იესო სრულყოფილ რდუ დო ათეშენ, ვეგმუცადებ არძა თი პრობლემა დო სირთულე, ნამდგას ხალხ შეხვადუდ. მარა იშენით ხალხიშ ჸოროფას გიმირჩქინანდჷ. თინა მზათ რდუ, საჭიროშე მეტ ხოლო გუკეთებუდკო. იესოს შხვეფიშ გაჭირება გურშა მეუღუდ დო თენა აღძრენდჷ, ქიმეხვარკო თინეფს. ქიფიქრით მაგალითეფშე, ნამუთ მოჩამილ რე თე დუდეფს: 32, 37, 57, 99.

არძა ასაკიშ ადამიანეფ, მუჭოთ ახალგაზრდა, თეშ ხანშა მიშულირეფს, შეულებდეს ადვილო მერთესკო იესოშა, მუშენდა, თინა თიცალო ვექციებუდ, ითამ მანგარ დაკავებულ ვარდა მნიშვნელოვან პიროვნება ჸოფედკო. თინეფ გინაფლენდეს, ნამდა იესო თინეფიშ მდგომარეობათ დაინტერესებულ რდუ დო ხალხ თიწკუმა დუდის თავისფალო გინაფლენდჷ. თენა მოჩამილ რე თე დუდეფს: 25, 27, 95.

იესო რეგულარულო მიმართენდჷ ლოცვათ მუშ ზეციერ მუმას მთელ გურით, მუჭოთ ხვალე თეშ შხვეფწკუმა ხოლო. თინა ხვალე ოჭკუმალიშ დროს ვარინ, შხვა სიტუაციეფიშ დროს ხოლო ლოცულენდჷ. ლოცვას თინა მადლობას ურაგადუდ მუმას, ადიდენდჷ თის დო ხემძღვანელობას თხულენდჷ გადაწყვეტილებეფიშ მეღებაშ დროს. ქიფიქრით მაგალითეფშე, ნამუთ მოჩამილ რე თე დუდეფს: 24, 34, 91, 122, 123.

მინშა, მუჟამსით მოსვანჯა დო განტვირთვა ოსაჭირუდუნ, თიმწკუმა ხოლო იესო შხვეფიშ ინტერესეფს გიორინუანდჷ წოხოლე. თინა ხვალე მუშ დუდშე ვა ფიქრენდჷ. თეშნერო, თიქ მაგალით დომტუეს, ნამდგას ოკო მივაჸუნათ. ჯგირო ქოძირით, თე დუდეფშე, მუჭო ირზენდჷ თინა თეშ მაგალითის: 19, 41, 52.

იესო ხვალე თის ვაგურუანდჷ, ნამდა პატიება რდუ საჭირო. თინა თე თვისებას გიმირჩქინანდჷ მოწაფეეფ დო შხვეფწკუმა ურთიერთობაშ დროს. დეფიქრით თე მაგალითეფშე, ნამუთ მოჩამილ რე თე დუდეფს: 26, 40, 64, 85, 131.

ნაწინასწარმეტყველებ რდუ, ნამდა იუდეველეფიშ უმენტაშ ვემიღენდჷ მესიას დო საბოლათ, ნტერეფ თის დოჸვილუნდეს. თაშ ნამდა, იესოს შეულებუდ მთელ მონდომაქ ვა უქადაგკო ხალხის. მარა თინა, გურგედვალირო უკინენდჷ ხუჯის ჭეშმარიტ თაყვანიშმცემლობას. თიქ თეშ ჯგირ მაგალით მეჩჷ მუშ არძა მიმაჸუნალს, მით გულგრილობას ვარდა წინააღმდეგობას შეხვადნა. ქოძირით თე დუდეფ: 16, 72, 103.

იესო არასრულყოფილ ადამიანეფს ბრელ მუდგარენით უჯგუდ, მაგალთო რჩქინათ დო სიბრძნეთ. სრულყოფილ რდუნ თიშენ, თის თიცალ ფიზიკურ დო გონებრივ შესაძლებლობეფ უღუდ, ნამუთ თიმწკუმა მითინს ვა უღუდ. მარა იშენით თანდაბლურო ომსახურუდ შხვეფს. თე მაგალითეფ შეილებნა ძირათ თე დუდეფს: 10, 62, 66, 94, 116.

იესო ირიათო გიმირჩქინანდჷ მოთვინებას, მუჟამსით თიშ მოწაფეეფ დო შხვეფს, უჭირდეს თიშ მაგალითიშ მეჸუნა ვარდა თიშ ნარაგადიშ გათვალისწინება. თინა მოთვინებათ ოგურუანდჷ თინეფს თის, მუთ ოსაჭირდეს იეჰოვაწკუმა ხოლოშიან ურთიერთობაშ გავითარებელო. ქოძირით იესოშ მოთვინებაშ მაგალითეფ თე დუდეფს: 74, 98, 118, 135.