•  დაჭყაფ სიტყვა 2

•  ძვირფას აზრეფ ბიბლიაშე 3—5

  •  მოხსენება 3

  •  ღორონთიშ სიტყვაშ სიტომბეეფ 4

  •  ბიბლიაშ კითხირ 5

•  გაუჯგუშ მსახურება 6—14

  •  ჩიებაშ დოჭყაფა 7

  •  კინ მეკითხირ 8

  •  მოწაფეეფიშ მომზადება 9

  •  სქან რწმენაშ ენწყუმა 10

  •  მოხსენება 11

  •  ჩიებაშ თემა 12

  •  სიტუაცია 13

 ვიდეოეფიშ დო პუბლიკაციეფიშ გიმორინაფა 14

•  ქიცხოვრ ქრისტიანულ პრინციპეფით 15, 16

  •  კრებაშ ბიბლიაშ გურაფა 16

•  დასკვნით სიტყვა 17

•  ცქვაფა დო რჩევა 18

•  დრო 19

 რაიონულ ზედამხედველიშ მონახულება 20

•  კონგრესიშ მარა 21

•  გოშინაშ ონჯუაშ მარა 22

•  „ქრისტიანულ ცხოვრება დო მსახურებაშ“ ზედამხედველ 23

•  შეხვალამაშ „ქრისტიანულ ცხოვრება დო მსახურება“ თავმჯდომარე 24

•  დამხმარე მრჩეველ 25

•  კლასეფ 26

•  ვიდეოეფ 27

1. თაქ მოჩამილ მითითებეფ მეხვარებ არძას, მით მონაწილებას ღებულენს შეხვალამას „ჩქინ ქრისტიანულ ცხოვრება დო მსახურება“. არძა გიშმაულარქ მუშ დავალებაშ მომზადებაშახ ოკო გეგნაჯინას თი მითითებეფს, ნამუთ თე დავალებას ოხუ. ჯგირ იჸუაფ, ჯიმალეფქ მაუწყებელეფს ქელუჩან, მონაწილება მიღან დავალებეფს, თინეფ შქას თინეფს ხოლო, მით ირიათო ოსწრჷ შეხვალამეფს, ოთანხმ ბიბლიურ გურაფეფს დო ცხოვრენს ქრისტიანულ პრინციპეფით. მუჟამსით მოუნათლავ მაუწყებელ ვა რენ ფერ პიროვნებას ოკო, მონაწილება მიღას დავალებეფს, „ქრისტიანულ ცხოვრება დო მსახურებაშ“ ზედამხედველქ თიწკუმა ართო ოკო გარჩუას დავალებათ გიშულაშო საჭირო მოთხოვნეფ დო უკულ ოკო ქუწუას შეიალებენ დოვარ დავალებათ გიშულა. თექ თე პიროვნებაშ ბიბლიაშ მასწავლებერწკუმა (ვარდა იეჰოვაშ მოწმე მშობელწკუმა) ართო ოკო იკეთინას. დავალებათ გიშულა დო მოუნათლავ მაუწყებელო გინორთაშ მოთხოვნეფ ართნერ რე (od დუდ 8, აბზ. 8).

2. ართ წუთ. ობირეშ დო ლოცვაშ უკულ შეხვალამაშ თავმჯდომარე პროგრამაშ მარჩქილაფარო მამზადენს აუდიტორიას. თიქ ყურადღება კრებაშო სასარგებლო მხარეეფშა ოკო გამახვილას.

 3. მოხსენება: ვით წუთ. თემაშ სათაურ დო ჟირ ვარდა სუმ მთავარ აზრ მოჩამილ რე ბუკლეტის „ქრისტიანულ ცხოვრება დო მსახურება“. თე მოხსენებათ ოკო გიშართას უხუცესიქ ვარდა შესაფერის მომსახურექ. მუჟამსით გეგმაშ მიხედვით ბიბლიაშ ახალ წიგნიშ გარჩიება იჭყაფ, ძირაფილ იჸუაფ ვიდეო თე წიგნიშ გურშენ. გიშმაულარს შეულებ დუკავშირას ვიდეოშ აზრეფ მუშ თემას. მარა თიქ აუცილებერო ოკო გარჩუას ბუკლეტის მოჩამილ მთავარ აზრეფ. თეწკუმა ართო, თიქ თისხი დრო ოკო დუთმას თემაწკუმა დაკავშირებულ ილუსტრაციეფიშ გიმორნაფას, მუსხიშ საშვალებას დრო არზენს. გიშმაულარს შეულებ შხვა წყაროეფიშ გიმორნაფა ხოლო, ნამუთ მეხვარებ გეგმას მოჩამილ აზრეფიშ გარჩიებას.

