Aibö duré piꞌõi ma robdzei uptabi di bödö tsina ĩmro dzahuré dzéb ãma hã. Duré te tsima wẽ dzahuré õne uꞌö te te tsima rowẽ dzahuré da. Duré tsada hã ãne da. Jesus dzadawa dzamarĩꞌwa norĩ duré tsina ĩmro dzaꞌra ma, tãma waihuꞌu petse dzaꞌra di tahã ĩtsada na hã duré te tsada ꞌre tsiptete dzaꞌra Ropotoꞌwai mreme nhimiroti te te ꞌre tsadawa dzamarĩ dzaꞌra mono da.

1. E marĩ na Ropotoꞌwai mreme te roti aibö ĩmro ré norĩ ma.

Jeová ma pitsutu aibö timro duré tiꞌra norĩ ꞌmadöꞌöꞌwa da. (Tsõré na Efésios 5:23.) Jeová te tsima wẽ aibö nhimipitsutudzém norĩ timro ma duré tiꞌra norĩ ma rowẽdzéb da na hã. Ropotoꞌwai mreme te tinha aibö ĩmro ré norĩ ma: ‘Te dza aimro hã ꞌre ĩtsawi petse dzaꞌra waꞌaba mo.’ (Efésios 5:25) E marĩ tahã te watsuꞌu. Aibö ĩtsimidzawi pe te dza timro ma ꞌre höimana wẽ tinhorõwa ꞌre duré danhoꞌa. Te dza ĩꞌwawi ꞌre tsimapa duré te dza tsiwatsutu te te upari da marĩ dzô tiwi tsô ĩrowaptöꞌödzém na duré te te rowẽ da timro pẽꞌẽ ma. (1 Timóteo 5:8) Duré danhipai u te natsi pawapto tsimidzadze nhiptete da. (Mateus 4:4) Ãma ĩtsimiré, aibö te dza rowaptẽ duré te dza tsõré Ropotoꞌwai mreme timro me. Aibö tsimidzawi na timro te te ꞌmadöꞌö wẽ wamhã, te dza tsiptete titsiwaihuꞌudzé Jeová ãma. — Tsõré na 1 Pedro 3:7.

2. E marĩ na Ropotoꞌwai mreme te roti piꞌõ ĩmro ré norĩ ma.

Ropotoꞌwai mreme te tinha piꞌõi ma timro ‘te te ꞌre wadzéb mono da’. (Efésios 5:33) E niha tahã te dza ꞌmanha. Te dza höiꞌré tãma ĩrowẽ na hã timro tsada ꞌre ĩtsiptete mono dzé te te ꞌmadöꞌö wẽ da õ hã duré tiꞌra norĩ. Te dza duré tinhimiwadzép tsina upa timro nhimipitsutudzém norĩ duré te dza tinhimidzawi na tãma robdzanha ĩmro hã Jesus dzadawa dzamarĩꞌwai õ nherẽ. Piꞌõ hã duré te te dama watsuꞌu watsété õ di dza timro hã.

3. E niha aibö duré piꞌõ tsina ĩmro dzahuré hã te dza tsina ꞌre tsiptete dzahuré.

Ropotoꞌwai mreme te tinha ĩmro ré norĩ ma: ‘Te dza mitsi ĩhöiba na oto ꞌre höimana dzahuré.’ (Mateus 19:5) Taha dzarina te dza ꞌre tsiwatsutu dzahuré marĩ te te tiwi uprotsi dzahuré tõ da ĩtsitsawi dzahuré dzé hã. Taha da, te natsi tsiré aimatsitsi dzahuré duré tinhimidzawi na te natsi tsima tsiwatsuꞌu uptabi dzahuré tinhimirotsaꞌrata ꞌre duré ĩpẽꞌẽ ꞌre ĩhöimana na hã. Aibö duré piꞌõi ma Jeová dzahöpö, marĩ duré niꞌwa ĩpire höimana õ di timro nhipai u. Te tsiꞌmadöꞌö petse dzahuré niꞌwa aimawi dzô tsiꞌwapé dzahuré tõ da ĩböiꞌõ na.

 WAIHUꞌU DURÉ

4. Aibö te te ĩtsawi da tsi duré te te ĩꞌmadöꞌö wẽ da tsi timro

5. Piꞌõ te te ĩtsawi da tsi duré te te ĩwadzéb da tsi timro hã

Ropotoꞌwai mreme te roti piꞌõi ma te te wadzéb da timro hã, tahã Jesus dzadawa dzamarĩꞌwai õ nherẽ. Atsiré tsõré aba 1 Pedro 3:1, 2. Taha parimhã atsima robdzanhamri aba ãhã dadzadanharĩ ãma piꞌrebamhã:

• Aimro hã Jeová ma dzahadu te te tãma romhuri õ wamhã, tô tsena te atsima ĩwẽ ãhã te te ꞌmanharĩ da. Taha da, e marĩ danhipai u ĩwẽ: e natsi tãma roꞌmahörö uꞌötsi wamhã Ropotoꞌwai mreme na e niwamhã atsimidzawi na, aihöimana wẽ na duré atsimiwadzép tsina tãma ꞌre aihöimana mono wamhã. E marĩ wa.

Tsiré aibö duré piꞌõ tsina ĩmro dzahuré hã te dza pitsutu wẽ dzahuré. Tane nherẽ, nimahã na ãté piꞌõ te te rotsaꞌrata õ di dza timro te te ĩrotsaꞌrata ne. Ãne wamhã, atãma na duré tinhimiwadzép tsina te dza watsuꞌu tinhimirotsaꞌrada.  Tadzahã te dza ãma poꞌre puru Jeová te te ĩtsõmri na hã aibö ma te te pitsutu da marĩ danhipai u ĩwẽ timro ma duré tiꞌra norĩ ma. Piꞌõ te dza ꞌre tsiwatsutu timro nhimipitsutudzé hã te te upari da. Ãne piꞌõ te dza pawapto aihĩni norĩ tinhorõwa ꞌre te te tsima rowẽ dzaꞌra da. Atsiré tsõré aba 1 Pedro 3:3-5. Taha parimhã atsima robdzanhamri aba ãhã dadzadanharĩ ãma piꞌrebamhã:

• E niha Jeová te tihöiba piꞌõ timro te te wadzé wamhã.

6. Te dza ãma ĩꞌaiꞌuté ropire norĩ na datsina damro ꞌremhã

 ĨWAIHUꞌUDZÉ HÃ

Tsada hã aibö duré piꞌõ tsina ĩmro dzahuré hã te te tsima rowẽ dzahuré da tsitsawi petse dzahuré wamhã, tsiwadzéb dzahuré wamhã duré Ropotoꞌwai mreme nhimiroti dzarina ꞌre höimana dzahuré mono wamhã.

Ãma aipoꞌre puꞌu

• E marĩ aibö te dza ꞌmanha datsina damrodzéb ꞌremhã aihĩni ma rowẽdzéb da.

• E marĩ piꞌõ te dza ꞌmanha datsina damrodzéb ꞌremhã aihĩni ma rowẽdzéb da.

• Aimro ĩré wamhã e mahã Ropotoꞌwai mreme nhimiroti te dza aipawapto a hã aimro me atsina ꞌre atsiptete aba mono da.