Jeremias 17:1-27
17 “An sala han Juda iginsurat pinaagi hin puthaw nga pansurat.
Pinaagi hin tais han diamante igin-ukit ito ha ira kasingkasingNgan ha mga sungay han ira mga halaran,
2 Ha panahon nga gindudumdom han ira mga anak an ira mga halaran ngan an ira sagrado nga mga poste*+Ha sapit hin marampag nga kahoy, ha bawbaw han higtaas nga mga bungtod,+
3 Ha kabukiran dida ha kahawnan.
An imo mga panag-iya, an ngatanan mo nga bahandi, akon ihahatag sugad nga dinag-an+—Oo, an imo higtaas nga mga lugar tungod han sala ha ngatanan mo nga teritoryo.+
4 Itutubyan mo hin kinaburut-on an imo panurundon nga akon iginhatag ha imo.+
Ngan pasiserbihon ko ikaw ha imo mga kaaway ha tuna nga diri ka maaram,+Kay iyo ginpalarab an akon kasina pariho hin kalayo.*+
Maglalaga ito ha ngatanan nga panahon.”
5 Ini an siring ni Jehova:
“Maghikaraot an tawo* nga nasarig ha mga tawo la,+Nga nasarig ha gahum han tawo,*+Ngan an tawo nga an kasingkasing napahirayo kan Jehova.
6 Magigin pariho hiya hin nag-uusahan nga kahoy ha disyerto.
Diri hiya makakakita ha pag-abot han maopay,Kondi mag-uukoy hiya ha uga nga mga lugar ha kamingawan,Ha maasin nga tuna nga waray nakakaukoy.
7 Bendisyonan an tawo* nga nasarig kan Jehova,Nga an gintataporan hi Jehova.+
8 Magigin pariho hiya hin kahoy nga igintanom ha ligid han katubigan,Nga an mga gamot naabot ngadto ha sapa.
Diri hiya maabat ha pag-abot han kapaso,Pero an iya mga dahon pirme magigin marampag.+
Ngan ha tuig han kathuraw diri hiya mababaraka,Ngan diri hiya mahunong ha pagpamunga.
9 An kasingkasing mas malimbong* kay ha bisan ano nga butang ngan peligroso.*+
Hin-o an mahibabaro hini?
10 Ako, hi Jehova, an nag-uusisa han kasingkasing,+An nag-uusisa han gihilarumi nga mga panhunahuna,*Basi ihatag ha kada tagsa an uyon ha iya mga panggawi,Sumala han bunga han iya mga buhat.+
11 Pariho hin tamsi nga perdis nga nagtitirok han waray niya igbonayAn tawo nga nagkakaada hin mga bahandi ha diri tangkod nga paagi.*+
Babayaan hiya hito ha kabutngaan han iya kinabuhi,Ngan ha urhi mapapamatud-an nga waray hiya buot.”
12 Usa nga mahimayaon nga trono, nga ginpahitaas tikang pa ha tinikangan,An lugar han aton santuaryo.+
13 O Jehova, an paglaom han Israel,An ngatanan nga nabaya ha imo mahibubutang ha kaarawdan.
An mga nag-aapostata ha imo* isusurat ha tapotapo,+Kay ginbayaan nira hi Jehova, an burabod han buhi nga tubig.+
14 Tambala ako, O Jehova, ngan matatambal ako.
Talwasa ako, ngan matatalwas ako,+Kay ikaw an akon gindadayaw.
15 Kitaa! May mga nasiring ha akon:
“Hain na an pulong ni Jehova?+
Matuman unta ito!”
16 Pero ako, waray ako bumaya ha pagsunod ha imo sugad nga paraataman hin panon,Ngan waray ako maghingyap han adlaw han kadaot.
Maaram ka gud han ngatanan nga ginyakan han akon mga im-im;Ito ngatanan nahitabo ha imo atubangan!
17 Ayaw pagin hinungdan han akon duro nga kahadlok.
Ikaw an akon arayopan ha adlaw han kabungkagan.
