimalooy nga bendisyonan hiya.”+
Nakita niya hiya ha Bethel, ngan didto nakiistorya Hiya ha amon,+
5 Hi Jehova nga Dios han mga hugpo,+Jehova an handumanan nga ngaran niya.*+
6 “Salit balik ha imo Dios,+Ipadayon an maunungon nga gugma ngan hustisya,+Ngan maglaom ka pirme ha imo Dios.
7 Pero aada ha kamot han parabaligya* an maglimbong nga mga timbangan;Nalilipay hiya ha panlimbong.+
8 An Efraim nagsisiniring, ‘Oo, nagin riko ako;+Nagkaada ako hin karikohan.+
Ngan ha ngatanan nga akon maduruto nga pagtrabaho, diri hira makakakita hin bisan ano nga sayop o sala.’
9 Pero tikang pa ha tuna han Ehipto ako hi Jehova nga imo Dios.+
Akon ka pauukyon utro ha mga tolda
Pariho ha mga adlaw han usa nga itinanda nga panahon.*
10 Nakiistorya ako ha mga propeta,+Ginpadamu ko an ira mga bisyon,Ngan nag-istorya ako hin mga parabola pinaagi han mga propeta.
11 Ha Gilead may-ada panlimbong*+ ngan kabuwaan.
Ha Gilgal naghahalad hira hin todo nga mga baka,+Ngan an ira mga halaran pariho hin mga kinamada nga mga bato ha mga tudling ha uma.+
12 Hi Jacob pinalagiw ngadto ha teritoryo han Aram;*+Hi Israel+ nagserbi didto para magkaada hin asawa,+Ngan nagbantay hiya hin mga karnero para magkaada hin asawa.+
13 Pinaagi hin propeta igin-gawas ni Jehova an Israel tikang ha Ehipto,+Ngan pinaagi hin propeta ginbantayan hiya.+
14 An Efraim nagbuhat hin daku nga sala;+An iya pagkasalaan ha dugo nagpapabilin ha iya;Mabulos ha iya an iya Ginoo tungod han iya pagpakaalo.”+
Mga footnote
^ O “an ngaran nga mahinunumdoman hiya.”
^ O “negosyante.”
^ O posible nga “usa nga piyesta.”
^ O “aadto an madyik; aadto an misteryo.”
^ O “Sirya.”