¿ATSI mʼak toj hope? Hope mʼak toj matche toj nichelhu mʼak toj wichi yʼotsan lhamey. Epanhayej iche lawhoy toj layʼotsan ame:

• ¿Dios yahemen tolhamil?

• ¿Ihichela ifwala hope che nuj nokatshayaj (lilonhen) wet oytesiche?

• Che hinʼu yʼil, ¿kamaj iloy?

• ¿Ihichela ifwala hope lewenla wichi toj yʼinhen?

• ¿Atsi toj owoye yomtilak Dios tachahunoye otalhyaj?

• ¿Atsi toj owoye toj oʼtunlak nʼokojyaj ihi?

¿Atsi hope toj ihi mʼak toj nichelhu nilhokej mʼak toj layʼotsan ame? Lapatsenej ihi hote hinʼu iwuye Dios Lhomtes, hinʼu toj talok piya, tsi wichi toj molhyejtsu iche toj elh ifwenhu aʼelh mʼak toj ihi iwuye wet yomey mʼak toj wenlhamej, iwoyñhaja lhomtes.

Iche libro, toj nichelhu mʼak toj layʼotsan lhamey. Jesucristo iwutalhyaja tahuyej Lafwcha Dios, wet yuk: “Ämet häpe tʼat mʼak tä matche” (Juan 17:17). ¿Atsi toj hope ‘ämettso’? Fwalasna hope libro, Lhawuk Lhomtes. Athana nichelhu mʼak toj layʼotsan lhamey toj ikpo mʼak toj oʼyomeytso, kalelhoj wet lhimpaj.

¿ATSI TOJ TAMENEJ TOJ WICHI TAYʼOTSAN LHAMEY? Athana toj iche wujpe mʼak toj niʼisa, toley, wujpe fwitses. Nitokw religiones toj ichefwenej toj Dios yenlhi mʼak toj niʼisa.

LHAWUK LHOMTES YUK. Dios yenilhitʼe mʼak toj niʼisa. Job 34:10 yuk: “Dios tä laj tumfwaya häpe Elh tä is alhoho, iwohiyetʼa mʼak tä niʼisa”. Dios lhahemnayaj iyej inamil, watlok ifwel namhu mʼak toj isilataj tatay alhuhu. Jesús yuk ep tiwuye toj tiwutalhyaja: “Dios tä olhamel Ojcha tä lhe puleye, [...]. Is chik Aniyatyaj inʼoyejen. Is chik õʼwoye ämet honhatena mälhyej tä õʼwoye tä ipuleye” (Mateo 6:9, 10). Toj matche, Dios mat toj yahemen wichi ifwenhu Lhos Jesús, lapesey lhayachaj, ifwañhatʼnam yenhilhila mʼak toj yomey (Juan 3:16).

Ekwe Génesis 1:26-28; Santiago 1:13; 1 Pedro 5:6, 7.

¿ATSI TOJ TAMENEJ TOJ WICHI TAYʼOTSAN LHAMEY? Wujpe wichi yʼinhen nokatshayaj (lilonhen). Nitokw inamil oytesiche, mʼak toj niʼisa.

LHAWUK LHOMTES YUK. Dios ifwel namhu toj ifwala che lapesey, wichi latamsik ihi. Dios laniyatyaj toj ihi pele, iyejla wichi “lefwajnhates yenla häpeya lechumetcha tä isajeji lakäswʼet, wet lehunis yenla häpeya lechumetcha tä yistejen hup [...] nemla lhaichufwenejen nʼokaʼtshayaj lakey” (Isaías 2:4). Dios yenhilhila mʼak toj yome toj ihi Lhomtes: “[Dios] ilejihena nilhokej tatetʼilis, wet nemla iche nʼotʼilek lhäyʼe nʼolhakli, nʼolhafwyhayaj, nʼoteläythayaj. Tsi tajyäme mʼayhay tä pajche iche noj tʼat” (Apocalipsis 21:3, 4). Dios itoytila wichi toj niʼisa wet mʼak toj oytesiche.

Ekwe Salmo 37:10, 11; 46:9; Miqueas 4:1-4.

¿ATSI TOJ TAMENEJ TOJ WICHI TAYʼOTSAN LHAMEY? Wujpe religiones toj yomey toj elh che yʼil mʼak toj ihi inepho wet ilenlhi. Hote yomey toj Dios itatey itoj elh toj niʼisa yomtilak tiyajatsi.

LHAWUK LHOMTES YUK. Wichi toj yʼinhen yenilhitʼe mʼak che hope. Eclesiastés 9:5 yuk: “Tha mat tseyhay mʼak ihanhiyejtʼa”. Hinʼu toj yʼil nuj toj netechenlhi, nuj toj yahemen, nuj toj tachumlhi, nuj toj tachut ame, yenilhitʼe mʼak che hope (Salmo 146:3, 4).

Ekwe Génesis 3:19; Eclesiastés 9:6, 10.

¿ATSI TOJ TAMENEJ TOJ WICHI TAYʼOTSAN LHAMEY? Nilhokej wichi toj iʼpe honhat iwatlok kamaj iloy lhoyʼa iñhoj toj yʼahemnhen. Elh che yʼil iwatlok che hiwʼen, nilhokej wichi toj molhyejtsu.

