Jesus datsiꞌrãꞌõtõ ꞌmadöꞌöꞌwa te ꞌre höimana. (Efésios 5:23 TNM) Ãhãna hã höiwa ãma te nhamra duré õ hawi te te ꞌre tsaprõni tidzadawa dzamarĩꞌwa norĩ Tiꞌai ãma ‘romhuriꞌwa ĩꞌumnha duré ĩtsimidzaꞌretse’ hawimhã. (Tsõré na Mateus 24:45 TNM.) Jesus tsiꞌuihö na ma pitsutu “romhuriꞌwa hã” duré ma tãma titsõ nimahã marĩ norĩ ãma te te rowairébé da. Taha nherẽ, romhuriꞌwa hã te te ĩtsadawa dzamarĩ da tsi Cristo duré te te ĩromhuri da tsi ĩtsitsãnawã norĩ ma hã. E ꞌwa hã romhuriꞌwa ĩꞌumnha duré ĩtsimidzaꞌre. E niha te waꞌmadöꞌö dzaꞌra.

1. E ꞌwa hã “romhuriꞌwa hã ĩꞌumnha duré ĩtsimidzaꞌre”.

Duréi nherẽ Jeová ma tô te te ꞌre pitsutu mitsi aibö niwamhã aibö norĩ ubumro tinhibꞌaꞌuwẽ norĩ te te ꞌre tsaprõni dzaꞌra mono da. (Malaquias 2:7 TNM; Hebreus 1:1) Jesus döꞌö parimhã, apóstolo duré daꞌmadöꞌöꞌwa norĩ Jerusalém ãma te te ꞌre dadzaprõni dzaꞌra. (Atos 15:2) Tô ãne na ã bötö na, Jeová ma pitsutu aibö norĩ ubumro datsa danhimidzadze na te te dama ꞌre anhomri dzaꞌra mono da duré te te ꞌre ꞌmadöꞌö dzaꞌra mono da romhuri dama roꞌmahörö na hã. Ãhã daꞌmadöꞌöꞌwa norĩ ubumro Rowairébéꞌwai ubumro hã Jeová Watsuꞌuꞌwa norĩ te hã. Õ norĩ hã “romhuriꞌwa hã ĩꞌumnha duré ĩtsimidzaꞌre, ĩtsibꞌapito [Jesus] te te ĩpitsudu” ãhã romhuri te te ꞌre tsaprõni mono da. (Mateus 24:45a TNM) Aihĩni norĩ Rowairébéꞌwai ubumroi ꞌremhã Jesus dzadawa dzamarĩꞌwa norĩ ĩpitsudu Jeová pẽꞌẽdzani na höiwa u da hã. Ĩhöimana dzaꞌra dzé tsiꞌutõrĩ parimhã Tiꞌai ꞌre, höiwa u te dza te te ꞌre roti dzaꞌra Cristo tsiré.

2. E niha romhuriꞌwa hã ĩꞌumnha datsa danhimidzadze na te te ꞌre anhomri Jeová nhibꞌaꞌuwẽ norĩ ma.

Jesus te tinha romhuriꞌwa hã ĩꞌumnha ‘titsiré romhuriꞌwa norĩ ma ĩtsa hã dza te te tãma ꞌre ĩꞌanhomri mono na bödö ĩꞌuwaibaba na’. (Mateus 24:45b) Datsa hã te te ĩwahöiba nhiptete dzaꞌra ne, Ropotoꞌwai mreme nhimiroti hã te wanhiptete dzaꞌra Jeová wa te rẽme dzaꞌra tõ da duré wa te ãma uwaimrami dzaꞌra da romhuri Jesus te te wama ĩtsõmri dzaꞌra hã. (1 Timóteo 4:6) Ãhã datsa danhimidzadze na te wama ꞌre höimana dzaꞌra datsiꞌrãꞌõtõ norĩ na, datsiꞌrãꞌõtõ dzaꞌẽtẽ norĩ na, ĩhöiwarobo norĩ na duré ĩropoto norĩ na Bíblia dzarina. Ta norĩ uburé te wama waihuꞌu dzaꞌra Ropotoꞌwa nhimirotsaꞌrada duré te tsiptete dzaꞌra watsiwaihuꞌudzé hã õhõ ãma.

 WAIHUꞌU DURÉ

3. Jeová nhibꞌaꞌuwẽ norĩ uptsãtã na ꞌre ĩhöimana dzaꞌra mono da tsi

Jesus nhimiroti dzarina Rowairébéꞌwai ubumro hã te te ꞌre aꞌuptsãtã Jeová Watsuꞌuꞌwa norĩ nhimiromhuri. Tane duré, ma tô te te ꞌre ꞌmanharĩ dzaꞌra duréihã Jesus dzadawa dzamarĩꞌwa ĩmorĩꞌrata norĩ ãma hã. ꞌMadöꞌö aba ĨROPODO.

