“ ʼE ʼi ai anai he fakatuʼuake.”​—Gaue 24:15, Traduction du monde nouveau.

Te lotofimalie moka mate he tahi ʼe tou ʼoʼofa mamahi ai.​—2 Kolinito 1:3, 4.

Te ʼateaina mai te mataku ki te mate.​—Hepeleo 2:15.

Te ʼamanaki moʼoni ʼae ke tou toe fakatahi mo natou neʼe tou ʼoʼofa mamahi ai.​—Soane 5:28, 29.

ʼEi, pea ko ʼona tupuʼaga ʼe tolu:

• Ko te ʼAtua ʼae ʼe ina Foaki te maʼuli. ʼE fakahigoaʼi ʼi te Tohi-Tapu ia Sehova ʼAtua ʼe ko “te matapuna o te mauli.” (Pesalemo 36:10; Gaue 17:24, 25) ʼE mahino papau ia, ʼe ko he meʼa noa ki te Tupuʼaga ʼo te ʼu meʼa maʼuli fuli hana toe fakamaʼuli he tahi kua mate.

• Neʼe fakahoko e te ʼAtua te ʼu fakatuʼuake ʼi te temi muʼa. ʼE talanoa te Tohi-Tapu kia fakatuʼuake ʼe valu ki te maʼuli ʼi te kele, neʼe ko te ʼu hahaʼi tupulaga, mo matutuʼa, tagata mo fafine. Ko ʼihi neʼe mole fualoa tanatou mamate, kaʼe ʼe ko te tokotahi pe neʼe kua ʼaho fa tona tuku ʼi te fale maka.​—Soane 11:39-44.

• ʼE fakaʼamu e te ʼAtua ke ina toe fai te faʼahi ʼaia. ʼE fehiʼa ia Sehova ki te mate, pea ʼe ko he fili kia te ia. (1 Kolinito 15:26) Kua fakaʼamu ia ke ina tauteaʼi te fili ʼaia, ke ina pulihi te mate pea mo fakahoko te fakatuʼuake. Heʼe loto ia ke ina fakatuʼuake ia natou ʼae neʼe ina taupau ʼi tona loto ke natou toe maʼuʼuli ʼi te kele.​—Sopo 14:14, 15