Hosea 13:1-16
13 “Han nagyakan an Efraim, may-ada pangurog;Prominente hiya ha Israel.+
Pero nagin salaan hiya may kalabotan kan Baal+ ngan namatay.
2 Yana gindugangan nira an ira sala
Ngan naghimo hin metal nga mga rebulto* tikang ha ira silber;+Maopay an ira kahimo han mga idolo, ngatanan hinimo han mga eksperto nga parahimo.
Nasiring hira ha ira, ‘Paharoka ha nati nga mga baka an mga tawo nga naghahalad.’+
3 Salit magigin pariho hira han mga dampog ha aga,Pariho han tun-og nga temprano nga nawawara,Pariho han upa nga tikang ha giriokan nga ginpapalid han bagyo,Ngan pariho han aso nga nagawas ha buho han atop.
4 Pero tikang pa ha tuna han Ehipto ako hi Jehova nga imo Dios;+Waray ka kilala nga Dios gawas ha akon,Ngan labot ha akon waray paratalwas.+
5 Nakilala ako ha imo didto ha kamingawan,+ ha mamara nga tuna.
6 Kontento hira ha ira mga panabsaban,+Kontento hira ngan nagin mapahitas-on an ira kasingkasing.
Salit nahingalimot hira ha akon.+
7 Ha ira magigin pariho ako hin bata pa nga leon,+Pariho hin leopardo nga natago ha ligid han dalan.
8 Makada ako ha ira pariho hin oso nga nawawara an mga anak,Ngan akon uukabon an ira dughan.*
Lalamuyon ko hira didto pariho hin leon;Usa nga ihalas nga hayop ha tuna an magkukuniskunis ha ira.
9 Bubungkagon ka hito, O Israel,Kay nagrebelde ka ha akon, kontra ha imo parabulig.
10 Yana, hain na an imo hadi basi talwason ka niya ha ngatanan mo nga syudad,+Ngan an imo mga magmarando,* nga mahitungod ha ira ikaw nagsiring,‘Tagi ako hin hadi ngan mga prinsipe’?+
11 Gintagan ko ikaw hin hadi kay nasisina ako,+Ngan kukuhaon ko hiya tungod han akon kapungot.+
12 An kasaypanan han Efraim ginputos;*
An iya sala gintirok.
13 Aabaton niya an kaul-ol ha pag-anak.
Pero hiya diri maaramon nga anak;Diri hiya nagawas ha panahon nga ig-aanak hiya.
14 Tikang ha gahum han Lubnganan* tutubuson ko hira;Tikang ha kamatayon babawion ko hira.+
Hain an imo mga sugod, O Kamatayon?+
Hain an imo kapas ha pagbungkag, O Lubnganan?+
An pagpaid matago tikang ha akon mga mata.
15 Bisan kon tumubo hiya hin maopay dida ha katangboan,Maabot an hangin nga tikang ha este, an hangin ni Jehova,Maabot ito tikang ha disyerto, basi pamad-on an iya bubon* ngan pahubson an iya burabod.
Pupwersahon hito pagkuha an ngatanan niya nga marahalon nga butang ha tiripigan hin bahandi.+
16 An Samaria mapapamatud-an nga salaan,+ kay nagrebelde hiya ha iya Dios.+
Magkakamatay hira pinaagi han espada,+An ira mga anak pupusakon,Ngan an ira burod nga mga babaye pagbubusbosan.”
Mga footnote
^ O “hinurma nga mga rebulto.”
^ Lit., “an tabon han ira kasingkasing.”
^ Lit., “mga hukom.”
^ O “gintipigan.”
^ Ha iba nga lugar, “atabay.”
