“Manuʼia ia natou ʼae ʼe natou fagono ki te folafola ʼa te ʼAtua pea natou taupau!”​—Luka 11:28, Traduction du monde nouveau.

Te maʼu ʼo te ʼofa moʼoni.​—Efeso 5:28, 29.

Te fefakaʼapaʼapaʼaki moʼoni.​—Efeso 5:33.

Te maʼu ʼo te fimalie moʼoni.​—Maleko 10:6-9.

ʼEi, pea ko ʼona tupuʼaga ʼe lua:

• Ko te ʼAtua ia te Tupuʼaga ʼo te maʼuli fakafamili. ʼE ui fenei ʼi te Tohi-Tapu, ʼe haʼu mai ia Sehova ʼAtua “te u higoa o te u famili fuli.” (Efeso 3:14, 15) Ko tona fakaʼuhiga, ʼe ko Sehova te tupuʼaga ʼo te maʼuli fakafamili. He ko ʼe ʼe maʼuhiga te manatu ʼaia?

  Fakakaukauʼi: Kapau neʼe kotou leleiʼia he meʼa kai pea mo kotou fia iloʼi te ʼu meʼa ʼae neʼe teuteuʼi ʼaki, ko ai ʼae ka kotou fehuʼi anai ki ai? ʼI tona fakahagatonu, ʼe ko ia ʼae neʼe ina teuteuʼi.

  ʼO toe feia, ke kotou iloʼi pe kotea ʼae ʼe ʼaoga ke fiafia ai he maʼuli fakafamili, ʼe tonu anai ke kotou haga kia Sehova, te Tupuʼaga ʼo te maʼuli fakafamili.​—Senesi 2:18-24.

• ʼE tokaga te ʼAtua kia koutou. ʼE ko he aga poto anai mo kapau ʼe muliʼi e te ʼu famili ia te takitaki ʼa Sehova, ʼae ʼe tou maʼu ʼi tana Folafola. Kotea tona tupuʼaga? “Koteuhi e tokaga ia kia koutou.” (1 Petelo 5:6, 7) ʼE takimuʼa kia Sehova takotou maʼuli fimalie, pea ʼe fua lelei tuʼumaʼu tana tokoni!​—Taaga Lea 3:5, 6; Esaia 48:17, 18.