Zepanias 2:1-15
2 Pagtirirok, oo, pagtirirok kamo,+O nasud nga waray awod.+
2 Antes pa ipatuman an sugo han Dios,Antes pa an adlaw lumabay pariho hin upa,Antes pa umabot ha iyo an naglalaga nga kasina ni Jehova,+Antes pa umabot ha iyo an adlaw han kasina ni Jehova,
3 Pamilnga hi Jehova,+ ngatanan kamo nga maaghop* ha tuna,Nga nasugot ha iya magtadong nga mga sugo.*
Pamilnga an pagkamatadong, pamilnga an pagkamaaghop.*
Bangin man la* itago kamo ha adlaw han kasina ni Jehova.+
4 Kay an Gaza magigin abandonado nga syudad;Ngan an Askelon magigin binayaan.+
An Asdod paiiwason durante han adlaw,*Ngan an Ekron gagabuton.+
5 “Kairo han mga naukoy ha baybayon, an nasud han mga Kereteo!+An pulong ni Jehova kontra ha iyo.
O Canaan, nga tuna han mga Filisteo, bubungkagon ko ikaw,Basi waray mahibilin nga umurukoy.
6 Ngan an baybayon magigin mga panabsaban,Nga may mga bubon para ha mga paraataman hin panon ngan mga toril nga bato para ha mga karnero.
7 Magigin rehiyon ito han mga nahisalin ha panimalay ni Juda;+Didto hira manginginaon.
Ha gab-i, mahigda hira ha mga balay ha Askelon.
Kay hi Jehova nga ira Dios maghahatag ha ira hin atensyon,*Ngan titirukon utro niya an mga nabihag ha ira.”+
8 “Nabatian ko an pagpakaalo han Moab+ ngan an panginsulto han mga Ammonita,+Nga nagtamay ha akon katawohan ngan naghinambog kontra ha ira teritoryo.+
9 Salit sugad nga buhi ako,” nasiring hi Jehova han mga hugpo, an Dios han Israel,“An Moab magigin pariho han Sodoma,+Ngan an mga Ammonita pariho han Gomorra,+Usa nga lugar hin tunukon nga mga tanom, usa nga maasin nga tuna, ngan padayon nga magigin binayaan nga lugar.+
An mga nahisalin han akon katawohan magkukuha han ira mga butang sugad nga dinag-an,Ngan sasakupon hira han nahisalin han akon nasud.
10 Ito an mahitatabo ha ira tungod han ira pagpahitaas,+Kay nagtamay hira ngan naghambog kontra ha katawohan ni Jehova han mga hugpo.
11 Hi Jehova magigin urusahon gud* para ha ira;Kay iya wawad-on* an ngatanan nga dios ha tuna,Ngan an ngatanan nga isla han mga nasud mayukbo* ha iya,+An kada tagsa dida ha hinmumutangan hito.
12 Kamo nga mga taga-Etiopia pamamatayon liwat pinaagi han akon espada.+
13 Iya uunaton an iya kamot ngadto ha norte ngan bubungkagon an Asirya,Ngan hihimoon niya nga magin binayaan an Nineve,+ sugad kamara han disyerto.
14 An mga panon manluluob ha sulod hito, an ngatanan nga klase hin ihalas nga hayop.*
An pelikan ngan porkupino magpapalabay han gab-i dida ha ulo-ulo han mga harigi hito.
May tingog nga magkakanta ha bintana.
Magkakaada hin kagubaan dida ha tamakán ha purtahan;Kay iya ibubuhayhag an mga bungbong nga sedro.
15 Ini an hambog nga syudad nga nalingkod nga may seguridad,Nga nasiring ha iya kasingkasing, ‘Labot ha akon, waray na lain pa.’
An mga tawo nahadlok gud tungod han nahitabo ha iya,Usa nga lugar nga maluluoban han ihalas nga mga hayop!
An bisan hin-o nga malabay ha iya magtataghoy ngan mag-aalsa han iya kamaoo* ha pagtarhog.”+
Mga footnote
^ O “mga mapainubsanon.”
^ Lit., “ha iya paghukom.”
^ O “pagkamapainubsanon.”
^ O “Manggad pa.”
^ O “han kaudtuhon.”
^ O “magmamangno ha ira.”
^ O “magsisingba.”
^ O “papagasaon.”
^ O “makaharadlok.”
^ Lit., “an ngatanan nga hayop han usa nga nasud.”
^ Ha iba nga lugar, “kumo.”
