E Niha Te Ĩrotsaʹra Bíblia Na Hã.
Aima hã...
-
e ĩhöiwarobo danhimirotsaꞌrata ré hã.
-
e ĩhöiwarobo rowatsuꞌu tô tsenaiꞌõ ré hã.
-
e Höimanaꞌuꞌö dzadawa watsuꞌu.
E NIHA BÍBLIA TE TINHA
‘ꞌRe ĩhöimana uꞌötsi mono tsi, ma tô Tipẽꞌẽdzani na te te tãma ꞌre awaihuꞌu, te te dama ꞌre watsuꞌu dzaꞌra mono da.’ —2 Pedro 1:20, ꞌRe Ĩhâimana Uꞌâsi Mono Zadawa Wasuꞌu.
E NIHA TA HÃ TE DZA AIPAWAPTO
Te dza ĩwaihu ĩtsadaꞌöbödzém norĩ dahöimanadzém na hã. —Colossenses 1:9,10.
Roti norĩ tô tsena na aima rowẽ uꞌötsi da. —2 Timóteo 3:16.
Te dza ĩwaihu dza ĩrowẽ na aptoꞌoré hã. —Romanos 15:4.
E WA DZATSADZEI PETSE DZAꞌRA NI BÍBLIA TE TE ĨNHARĨ HÃ.
Ĩhe, tsiꞌumdatõ marĩ uꞌöbö:
-
Bíblia te ãma tsitsadze. Aibö norĩ 40 na ma tsihötö dzaꞌra Bíblia hã 1.600 wahub ꞌremhã. Ahö na tsiwaihuꞌu dzaꞌra õ di. Tane nherẽ, ma ãma tsitsadze dzaꞌra romnhihötö na mitsi rotsaꞌrata dzarina tsi.
-
Rowatsuꞌu uptabi norĩ. Robꞌuiꞌéréꞌwa norĩ hã, te te watsuꞌu dzaꞌra õ di tsõꞌawi ĩꞌupa hã tinhibꞌaꞌuwẽ te. Tadzahã, Bíblia na robꞌuiꞌéréꞌwa norĩ hã te watsuꞌu dzaꞌra tsõꞌawi ĩꞌupa titehã duré tinhibꞌaꞌuwẽ te hã. —2 Crônicas 36:15, 16; Salmo 51:1-4.
-
Höimanaꞌuꞌö mreme hã te te ãma ꞌre uwaimrami. 700 wahum na Jesus waptãꞌã wanaré hã, Bíblia ma tô watsuꞌu dza ĩwaptãꞌã na Belém ãma, ꞌriꞌahö Judá nhipꞌtiꞌai ãma. (Miqueias 5:2) Emame, Jesus tô tsena ma waptãrã. Belém! —Mateus 2:1-6.
Marĩ ĩhöiba amo norĩna Höimanaꞌuꞌö te te ĩnharĩ hã ma ãma uwaimra ĩbö na. Ãne na hã, ã hã ĩhöiwarobo Höimanaꞌuꞌö hawi wa. —2 Pedro 1:21.
ÃMA ROTSAꞌRATA
E niha Bíblia te dza aipawapto ꞌre aihöimana wẽ mono da hã.
Bíblia te tsadaꞌö ta hã ISAÍAS 48:17, 18 duré 2 TIMÓTEO 3:16, 17 ãma.
Ãté aima wẽ di dza taha na duré
ROPOTOꞌWAI MREME NHIMIROWAHUDU ĨPIRE
E niha wama waihuꞌu petse dzaꞌra di Bíblia tô tsena ĩꞌuptabi na hã
Niꞌwam norĩ ma hã, Bíblia hã taré rowatsuꞌu ĩꞌuptabiꞌõ ne hã aibö nhimiꞌmanharĩ. Tane nherẽ, Höimanaꞌuꞌö Bíblia ꞌManharĩꞌwai wamhã, ta hã tô ĩwẽ ĩhöiwarobo höiba amo norĩ nhipai u.
E ꞌWAM NORĨ, WA NORĨ HÃ
E marĩ da romnhoré Biblia na.
Daꞌahö uptabi na daro mono bö ma tô waihuꞌu dzaꞌra ĩtsadaꞌöbödzé dadzadanharĩ ĩpire da hã dahöimanadzém na hã Biblia ꞌremhã. E te atsima ĩwẽ tsõpẽtẽ da.
E ꞌWAM NORĨ, WA NORĨ HÃ
Waptẽrẽ wa te atsabu da
Wama robdzanhamri Bíblia watsuꞌu ãma, niwamhã Jeová Watsuꞌuꞌwa norĩ ãma waihuꞌu duré.
