HLALANI NITHE QWA!
Abezepolitiki Bathi IArmagedon Sele Iza Kufika—Ithini IBhayibhile?
Nge-10 kaOktobha 2022, ebingoMvulo, iibhombu zaseRashiya ziye zaqhushumbisa iidolophu zaseUkraine kusasa. Le nto yenzeke ngenxa yokuba kwintsuku ezimbini ngaphambili, kuye kwaqhushumba ibhulorho esetyenziswa kakhulu edibanisa iCrimea neRashiya. Ezi zinto zenzeke emva nje kokuba abezepolitiki bethe iArmagedon sele iza kufika.
“Sagqibela ukusondela kangaka kwiArmagedon ngexesha likaMongameli waseUnited States uJohn F. Kennedy, xa kwakukho ingxabano ngenxa yeebhombu ezaziseCuba. . . . Andiqondi ukuba kungasetyenziswa izixhobo zokulwa zenyukliya kodwa iArmagedon ingenzeki.”—UJoe Biden OnguMongameli waseUnited States, ngo-Oktobha 6, 2022.
“Nam ndiyavuma ukuba iArmagedon sele iza kufika. Umhlaba usengozini.”—Into ethethwe nguMongameli waseUkraine uVolodymyr Zelensky, xa ebebuzwa ngezinto ezinokwenzeka xa kusetyenziswa izixhobo zokulwa zenyukliya kwiiNdaba zeBBC, ngo-Oktobha 8, 2022.
Ngaba kuza kubakho imfazwe yeArmagedon xa kusetyenziswa izixhobo zokulwa zenyukliya? Ithini yona iBhayibhile?
Ngaba kuza kubakho imfazwe yeArmagedon xa kusetyenziswa izixhobo zokulwa zenyukliya?
Hayi. Igama elithi ‘Armagedon’ livela kanye eBhayibhileni, kwiSityhilelo 16:16. Alithethi ngemfazwe ephakathi kweentlanga kodwa lithetha ngemfazwi ephakathi “kookumkani bomhlaba wonke” kunye noThixo. (ISityhilelo 16:14) UThixo uza kusebenzisa imfazwe yeArmagedon ukuze aphelise ulawulo lwabantu.—Daniyeli 2:44.
Ukuze ufunde ukuba kuza kwenzeka ntoni emhlabeni ngeArmagedon, funda inqaku elithi Yintoni Imfazwe YeArmagedon?
Ngaba umhlaba nabantu abakuwo baza kutshatyalaliswa yimfazwe yenyukliya?
Hayi. Nangona oorhulumente babantu besenokusebenzisa izixhobo zokulwa zenyukliya kwixesha elizayo, uThixo akasoze avumele ukuba umhlaba utshatyalaliswe. IBhayibhile ithi:
“Umhlaba uhlala ukho ngonaphakade.”—INtshumayeli 1:4.
“Umhlaba uza kuba ngowamalungisa, ibe aza kuhlala kuwo ngonaphakade.”—INdumiso 37:29.
Kodwa, izinto ezithethwa yiBhayibhile nezinto ezenzekayo ngoku zibonisa ukuba izinto sele ziza kutshintsha emhlabeni. (Mateyu 24:3-7; 2 Timoti 3:1-5) Zivele ukuba ithini iBhayibhile ngezinto eziseza kwenzeka kwixesha elizayo kwincoko yethu efundisa ngeBhayibhile. Awuzukubhatala.
Mhlawumbi Ungayithanda Nale
IMIBUZO YEBHAYIBHILE IYAPHENDULWA
Ngaba Umhlaba Uza Kutshatyalaliswa?
IBhayibhile iyichaza ngokucacileyo injongo kaThixo ngomhlaba.
IZINTO EZIBALULEKILEYO EZIFUNDISWA YIBHAYIBHILE
Kwakutheni Ukuze UThixo Adale Umhlaba?
Ihlabathi lethu lihle kakhulu. Wawubeka wakude kunelanga ibe ujikeleza ngesantya esifanelekilyo. Kwakutheni ukuze uThixo awudale ube ube mhle kangaka?
IMIBUZO YEBHAYIBHILE IYAPHENDULWA
Yintoni Ebonisa Ukuba Siphila ‘Kwimihla Yokugqibela’ Okanye ‘Kwixesha Lesiphelo’?
IBhayibhile yachaza izinto ezininzi ezaziza kwenzeka ngexesha elinye ‘ezibonisa’ ukuba yimihla yokugqibela.
HLALANI NITHE QWA!
IRashiya Ihlasela I-Ukraine?—Ngaba Kwenzeka Into Eyaprofetwa YiBhayibhile
Ukuba kunjalo, ngaba iBhayibhile iyatsho ukuba iza kuphela njani le nto
IMBONISELO
Ngaba Bakhona Abantu Abaza Kusinda KwiArmagedon?
Igama elithi Armagedon libangela abantu boyike, kodwa yintoni kanye kanye iArmagedon?
INKCAZELO ENGAKUMBI NGATHI
Cela Ukufundelwa IBhayibhile
Fumana izifundo zeBhayibhile simahla ngexesha nakwindawo ekulungeleyo.
