Nehemias 12:1-47
12 Ini an mga saserdote ngan an mga Levita nga sinagka upod ni Zerubabel+ nga anak ni Sealtiel,+ ngan ni Jesua:+ hira Seraias, Jeremias, Ezra,
2 Amarias, Maluc, Hatus,
3 Secanias, Rehum, Meremot,
4 Ido, Ginetoi, Abias,
5 Mijamin, Maadias, Bilga,
6 Semaias, Joiarib, Jedaias,
7 Sallu, Amok, Hilkias, ngan Jedaias. Ini hira an mga ulo han mga saserdote ngan han ira kabugtoan ha mga adlaw ni Jesua.
8 An mga Levita amo hira Jesua, Binui, Kadmiel,+ Serebias, Juda, ngan Matanias,+ nga nanguna ha mga kanta han pagpasalamat kaupod an iya kabugtoan.
9 Ngan hira Bakbukias ngan Uni nga ira kabugtoan natindog ha atbang nira para ha mga toka sugad nga gwardya.*
10 Hi Jesua an tatay ni Joiakim, hi Joiakim an tatay ni Eliasib,+ ngan hi Eliasib an tatay ni Joiada.+
11 Ngan hi Joiada an tatay ni Jonathan, ngan hi Jonathan an tatay ni Jadua.
12 Ha mga adlaw ni Joiakim, ini an mga saserdote, an mga ulo han mga panimalay:* para kan Seraias,+ hi Meraias; para kan Jeremias, hi Hananias;
13 para kan Ezra,+ hi Mesulam; para kan Amarias, hi Jehohanan;
14 para kan Maluki, hi Jonathan; para kan Sebanias, hi Jose;
15 para kan Harim,+ hi Adna; para kan Meraiot, hi Helkai;
16 para kan Ido, hi Zacarias; para kan Gineton, hi Mesulam;
17 para kan Abias,+ hi Zikri; para kan Miniamin, hi . . . ;* para kan Moadias, hi Piltai;
18 para kan Bilga,+ hi Sammua; para kan Semaias, hi Jehonathan;
19 para kan Joiarib, hi Matenai; para kan Jedaias,+ hi Uzi;
20 para kan Salai, hi Kalai; para kan Amok, hi Eber;
21 para kan Hilkias, hi Hasabias; para kan Jedaias, hi Netanel.
22 An mga ulo han mga panimalay* han mga Levita ha mga adlaw ni Eliasib, ni Joiada, ni Johanan, ngan ni Jadua+ iginrekord, sugad man an mga saserdote, tubtob ha paghadi ni Dario nga Persiano.
23 An mga Levita nga mga ulo han mga panimalay* iginrekord ha libro han kasaysayan han mga panahon, tubtob ha mga adlaw ni Johanan nga anak ni Eliasib.
24 An mga ulo han mga Levita amo hira Hasabias, Serebias, ngan Jesua+ nga anak ni Kadmiel,+ ngan an ira kabugtoan natindog ha atbang nira basi magdayaw ngan magpasalamat uyon ha mga instruksyon ni David+ nga surugoon han tinuod nga Dios, nga an usa nga grupo han mga gwardya sapit hin usa nga grupo han mga gwardya.
25 Hira Matanias,+ Bakbukias, Obadias, Mesulam, Talmon, ngan Akub+ mga parabantay han ganghaan,+ nga nagbabantay ha mga bodega hirani ha mga ganghaan.
26 Nag-alagad hira ha mga adlaw ni Joiakim nga anak ni Jesua+ nga anak ni Jozadak ngan ha mga adlaw ni Nehemias nga gobernador ngan ni Ezra+ nga saserdote ngan parakopya.*
27 Ha inagurasyon han mga pader han Jerusalem, ira ginbiling an mga Levita ngan gindara hira ha Jerusalem tikang ha ngatanan nga lugar nga ira gin-uukyan basi igselebrar an inagurasyon nga may pagrayhak, mga kanta han pagpasalamat,+ ngan mga simbal, mga instrumento nga may kwerdas, ngan mga arpa.
28 Ngan an binansay nga mga parakanta* nagtirirok tikang ha distrito,* tikang ha bug-os nga palibot han Jerusalem, tikang ha mga baryo han mga Netofatita,+
29 tikang ha Bet-gilgal,+ ngan tikang ha mga rehiyon han Geba+ ngan Azmavet,+ kay an mga parakanta naghimo para ha ira kalugaringon hin mga baryo ha bug-os nga palibot han Jerusalem.