Atsiré tsõré aba 1 Coríntios 14:32, 33, 40. Taha parimhã atsima robdzanhamri aba ãhã dadzadanharĩ ãma piꞌrebamhã:

• E niha ãhã romnhihödö te höiꞌré Jeová te te tsima ĩwẽ na hã tinhibꞌaꞌuwẽ norĩ hã uptsãtã na ꞌre höimana dzaꞌra mono da.

4. Romhuriꞌwa hã ĩꞌumnha te te ꞌre aꞌuptsãtã wanhimiromhuri dama roꞌmahörö na hã

Dama roꞌmahörö hã romhuri danhipai u ĩpire duréihã Jesus dzadawa dzamarĩꞌwa ĩmorĩꞌrata norĩ nhimiꞌmanharĩ. Atsiré tsõré aba Atos 8:14, 25. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:

• E ꞌwam norĩ duréihã te te ꞌre ꞌmadöꞌö dzaꞌra romhuri dama roꞌmahörö na hã Jesus dzadawa dzamarĩꞌwa ĩmorĩꞌrata norĩ nhimiꞌmanharĩ.

• E Pedro João me, ma tô tsadawa dzamarĩ dzahuré apóstolo ĩhöiba amo norĩ nhimiroti hã.

Rowairébéꞌwai ubumro nhimiromhuri danhipai u ĩpire hã dama roꞌmahörö ꞌmadöꞌö na. ꞌMadöꞌö aba ĨROPODO.

 Jesus ma tô höiꞌré dama roꞌmahörö ĩpire uptabi na hã. Atsiré tsõré aba Marcos 13:10. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:

• E marĩ wa, romhuri dama roꞌmahörö na hã ĩpire uptabi Rowairébéꞌwai ubumroi ma.

• E marĩ wa, ĩpire uptabi “romhuriꞌwa hã ĩꞌumnha duré ĩtsimidzaꞌre” te te ꞌre aꞌuptsãtã mono da ãhã romhuri Tiꞌai mono bö.

5. Romhuriꞌwa hã ĩꞌumnha te te ꞌre waꞌadzaprõni dzaꞌra

Rowairébéꞌwai ubumro hã te te ꞌre tsaprõni Jesus dzadawa dzamarĩꞌwa norĩ Tiꞌai mono bö. E marĩ dzarina te te ꞌre wadzaprõni dzaꞌra. ꞋMadöꞌö e niha rowairébéꞌwai ubumro hã duréihã ãhã te te ꞌre ꞌmanharĩ dzaꞌra. Atsiré tsõré aba Atos 15:1, 2. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:

• E marĩ wa, Jesus dzadawa dzamarĩꞌwa norĩ duréihã ma tô aꞌö tsitsadaꞌöbö dzaꞌra.

• E ꞌwam norĩ nhimipawaptobdzéb dzô Paulo, Barnabé duré ĩhöiba amo norĩ, ma tô aiꞌabaꞌré.

Atsiré tsõré aba Atos 15:12-18, 23-29. Taha parimhã atsima robdzanhamri aba ãhã dadzadanharĩ ãma piꞌrebamhã:

• Marĩ na te te rowairébé dzaꞌra wana ré, e marĩ rowairébéꞌwai ubumro hã apóstolo norĩ nhibötö ré hã te te ꞌre ꞌmanharĩ dzaꞌra Ropotoꞌwa te te tsaprõni dzaꞌra da marĩ na hã. — ꞌMadöꞌö aba ĩtsihötö ꞌrare 12, 15 duré 28.

Atsiré tsõré aba Atos 15:30, 31 duré 16:4, 5. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:

• E Jesus dzadawa dzamarĩꞌwa ĩmorĩꞌrata norĩ duréihã ma tô tsadawa dzamarĩ dzaꞌra rowairébéꞌwai ubumroi nhimiroti hã.

• E marĩ Jeová, ma tãma ꞌmanharĩ dzaꞌra te te tsadawa dzamarĩ dzaꞌra wa.

Atsiré tsõré aba 2 Timóteo 3:16 duré Tiago 1:5. Taha parimhã atsima robdzanhamri aba ãhã dadzadanharĩ ãma piꞌrebamhã:

• E marĩ dzô Rowairébéꞌwai ubumro hã te tsô rĩni ã bötö na marĩ na te te rowairébé da wamhã.

 ĨWAIHUꞌUDZÉ HÃ

Rowairébéꞌwai ubumro hã tô “romhuriꞌwa ĩꞌumnha duré ĩtsimidzaꞌre” Jesus Cristo te te ĩpitsudu hã. Õ norĩ te te ꞌre tsaprõni dzaꞌra Jesus dzadawa dzamarĩꞌwa norĩ Tiꞌai mono bö duré datsa danhimidzadze na te te tãma ꞌre anhomri dzaꞌra.

Ãma aipoꞌre puꞌu

• E ꞌwa ma pitsutu “romhuriꞌwa hã ĩꞌumnha duré ĩtsimidzaꞌre”.

• E niha Rowairébéꞌwai ubumro hã te waꞌmadöꞌö dzaꞌra ã bötö na.

• E te ĩtsadze Rowairébéꞌwai ubumro hã tô ‘romhuriꞌwa hã ĩꞌumnha duré ĩtsimidzaꞌretse na’.