«Dios [...] ilejihena nilhokej tatetʼilis, wet nemla iche nʼotʼilek lhäyʼe nʼolhakli, nʼolhafwyhayaj, nʼoteläythayaj» (Apocalipsis 21:3, 4, Dios Lhämtes tä Matchehen).

Kalelhaj toj lehanhiyeja toj khitʼa Dios toj tamenej toj iche awitʼayhyajay (Santiago 1:13).

Aikhajyenla toj lehanej toj Dios itafwelej awitʼayhyajay toj ayteschehen (Zacarías 2:8).

Lewʼenla aniwhayaj toj atofwiyetʼa toj nemla iche mʼak at che hope toj tamenej toj atelaythayaj ihi (Salmo 37:9-11).

Iche, natetshan dos:

• Dios nʼayiho nʼotelaythayajay wet lhayʼe toj newache nʼoʼisyaj. ¿Atsi toj Heowa letichunhayaj toj hiwʼen toj laka wichi letayhfwas itiyej mʼak toj niʼisa? Dios Lhomtes yome toj lefwitajayaj ihi toj «iläte lhamel lelhakli» (Jueces 2:18).

  Dios ihuminhitʼa hop wichi toj itiyej letelaythayaj iyhaj. Malhyej toj Lhomtes yome toj nʼayiho elh toj «[i]län elh tä laj letesa» (Proverbios 6:16, 17).

• Dios itetshan weihalhapej namel. Heowa iwatlak nilhokej mʼayhay toj nen lhalhakliya natiʼpe Lham tsi naihumnhen (1 Pedro 5:7).

  Tatay lhimpaj lewhay che Heowa itayhthila hop nʼotelaythayajay toj iyej weihalhapej namel, ichumyenhilhila Leniyatyaj (Mateo 6:9, 10). Toj kamaj ninama tajtso, itiyej lehumnhayaj nilhokej wichi toj nʼal toj tʼukwe (Apóstoles Lhenhay 17:27; 2 Corintios 1:3, 4).