Jeremias 2:1-37
2 An pulong ni Jehova inabot ha akon, nga nasiring:
2 “Lakat ngan ipasamwak ha Jerusalem, ‘Ini an siring ni Jehova:
“Nahinunumdom gud ako han imo pagkamaunungon* han batan-on ka,+Han gugma nga imo iginpakita han ikakasal ka pa la ha akon,+Han imo pagsunod ha akon ha kamingawan,Ha tuna nga waray sabwagi hin binhi.+
3 An Israel baraan hadto kan Jehova,+ an siyahan nga mga bunga han iya ani.”’
‘An bisan hin-o nga maglamoy ha iya magigin salaan.
Maabot ha ira an kadaot,’ nasiring hi Jehova.”+
4 Pamatii an pulong ni Jehova, O panimalay ni Jacob,Ngan kamo ngatanan nga pamilya han panimalay ni Israel.
5 Ini an siring ni Jehova:
“Ano nga sayop an nakita ha akon han iyo mga kaapoy-apoyan,+Nga tungod hito nagpahirayo gud hira ha akon,Ngan sinunod hira ha waray pulos nga mga idolo+ ngan nagin waray pulos liwat hira?+
6 Waray hira magpakiana, ‘Hain hi Jehova,An Dios nga naggawas ha aton tikang ha tuna han Ehipto,+Nga nagtugway ha aton ha kamingawan,Ha tuna nga may mga disyerto+ ngan mga buho,Ha tuna nga uga+ ngan masirom gud,Ha tuna nga waray naagi nga tawoNgan waray naukoy nga mga tawo?’
7 Katapos, gindara ko kamo ha tuna han namumunga nga kakahoyan,Basi kaunon an mga bunga hito ngan an mag-opay nga mga butang hito.+
Kondi sinulod kamo ngan ginhugawan an akon tuna;Ginhimo niyo nga mangil-ad an akon panurundon.+
8 An mga saserdote waray magpakiana, ‘Hain hi Jehova?’+
An mga gintaporan han Balaud waray kumilala ha akon,An mga paraataman han panon nagrebelde ha akon,+An mga propeta nanagna ha ngaran ni Baal,+Ngan ira ginsunod adton waray maihahatag nga kapulsanan.
9 ‘Salit makikig-away ako utro ha iyo,’+ nasiring hi Jehova,‘Ngan makikig-away ako ha mga anak han iyo mga anak.’
10 ‘Kondi tabok kamo ngadto ha mga lugar ha baybayon* han mga taga-Kitim+ ngan kitaa niyo.
Oo, pagsugo kamo ngadto ha Kedar+ ngan hunahunaa niyo hin maopay;Kitaa niyo kon may nahitabo na ba nga bisan ano nga sugad hini.
11 May nasud na ba nga nagsaliwan han mga dios hito hin diri mga dios?
Kondi an akon himaya ginbalyoan han akon mismo katawohan hin mga butang nga waray pulos.+
12 Pagkita kamo hini nga nahipapausa, kamo nga kalangitan;Pangurog kamo tungod han duro nga kahadlok,’ nasiring hi Jehova,
13 ‘Kay an akon katawohan nagbuhat hin duha nga magraot nga butang;Ginbayaan nira ako, an burabod han buhi nga tubig,+Ngan nag-ukad* hira para ha ira kalugaringon hin mga tirokan hin tubig,Hin ruba nga mga tirokan hin tubig, nga diri masusudlan hin tubig.’
14 ‘An Israel ba usa nga surugoon o usa nga uripon nga natawo ha panimalay?
Kon sugad, kay ano nga igintubyan hiya basi magin dinag-an?
15 An bata pa nga mga leon nauwang+ kontra ha iya;Gindaku nira an ira tingog.
An iya tuna ira ginhimo nga makaharadlok nga kagubaan.
An iya mga syudad ginsunog ha kalayo, salit waray na ito umurukoy.
16 An katawohan han Nof*+ ngan han Tapanes+ nakaon ha imo alimpupuro.
17 Diri ba ikaw gihapon an hinungdan hini nga nahitabo ha imoKay imo ginbayaan hi Jehova nga imo Dios+Samtang gintutugwayan ka niya dida ha dalan?
18 Yana kay ano nga ginhihingyap mo an dalan tipakadto ha Ehipto+Basi uminom han katubigan han Sihor?*
Kay ano nga ginhihingyap mo an dalan tipakadto ha Asirya+Basi uminom han katubigan han Salog?*
19 An imo karaotan an magtatadong ha imo,Ngan an imo mismo pagkadiri-matinumanon an magsasaway ha imo.
Hibaroi ngan kitaa kon mationan-o karaot ngan kamakasurubo+An pagbaya kan Jehova nga imo Dios;Waray ka magpakita hin kahadlok ha akon,’+ nasiring an Soberano nga Ginoo, hi Jehova han mga hugpo.
20 ‘Kay maiha na nga panahon an naglabay, ginbari-bari ko an imo yugo+Ngan gin-utod an imo mga kadena.
