ელაიჩანთ, ქოძირათ
ქიდიგურეთ ჩქინ ობირეშეფიშ ტექსტეფ
„მუჟამსით მოწყინაფილ ვორექ დო დუდის უღირსო ბგინაფლენქ, იეჰოვა გურშა ელამკინანს JW მაუწყებლობაშ ობირეშეფიშ საშვალებათ“ (ლორენ, აშშ).
„სამეფოშ ობირეშეფ“ ირიათო თაყვანიშმცემლობაშ ნაწილ რდჷ (კოლ. 3:16). თე ობირეშეფიშ ტექსტეფს ქიდიგურუანთ-და, თიმწკუმა ხოლო შეგალებენა თინეფიშ ბირა, მუჟამსით ვა გაღვენუნა ობირეშეფიშ წიგნ ვარდა ელექტრონულ მოწყობილობა. თუდო გიმოკოროცხილ რჩევეფ მიგეხვარებნა ობირეშეფიშ ტექსტეფიშ დამახსოვრებას.
ყურადღებათ წეკითხით ტექსტ დო ქინანჭით თის. ტექსტიშ მნიშვნელობას ქინანჭუთ-და, უმოს ადვილ გაჸინა თიშ დამახსოვრება. ჩქინ არძა ობირეშიშ, თინეფ შქას JW მაუწყებლობაშ დო ბაღანეფიშ ობირეშეფიშ, ტექსტეფ ხეშამალაფარ რე ვებგვერდის jw.org (ქოძირით ბიბლიოთეკა / მელოდიეფი).
ობირეშიშ ტექსტ ფურცელს დოჭარით. ობირეშიშ ტექსტის თქვან ხეთ დოჭარუნთ-და, თის უმოს უჯგუშო დემახსოვრენთ (კან. 17:18).
ხონარმაღალო ქივარჯიშით. მუსხირენშა წეკითხით ვარდა ქიბირით ობირეშეფიშ ტექსტეფ.
გეგნამოწმით, მუსხით ჯგირო რშუნა. ქეცადით, ტექსტის ვეგიოჯინათინ თეშ ქიგიშინათ ობირეშიშ სიტყვეფ. უკულ გეგნამოწმით, სწორას ქორშუდეს დო ვარ თინა.