Nimahã na hã, te dza da te ꞌre waꞌwapé dzaꞌra Jeová ma wa te romhuri dzaꞌra tõ da. Te dza duré da te wama ꞌre robꞌmanharĩ watsété dzaꞌra wa te tsadzöri dzaꞌra õ wa. Ãne wamhã, e wa dza dama wapahi dzaꞌra ni.

1. E marĩ dzarina wama waihuꞌu petse dzaꞌra di, dza da te ĩwadzarẽ dzaꞌra da na hã.

Ropotoꞌwai mreme te tinha: ‘Cristo Jesus ãma ꞌre dahöimana wẽ dzaꞌra mono da, da te datsima ꞌre wẽ dzaꞌra mono ꞌru te, datsiꞌuihö na te dza tô ĩtsadzeiꞌwa norĩ ma, da te ꞌre robꞌmanharĩ watsété dzaꞌra.’ (2 Timóteo 3:12) Jesus ma tô da te ꞌre tsarẽ dzaꞌra Waꞌuburé nhimiroꞌmadöꞌödzéb ꞌremhã dame höimana õ wa. Dame wahöimana dzaꞌra õ di duré. Taha wa, wama waihuꞌu petse dzaꞌra di dama ĩpire norĩ duré danhimidzadze ĩhöiba amo norĩ dza te te ĩwadzarẽ dzaꞌra da na hã. — João 15:18, 19.

2. E niha ĩwana wa dza watsitsaꞌra wẽ dzaꞌra ni da te wadzarẽ wab da.

Jeová wa te ĩꞌumnhatsi dzaꞌra dzé wa te ĩtsiptete dzaꞌra da tsi awaꞌawi na. E niha bété. Bödö atsima pitsutu bötö tsidöpötsi rowaptẽrẽ da duré Ropotoꞌwai mreme tsõré da. Duré natsi ꞌmadöꞌö uꞌötsi datsiꞌrãꞌõtõ norĩ. Ã norĩ ꞌmanharĩ te dza aipawapto atsibꞌru na tsada ꞌre atsiptete mono da, da te atsarẽ dzaꞌra wamhã, ate família norĩ nherẽ. Apóstolo Paulo ma tô da te ꞌre tsarẽ uꞌötsi mono duré ma tsihötö: ‘Õhõ tsi Danhibꞌapito uptabi [Jeová] te te ꞌre ĩ̱pawaptob uꞌötsi. Taha wa, marĩ ma, ꞌre ĩ̱pahi mono õ di.’ — Hebreus 13:6.

Wanhibꞌru petse da hã, wa dza natsi dama roꞌmahörö dzaꞌra ni. Wa te dama roꞌmahörö dzaꞌra wamhã Jeová wa umnhatsi dzaꞌra ni duré dama wapahi dzaꞌra õ di. (Provérbios 29:25) Awaꞌawi wanhibꞌru na wa te dama roꞌmahörö dzaꞌra wamhã, wanhibꞌru na wa dza dama roꞌmahörö dzaꞌra ni dama ĩpire norĩ te te wama ꞌru dzaꞌra nherẽ wa te tsadzöri dzaꞌra da. — 1 Tessalonicenses 2:2.

3. E marĩ wa, wẽ di dza wa te tãma hö dzaꞌra wamhã da te wadzarẽ dzaꞌra nherẽ.

Niꞌwai ma wẽ õ di dadzarẽ. Tane nherẽ, wa te tãma hö dzaꞌra wamhã wanhimidzadze te dza tinhiptete. Wa te watsina rotsaꞌrata dzaꞌra wamhã dza tsada ĩwanhiptete dzaꞌra õ na hã, Jeová wanhiptetedzé te dza wama tsõmri dzaꞌra. Ãhã watsiꞌuihö na wa te ꞌmadöꞌö dzaꞌra wamhã, ĩtẽme wa dza watsina rotété dzaꞌra ni. (Tsõré na Tiago 1:2-4.) Jeová pẽꞌẽdzé di wa te robdzépata dzaꞌra wamhã. Tadzahã, tãma robdze ti wa te tãma hö dzaꞌra wamhã. Ropotoꞌwai mreme te tinha: ‘Atsimiꞌẽ tsina marĩ ĩwẽ ꞌre ꞌmanharĩ dzaꞌra waꞌaba mono wa, ꞌre ꞌwapé dzaꞌra waꞌaba mono wamhã, ꞌRe ĩhöimana uꞌötsi mono hã te dza ĩwẽ hã te te aima ꞌre apitsutu ꞌwa, taha uꞌöbö.’ (1 Pedro 2:20) Jeová te ropitsutu dahöimana uꞌötsi dzém na Ro Ĩwẽ ãma dadzarẽ ãna aihĩni te te tãma ꞌre ĩhö dzaꞌra mono norĩ ma robꞌrãtsutu u. — Mateus 24:13.

 WAIHUꞌU DURÉ

4. Te dza tsada ꞌre atsiptete mo ate família norĩ atsada höimana dzaꞌra nherẽ

Jesus ma, tãma waihuꞌu petse di nimahã na hã wate família norĩ te te tsima ĩwẽ dzaꞌra õ na hã Jeová ma wa te romhuri dzaꞌra da. Atsiré tsõré aba Mateus 10:34-36. Taha parimhã atsima robdzanhamri aba ãhã dadzadanharĩ ãma piꞌrebamhã:

• E marĩ ãté te dza watobro niꞌwa família ꞌremhã te te tsima pitsutu wamhã Jeová ma te te romhuri da.

5. Jeová ma ꞌre romhuri uꞌötsi mono da te atsarẽ nherẽ

 6. Jeová te dza aipawapto tãma ꞌre hö mono da

 ĨWAIHUꞌUDZÉ HÃ

Jeová ma, tãma robdze ti tsada ꞌre wanhiptete dzaꞌra mono wamhã, wa te tãma romhuri dzaꞌra da dadzarẽ nherẽ. Ĩtsimipawaptobdzém na, wa dza tãma hö dzaꞌra ni!

Ãma aipoꞌre puꞌu

• E marĩ dzarina Jesus dzadawa dzamarĩꞌwa norĩ ma, tãma waihuꞌu petse dzaꞌra di, dza da te ĩtsarẽ dzaꞌra da na hã.

• E marĩ te dza ĩꞌmanha awaꞌawi na atsitsaꞌra wẽ da, da te atsarẽ wab da.

• E marĩ dzarina aima waihuꞌu petse di ĩtsada na hã Jeová ma romhuri da da te atsarẽ nherẽ.