18 Mahibutang unta ha kaarawdan an mga nagtitimaraot ha akon,+Pero ayaw itugot nga mahibutang ako ha kaarawdan.
Mahadlok unta hira hinduro,Pero ayaw itugot nga mahadlok ako hinduro.
Ipadangat ha ira an adlaw han kabungkagan,+Ngan dugmoka hira ngan bungkaga hin bug-os.*
19 Ini an ginsiring ha akon ni Jehova: “Lakat ngan tindog ha ganghaan han mga anak han katawohan diin an mga hadi han Juda nasulod ngan nagawas, ngan ha ngatanan nga ganghaan han Jerusalem.+
20 Ini an isiring ha ira, ‘Pamatii an pulong ni Jehova, kamo nga mga hadi han Juda, kamo ngatanan nga katawohan han Juda, ngan kamo ngatanan nga naukoy ha Jerusalem, nga nasulod hini nga mga ganghaan.
21 Ini an siring ni Jehova: “Bantayi an iyo kalugaringon,* ngan ayaw pagdara hin bisan ano ha adlaw han Sabbath o ayaw ito isulod ha mga ganghaan han Jerusalem.+
22 Ayaw kamo pagdara hin bisan ano tikang ha iyo mga balay ha adlaw han Sabbath; ngan ayaw kamo pagbuhat hin bisan ano nga buruhaton.+ Tipigi niyo nga baraan an Sabbath, sugad han akon iginsugo ha iyo mga kaapoy-apoyan.+
23 Pero waray hira mamati ngan waray nira ikiling an ira talinga, ngan nadiri gud hira* pagsugot o pagkarawat hin disiplina.”’+
24 “‘“Pero kon sumugot gud kamo ha akon,” nasiring hi Jehova, “ngan diri kamo magsulod hin bisan ano ha mga ganghaan hini nga syudad ha adlaw han Sabbath, ngan iyo tipigan nga baraan an adlaw han Sabbath pinaagi han diri pagbuhat hin bisan ano nga buruhaton hito nga adlaw,+
25 an mga hadi ngan mga prinsipe nga nalingkod ha trono ni David+ masulod liwat ha mga ganghaan hini nga syudad, nga nasakay ha karuwahe ngan ha mga kabayo, hira ngan an ira mga prinsipe, an katawohan han Juda ngan an mga naukoy ha Jerusalem;+ ngan ini nga syudad uukyan ha ngatanan nga panahon.
26 Ngan an katawohan magkakaabot tikang ha mga syudad han Juda, tikang ha mga lugar ha palibot han Jerusalem, tikang ha tuna han Benjamin,+ tikang ha kahamub-an,+ tikang ha kabukiran, ngan tikang ha Negeb,* nga nagdadara ngadto ha balay ni Jehova hin bug-os nga mga halad nga sinunog,+ hin iba pa nga mga halad nga hayop,+ hin mga halad nga tikang ha lugas,+ hin busag nga insenso, ngan hin mga halad ha pagpasalamat.+
27 “‘“Pero kon diri kamo sumugot ha akon ha pagtipig nga baraan han adlaw han Sabbath ngan ha diri pagdara hin bisan ano ngan pagsulod hito ha mga ganghaan han Jerusalem ha adlaw han Sabbath, susuritan ko an iya mga ganghaan, ngan an kalayo mag-uugtang gud han magrig-on nga mga torre han Jerusalem+ ngan diri ito mapaparong.”’”+
Mga footnote
^ O posible nga “Kay ginpalarab kamo sugad hin kalayo tungod han akon kasina.”
^ O “makusog nga tawo.”
^ Lit., “Nga an unod ginhihimo nga iya butkon.”
^ O “makusog nga tawo.”
^ O “diri masasarigan.”
^ O posible nga “diri natatambal.”
^ O “gihilarumi nga mga emosyon.” Lit., “mga kidney.”
^ O “pero ha diri patas nga paagi.”
^ Lit., “ha akon,” nga posible nga nagtutudlok kan Jehova.
^ O “bungkaga hin doble.”
^ O “an iyo kalag.”
^ Lit., “ginpatig-a nira an ira liog ha.”
^ O “ha sur.”