LHAWUK LHOMTES YUK. Dios ineyatpo wujpe wichi, yopnu toj iloy. Jesús yuk: “Nilhokhiyeja nʼopʼitseyhay [...] inuhikwephäla tä tälhomche lepʼitsekhis” (Juan 5:28, 29). Nilhokej wichi toj inehtipoma, iwohiyela che ihi honhat toj isilataj wet wʼatsan, hope tajtsu toj Dios iwatlok hiwʼenhu wichi toj pʼante tʼichun. Lhawuk Lhomtes yuk: “Häp wichi tä isen, honhat lewuhuyla wet yenla lewʼeta yämlek tiyäjʼattsiy” (Salmo 37:29). Che nom lawhoy nilhokej wichi toj tachʼahuye Dios hiwʼenla tisan toj nem tʼinhayaj ihi wet lewʼatsancheyaj toj tʼun yomtilak tiyajatsi.

Ekwe Job 14:14, 15; Lucas 7:11-17; Apóstoles Lhenhay 24:15.

¿ATSI TOJ TAMENEJ TOJ WICHI TAYʼOTSAN LHAMEY? Wujpe wichi toj ihi religiones iwutalhyaja wet netinejhli: “Dios nʼchelhihuntʼe nʼtʼalhyaj”.

LHAWUK LHOMTES YUK. Jesús yuk isitʼe toj: “Chik lewoyay alhyaja [...] yachajlhaho lhämtes” (Mateo 6:7). Chik letʼeñylo Dios tachʼahuye nʼtʼalhyaj is che nʼtʼalheje mʼak toj lham letechenhayaj. Is che inamil nʼalechefwenej Lhawuk Lhomtes. 1 Juan 3:22 yuk kalelhoj: “Chik häpe chik yʼatʼalheje tsi yʼawoye lhämtes wet yʼawoye mʼak tä lham ihuminche”.

Ekwe Salmo 65:2; Juan 14:6, 14; 1 Juan 5:14.

¿ATSI TOJ TAMENEJ TOJ WICHI TAYʼOTSAN LHAMEY? Wujpe wichi toj niticheklhi toj che hiʼwen chinajtoj, lhayʼwujyen wet lhayʼchojlhi fwetaj lakojyaj ihihla, mat matitʼe.

LHAWUK LHOMTES YUK. Jesús ichefwenej wichi mʼak toj is che iwuye yomlak lakojyaj ihi. Lham yuk: “¡Lhäyʼe lhip tä Dios lakäpfwayaj tä is iyej lhamel tä tachʼahuye lhämet wet iwoye!” (Lucas 11:28). Lakojyaj hiwʼenla che tafwelej mʼak toj matche toj ihi Lhawuk Lhomtes. Ifwel namhu mʼak toj hope Dios, mʼak toj Lham iwatlok wet mʼak toj yenhilhila. Mʼak toj matche toj laha ihi chik lawoye hope Lhawuk letechenhayaj yomlak tachutʼame toj kamaj iloy, tajtsu hope lakojyaj toj matche (Mateo 5:3).

Ekwe Proverbios 3:5, 6, 13-18; 1 Timoteo 6:9, 10.

 Yʼawʼenne lhimpaj lhomtes toj nichelhu lhoyʼa Lhawuk Lhomtes toj tayʼotsan lhamey. ¿Lewatlok aytsi lhip mʼak toj lahanej? Chik am ahope nʼel toj iwatlok nitafwelej Dios, molhyejtsu. Epanhayej iche lawhoy toj layʼotsan ame: “Chik Dios ihumin nʼamil, ¿atsi mʼak toj tamenej Dios iwaynej toj iche mʼak toj niʼisa? ¿Atsi toj owoye yomlak nʼokojyaj ihi oʼwet leley?” Lhawuk Lhomtes nichelhu nilhokej mʼak toj tafwatsi lhoyʼa iñhoj.

Wujpe wichi yʼehemenheʼe toj yahim Lhawuk Lhomtes. Lhamel yuk: “Iche wujpe nʼolhomtes wet athahen”. ¿Lehuminche nʼchʼut ame toj letʼekwe nʼchʼelhyaj toj ihi Lhawuk Lhomtes? Wichi toj yen lhometa Heowa niwatlok tachut amey.

Elh toj tachen hope librofwajna (lhasajna) toj lhey Aʼene Dios lakalayʼi. Che am lhamey nʼtamsek ihihitʼe yej lhakʼalhi, libro lhasajna tachut laʼame toj nichelhu mʼak toj layʼotsan amey, mʼak toj yomey talhe Lhawuk Lhomtes. Che elh tachut laʼame hope alchufwenej Lhawuk Lhomtes, lhoyʼa elh toj yen lhometa Heowa toj lhehi aʼwet wuk ihi lhip che hope, nilhokej semanas lhimpaj lawhoy wet nʼwuhitʼe haya. Wujpe wichi toj iʼpe honhat toj lhaychefwenej yuk: “Athana oʼwʼen mʼak toj matche”.

Am hote iwusey che lawʼen mʼak toj matche wet lawʼenla toj ihiche mʼak toj hote iwuye. Juan 8:32 yuk: “Wet letäfwnhiyeja mʼak tä matche, wet mʼak tä matche ailanhichela”. Mʼak toj matche ailanhihla toj lamatitche mʼak toj niʼisa toj wichi yomey toj molhyejtsu toj istenlhi wet ikalelhtiʼa atichunhayaj, mat mʼak toj matche toj hope Lhawuk Lhomtes hiwʼenla amhu nonihʼhayaj wet lakojyaj toj kamaj laloy.