Tiꞌai mono bö, daꞌahö uptabi na te romhuri dzaꞌra ni Jeová ma datsiꞌrãꞌõno ĩꞌahö norĩ ãma. Ta norĩ hã te tsima rowẽ dzaꞌra roti da te tãma ĩtsõmri dzaꞌra na hã. Taha wa, te tsima wẽ dzaꞌra datsiꞌrãꞌõno te te ꞌre upari dzaꞌra mono da. E ãne duré te aihöiba atsiꞌrãꞌõtõ ãma.

1. E niha atsibötö na duré atsiptetedzém na te dza ꞌre ĩꞌupari mo atsiꞌrãꞌõtõ ãma.

Tsada hã wahöiba mono bö, wa te pawaptob dzaꞌra da watsiꞌrãꞌõtõ ãma. Ãma ĩtsimiré, e tsada ꞌmapraba da ĩhi norĩ, niwamhã ĩtsépuꞌu ré norĩ datsiꞌrãꞌõtõ u. Niwamhã ãté tsada hã pawaptob dzaꞌra da marĩ ĩhöiba amo na. Ãma ĩtsimiré, robꞌuipra da niwamhã robꞌuptsõ da. (Tsõré na Tiago 1:27.) Wa dza duré watsima wẽ dzaꞌra ni wa te pawaptob dzaꞌra da datsiꞌrãꞌõtõdzéb uptsõ na duré ĩpetsedzém na. Wama ꞌrudzahi õ nherẽ, wanhimidzawidzé hã Ropotoꞌwai ãma duré watsitsãnawã norĩ ãma te dza warétsi dzaꞌra ‘watsihawim na watsihöiꞌré dzaꞌra da’. — Salmo 110:3.

Jeová Watsuꞌuꞌwa ĩꞌrãtiꞌi ré norĩ te dza duré pawaptob dzaꞌra datsiꞌrãꞌõno hã marĩ ĩhöiba amo norĩ na. Watsitsãnawã norĩ, ãma ĩtsimiré, te dza tsiwatsutu dzaꞌra dapawaptoꞌwa da duré daꞌmadöꞌöꞌwa da. Watsitsãnawã norĩ duré wahidiba norĩ te dza duré upari dzaꞌra romhuri dama romahörö na hã ĩtsãnaꞌrataꞌwa na. Nimahã Jeová Watsuꞌuꞌwa norĩ te pawaptob dzaꞌra Jeová ãma dawatadzéb ꞌri na. Ĩhöiba amo norĩ te wairé aimawi darob u ĩpawaptobdzéb dzô tsô ĩrowaptöꞌödzéb u.

2. E niha wa dza pawaptob dzaꞌra ni datsiꞌrãꞌõno hã wanhimarĩ norĩ na.

Jeová ‘wa dza wa te ꞌre wadzéb dzaꞌra mono wanhimarĩ na.’ (Provérbios 3:9) Wama wẽ dzaꞌra di wanhibdzari na datsiꞌrãꞌõno wa te upari dzaꞌra wamhã, duré romhuri dama roꞌmahörö na Tiꞌai mono bö. (Tsõré na 2 Coríntios 9:7.) Wanhibdzari na wa duré pawaptob dzaꞌra ni ropipa dzaꞌẽne watobro wamhã. Ĩꞌahö norĩ ‘robꞌuipradzé te ãma aipoꞌo dzaꞌra’ romhuri tsidöpötsi niwamhã aꞌamo tsidöpötsi natsi tsibdzari dzaꞌra da. (Tsõré na 1 Coríntios 16:2.) Tsada hã wanhibdzari wa te tsẽrẽ dzaꞌra da wedehöꞌre ꞌre danhibdzari da hã datsiꞌrãꞌõtõdzéb ãma hã niwamhã site donate.pr418.com na. Wanhimarĩ na wa te ĩꞌmanharĩ dzaꞌra dzé wa dza höiꞌré dzaꞌra ni Jeová ma wa te ĩtsawi dzaꞌra na hã.

 WAIHUꞌU DURÉ

 ĨWAIHUꞌUDZÉ HÃ

Jeová ma, te tãma rowẽ watsiwatsutu dzaꞌra wamhã datsiꞌrãꞌõtõ ãma wa te ꞌre upari dzaꞌra mono da wanhibötö na, wanhiptetedzém na, duré wanhimarĩ na.

Ãma aipoꞌre puꞌu

• E niha wa dza wa te ꞌre upari dzaꞌra datsiꞌrãꞌõtõ ãma wanhibötö na duré wanhiptetedzém na.

• E niha wa dza wa te ꞌre upari dzaꞌra datsiꞌrãꞌõtõ ãma wanhimarĩ na.

• E niha te atsima ĩwẽ datsiꞌrãꞌõtõ ãma ꞌre upari mono da.