Kondi nagsiring ka: “Diri ako mag-aalagad,”
Kay ha bawbaw han tagsa nga hitaas nga bungtod ngan ha ilarom han tagsa nga marampag nga kahoy+Nahigda ka nga nahuyang, nagbubuhat hin prostitusyon.+
21 Gintanom ko ikaw sugad nga maopay gud nga klase hin pula nga ubas,+ nga maopay an ngatanan nga liso;Salit kay ano nga nagin maraot ka nga saringsing han ihalas nga tanom nga ubas ha akon atubangan?’+
22 ‘Bisan kon maghugas ka pinaagi hin soda* ngan gumamit hin damu nga lihiya,*An imo sala magigin mantsa la gihapon ha akon atubangan,’+ nasiring hi Jehova nga Soberano nga Ginoo.
23 Paonan-o mo masisiring, ‘Waray ko hugawi an akon kalugaringon.
Waray ako sumunod ha mga Baal’?
Kitaa an imo dalan dida ha walog.
Hunahunaa an imo ginhimo.
Pariho ka hin malaksi ngan bata pa nga kamelyo nga babayé,Nga waray la katuyoan nga nagdudurodalagan ngadto-nganhi ha iya mga aragian,
24 Pariho hin ihalas nga asno nga hiara ha kamingawan,Nga nagsisimhot han hangin tungod han iya panhimarot.*
Hin-o an makakapugong ha iya kon panahon na niya nga magpakasta?
Waray bisan usa han mga lalakí nga namimiling ha iya an kakapuyon.
Hiaagian nira hiya ha iya panahon.*
25 Ayaw tuguti nga mawad-an hin sapin an imo mga tiilNgan uhawon an imo but-ol.*
Kondi nagsiring ka, ‘Diri! Waray na paglaom!+
Nahigugma na ako ha mga estranghero,*+Ngan susundan ko hira.’+
26 Pariho han kaarawdan han usa nga kawatan kon nadadakop hiya,An panimalay ni Israel nahibutang liwat ha kaarawdan,Hira, an ira mga hadi ngan an ira mga prinsipe,An ira mga saserdote ngan an ira mga propeta.+
27 Nasiring hira ha usa nga kahoy, ‘Ikaw an akon tatay,’+
Ngan ha usa nga bato, ‘Ikaw an nag-anak ha akon.’
Kondi tinalikod hira ha akon imbes nga umatubang ha akon.+
Ngan ha panahon han ira kakurian masiring hira,‘Buhát ngan talwasa kami!’+
28 Yana hain an imo mga dios nga imo ginhimo para ha imo kalugaringon?+
Pabuhatá hira kon matatalwas ka ba nira ha panahon han imo kakurian,Kay an imo mga dios nagin sugad na kadamu han imo mga syudad, O Juda.+
29 ‘Kay ano nga padayon kamo nga nakikig-away ha akon?
Kay ano nga kamo ngatanan nagrebelde ha akon?’+ nasiring hi Jehova.
30 Kawang la an akon paghampak ha iyo mga anak.+
Diri hira nakarawat hin disiplina;+Pariho hin naatake nga leon,Ginlamoy han iyo mismo espada an iyo mga propeta.+
31 O henerasyon, tagda niyo an pulong ni Jehova.
Nagin sugad ba ako hin kamingawan para ha IsraelO hin tuna nga duro an kasisidman?
Kay ano nga ini hira, an akon katawohan, nasiring, ‘Naglilinakat-lakat kami ha bisan diin.
Diri na kami mabalik ha imo’?+
32 Hingangalimtan ba han usa nga birhen an iya mga alahas,Han usa nga karaslon nga babaye an iya paha nga may dekorasyon?*
Kondi ginkalimtan ako han akon mismo katawohan ha sulod hin mga adlaw nga diri na maihap.+
33 O babaye, maopay gud an imo pagkaplano han imo pamaagi ha pamiling hin gugma!
An imo kalugaringon ginbansay mo ha mga dalan han karaotan.+
34 An imo mismo mga bado namantsahan han dugo han inosente nga pobre nga mga tawo,*+Bisan kon waray ko hira masakbi nga nasulod ha balay;An ira dugo aada ha ngatanan mo nga bado.+
35 Kondi nasiring ka, ‘Inosente ako.
Sigurado nga diri na hiya nasisina ha akon.’
Yana nagdadara ako hin paghukom kontra ha imoKay nasiring ka, ‘Waray ako makasala.’
36 Kay ano nga diri mo gud ginsiseryoso an imo paburobag-o nga pamaagi?
Maaawod ka liwat tungod han Ehipto,+Sugad la nga naawod ka tungod han Asirya.+
37 Tungod liwat hini magawas ka nga an imo mga kamot nakabutang ha imo ulo,+Kay iginsalikway ni Jehova an imo mga ginsasarigan;Diri hira magdadara ha imo hin kalamposan.”
Mga footnote
^ O “maunungon nga gugma.”
^ O “mga isla.”
^ O “nagtabas,” posible nga ha bato.
^ O “Memfis.”
^ Karuyag sidngon, an usa nga sanga han Salog Nilo.
^ Karuyag sidngon, an Eufrates.
^ Usa nga klase hin asin nga ginagamit hadto ha paglimpyo ngan paglaba.
^ O “sabon.”
^ O “tungod han hingyap han iya kalag.”
^ Lit., “ha iya bulan.”
^ Ha iba nga lugar, “tutunlan.”
^ O “ha iba nga mga dios.”
^ O “an iya paha ha adlaw han kasal?”
^ O “mga kalag.”