30 Ngan ginputli han mga saserdote ngan han mga Levita an ira kalugaringon, ngan ira ginputli an katawohan,+ an mga ganghaan,+ ngan an pader.+
31 Katapos, gindara ko an mga prinsipe han Juda ngadto ha bawbaw han pader. Dugang pa, nagtoka ako hin duha nga dagku nga grupo han mga parakanta hin pagpasalamat ngan mga grupo nga masunod ha ira, ngan an usa nga grupo linakat tipatoo ha bawbaw han pader tipakadto ha Ganghaan han mga Tambak han Abo.+
32 Hi Hosaias ngan an katunga han mga prinsipe han Juda nasunod ha ira,
33 kaupod hira Azarias, Ezra, Mesulam,
34 Juda, Benjamin, Semaias, ngan Jeremias.
35 Kaupod nira an iba han mga anak nga lalaki han mga saserdote, nga dara an mga trumpeta:+ hi Zacarias nga anak ni Jonathan nga anak ni Semaias nga anak ni Matanias nga anak ni Micaias nga anak ni Zacur nga anak ni Asap,+
36 ngan an iya kabugtoan nga hira Semaias, Azarel, Milalai, Gilalai, Maai, Netanel, Juda, ngan Hanani, nga dara an mga instrumento ha musika ni David+ nga surugoon han tinuod nga Dios; ngan hi Ezra+ nga parakopya* nakada ha unhan nira.
37 Ha Ganghaan han Burabod,+ diniretso hira ngadto ha bawbaw han Hagdan+ han Syudad ni David+ nga naagi ha sagkahon nga bahin han pader ha bawbaw han Balay ni David ngan ngadto ha Ganghaan han Tubig+ ha este.
38 An usa pa nga grupo han mga parakanta hin pagpasalamat linakat tipawala,* ngan ginsundan ko ito upod an katunga han katawohan, dida ha bawbaw han pader ngadto ha bawbaw han Torre han mga Pugon+ ngan ngadto ha Madakmol nga Pader+
39 ngan ha bawbaw han Ganghaan han Efraim+ ngan ngadto ha Ganghaan han Daan nga Syudad+ ngan ngadto ha Ganghaan han mga Isda,+ ngadto ha Torre ni Hananel,+ ngadto ha Torre han Mea, ngan ngadto ha Ganghaan han mga Karnero;+ ngan inundang hira ha Ganghaan han Gwardya.
40 Ha urhi an duha nga grupo han mga parakanta hin pagpasalamat tinindog ha atubangan han balay han tinuod nga Dios, pati na ako ngan an katunga han kabulig nga mga magmarando nga kaupod ko,
41 ngan an mga saserdote nga hira Eliakim, Maaseias, Miniamin, Micaias, Elioenai, Zacarias, ngan Hananias, nga dara an mga trumpeta,
42 ngan hira Maaseias, Semaias, Eleazar, Uzi, Jehohanan, Malkias, Elam, ngan Ezer. Ngan an mga parakanta nagkanta ha daku nga tingog ilarom han pagpanguna ni Izrahias.
43 Hito nga adlaw naghalad hira hin damu nga halad ngan nagrayhak,+ kay ginpahinabo han tinuod nga Dios nga magrayhak hira nga may daku nga kalipay. An kababayin-an ngan an kabataan nagrayhak liwat,+ salit an pagrayhak han Jerusalem nababatian tubtob ha hirayo.+
44 Hito nga adlaw may igintoka nga kalalakin-an nga magdudumara han mga bodega+ para ha mga amot,+ ha siyahan nga mga bunga,+ ngan ha ikanapulo nga mga bahin.+ Dida nira titirukon tikang ha mga uma han mga syudad an mga bahín nga igin-oobligar han Balaud+ para ha mga saserdote ngan ha mga Levita,+ kay may pagrayhak ha Juda tungod han mga saserdote ngan mga Levita nga nag-aalagad.
45 Ngan nagtikang hira pagpanginano han mga obligasyon ha ira Dios ngan han mga obligasyon may kalabotan ha pagputli, ngan ito liwat an ginbuhat han mga parakanta ngan han mga parabantay han ganghaan, uyon ha mga instruksyon ni David ngan han iya anak nga hi Solomon.
46 Kay hadto ha mga adlaw ni David ngan ni Asap, may mga direktor* para ha mga parakanta ngan para ha mga kanta han pagdayaw ngan pagpasalamat ha Dios.+
47 Ngan ha mga adlaw ni Zerubabel+ ngan ha mga adlaw ni Nehemias, an bug-os nga Israel naghatag hin mga bahín ha mga parakanta+ ngan ha mga parabantay han ganghaan,+ uyon ha ginkikinahanglan kada adlaw. Iginlain liwat nira an bahín para ha mga Levita,+ ngan iginlain han mga Levita an bahín para ha katulinan ni Aaron.
Mga footnote
^ O posible nga “durante han pagkanta.”
^ Matin-aw nga ha kadaan nga mga kopya han Hebreo nga Kasuratan gintanggal an usa nga ngaran dinhi.
^ O “eskriba.”
^ Lit., “an mga anak nga lalaki han mga parakanta.”
^ Karuyag sidngon, an distrito ha palibot han Jordan.
^ O “eskriba.”
^ O “ha atubangan.”
^ Lit., “mga ulo.”
