Mika 2:1-13
2 “Baza kuthi shu abo baceba okwenzakalisayo,Abacinga okubi ezibhedini zabo!
Kwakusa bayakwenza,Kuba kusemandleni abo.+
2 Bafuna amasimi, bawoxuthe,+Nezindlu, baze bazithathe,Baqhatha indoda bayithathele indlu yayo,+Indoda bayithathele ilifa layo.
3 Ngoko uYehova uthi:
‘Ndinicebela intlekele+ eningazukusinda kuyo.*+
Niza kuyeka ukuhamba nakhe amaxhaka,+ kuba lixesha lentlekele.+
4 Ngaloo mini abantu baza kucengceleza umzekeliso ngani,Yaye baza kunenzela isijwili esikrakra.+
Baza kuthi: “Sigqejwe nyhani!+
Uthathe isahlulo sethu wasinika abanye abantu. Usoxuthe nyhani kuthi!+
Amasimi ethu uphise ngawo kwabangathembekanga.”
5 Ngoko awuzukuba namntu wakutsala intambo yokumeta,Ukuze kwabiwe umhlaba ebandleni likaYehova.
6 Bashumayela besithi: “Yekani ukushumayela!Abafanelanga bazishumayele ezi zinto;Akukho hlazo liza kusifikela apha!”
7 Nithini na ndlu kaYakobi? Ngaba nithi:
“Umoya kaYehova sewaphelelwa ngumonde na ngoku?
Nithi angazenza izinto ezinjalo?”
Akenzi okulungileyo na amazwi am kwabo bahamba ngokuthe ngqo?
8 Kodwa kutshanje abantu bam basuke banjengotshaba.
Niwuhluba ekuhleni umhombiso ongayiwayo kwisambatho*Kwabo badlula bezithembile, njengabo babuya emfazweni.
9 Abafazi babantu bam niyabagxotha kwizindlu zabo ezitofotofo;Ebantwaneni babo nisusa ubukhulu bam ngonaphakade.
10 Phakamani nimke apha, kuba ayiyondawo yakuphumla le.
Ngenxa yokungcola,+ kukho intshabalalo, ebuhlungu yona intshabalalo.+
11 Ukuba umntu uleqeka emva komoya namaqhinga aze axoke athi:
“Ndiza kushumayela kuwe ngewayini nangesiselo esinxilisayo,”
Ebeza kuba ngoyena mshumayeli kwaba bantu!+
12 Ngokuqinisekileyo ndiza kunidibanisa nonke, nzala kaYakobi.Nakanjani ndiza kubaqokelela abo bashiyekileyo bakwaSirayeli.+
Ndiza kubamanyanisa, njengeegusha ebuhlanti,Njengomhlambi edlelweni lawo.+Kuza kubakho ingxolo yabantu.’+
13 Otyhobozayo uza kuhamba phambi kwabo.Baza kutyhoboza baze baphume egeyithini.+
Ukumkani wabo uza kudlula phambi kwabo,NoYehova ebakhokela.”*+
Umbhalo osemazantsi
^ Ngokoqobo, “eningazukuzishenxisa iintamo zenu kuyo.”
^ Okanye “kunye nesambatho.”
^ Ngokoqobo, “esentloko kubo.”
