Nim Baibel Bol Nalne Pisen?
Nim pisen buk e . . .
-
alamb bunuman aijep?
-
kombe yu bol gend?
-
Mo Got yuwom?
BAIBEL EMBE DOM
“Yu porpor Baibel a meim Got murmulom dongal ngongo bonjip.”—2 Timoti 3:16, Nupela Taim Trenslesen.
YU E NIM NALMAL PAKERONDA
Nim nomolpa enen bar ki kerma pende meim pundom sindel.—Provep 2:1-5.
Nim kunum kunum nomolpa endel bar tawol-enda.—Buk Song 119:105.
Wal kawei mi bulto min wonda mal buro pisel.—Rom 15:4.
BAIBEL DOM YU KENEM WEI ERI PILGI NINAMEN MO?
Wei eri, kenem pilgi ninamen nal enem mem talende paim:
-
Baibel yu porpor kun wei meim. Kongar 1,600 tuwalto alamb 40 jeljel Baibel bonjip. Enjep porpor ende ende nakajip. Ba, yu porpor bonjip wose ding pum!
-
Baibel kombe min wom wal yubol meim e wei eri. Wal kombe min wom mal yubol bosim ga, enjep alamb aijep man op nganmal ere win naenjip kunum yubol aijep nabol bolo enjip. Ba Baibel bonjip ga wal kes mo ka ende enjep mo, alamb aijep man bol min wom, yubol pal bonjip.—2 Stori 36:15, 16; Buk Song 51:1-4.
-
Baibel yu propet meim weieri min wowo erim. Kongar 200 yero Baibel ne Babilon poroninda pane pakim mal wei min wom. (Aisaia 13:17-22) Alamb Babilon nalmal tomen keram, ala ye ende Babilon tomen kera mal kangem dam eri!—Aisaia 45:1-3.
Baibel yu propet puli ne pakim mal wei eri min wom. Embe pile kenem malmal naenamen, nalerim, Baibel e Got yuwom?—2 Pita 1:21.
BURO PISAMEN WAL
Got yuwom nim nalmal pake rondo kamorol?
Baibel AISAIA 48:17, 18 na 2 TIMOTI 3:16, 17 a ki e pundom ngonom.
You May Also Like
ABOUT US
Vidio Tambimgol: Nal Ende Kenem Baibel Stadi Enamin?
Alamb million mal tambim tambim askim kerma ende laip a pam e, Baibel bekim ende ga pake kerma sim. Nim ga mim mal embe ende moral ne pisin mo?
ABOUT US
Ni Ende Wo Nim Kanja
Baibel ki meim omukro kanjel, mo Johova Witnis ga namal wei omukro kanpol tondol.