 4. ღორონთიშ სიტყვაშ სიტომბეეფ: ვით წუთ. თენა რე კითხვა-პასუხეფით გარჩიება შესავალ დო დასკვნაშ უმშო, ნამდგას ჩატარენს უხუცეს ვარდა შესაფერის მომსახურე. თიქ აუცილებერო ოკო დუსვას აუდიტორიას ჟირხოლო კითხვა. თის შეულებ, მუშით გეგნოჭყვიდას, ქორენ დოვარ საჭირო მოჩამილ ბიბლიურ მუხლეფ. კომენტარეფქ ოკო გეგრძელას 30 წამს ვარდა ნაკლების.

 5. ბიბლიაშ კითხირ: ოთხ წუთ. თე დავალებათ ოკო გიშართას მამრობით სქესიშ მოსწავლექ. თიქ ოკო წეკითხას მოჩამილ მასალა შესავალ დო დასკვნაშ უმშო. შეხვალამაშ თავმჯდომარექ ოკო მეხვარას მაგურაფალს, მასალა წეკითხას სწორას, გასაგებო, ბუნებრივო, შეუფერხებელო, სწორ ინტონაციათ, საჭირო პაუზეფით დო გაკეთას სწორ აზრობრივ მახვილ. რახანს ოკითხე მონაკვეთ შხვადოშხვა ზომაშ რე, „ქრისტიანულ ცხოვრება დო მსახურებაშ“ ზედამხედველქ დავალებეფიშ განაწილებაშ დროს ოკო გეთვალისწინას მოსწავლეშ უნარ.

6. ვითოხუთ წუთ. შეხვალამაშ თე ნაწილიშ მიზან რე, არძას ქიმიაჩას საშვალებაქ, მემზადას მსახურებაშო დო გეუჯგუშას ჩიებაშ, ქადაგებაშ დო გურაფაშ უნარ. საჭიროება ქორენ-და, მოსწავლეშ დავალებეფით შილებე გიშართან უხუცესეფქ ხოლო. თითოულ მოსწავლექ ოკო იმუშუას თი გაკვეთილშე, ნამუთ მოჩამილ რე ბროშურეფს „კითხირ დო გურაფა“ ვარდა „გიჸორდას ადამიანეფ“. თე გაკვეთილ მითითებულ რე „ქრისტიანულ ცხოვრება დო მსახურებას“ მოსწავლეეფიშ დავალებეფწკუმა ართო. მინშა შეხვალამაშ თე ნაწილს მოჩამილ რე „გარჩიება“. პროგრამაშ თე ნაწილ ოკო ჩატარას უხუცესიქ ვარდა შესაფერის მომსახურექ (ქოძირით  აბზაც 15, სოდეთ მოჩამილ რე მითითებეფ, მუჭო ოკო ჩეტარას გარჩიებაქ).

 7. ჩიებაშ დოჭყაფა: თე დავალებათ შილებე გიშართას ჟირხოლო სქესიშ მოსწავლექ. დამხმარე კინ მუშ სქესიშ ვარდა მუშ ოჯახიშ წევრ ოკო რდასჷ. მოსწავლეს დო დამხმარეს შეულებუნა დავალებაშ დროს გერდან ვარდა დოზოჯან (თე დავალებაშ გურშენ მეტ ინფორმაცია ქოძირით  მა-12 დო მა- 13 აბზაცეფს).

 8. კინ მეკითხირ: თე დავალებათ შილებე გიშართას ჟირხოლო სქესიშ მოსწავლექ. დამხმარე კინ მუშ სქესიშ ოკო რდასჷ (km 5/97 გვ. 7). მოსწავლეს დო დამხმარეს შეულებუნა დავალებაშ დროს გერდან ვარდა დოზოჯან. მოსწავლექ ოკო ოძირას, მუ შილებე უწუე პიროვნებას კინ მეკითხირიშ დროს (თე დავალებაშ გურშენ მეტ ინფორმაცია ქოძირით  მა-12 დო მა- 13 აბზაცეფს).

 9. მოწაფეეფიშ მომზადება: თე დავალებათ შილებე გიშართას ჟირხოლო სქესიშ მოსწავლექ. დამხმარე კინ მუშ სქესიშ ოკო რდასჷ (km 5/97 გვ. 7). მოსწავლეს დო დამხმარეს შეულებუნა დავალებაშ დროს გერდან ვარდა დოზოჯან. თინეფქ ოკო ოძირუან თიცალ ბიბლიაშ გურაფა, ნამუთ უკვე დოჭყაფილ რე. საჭირო ვა რე შესავალიშ დო დასკვნაშ კეთება, თი შემთხვევეფიშ გარდა, მუჟამსით მოსწავლე კონკრეტულო თე გაკვეთილშე მუშენს. აუცილებერ ვა რე დავალებას მოჩამილ მთელ ოგურაფალ მასალაშ კითხირ, მარა თაშ ხოლო შილებე.

 10. სქან რწმენაშ ენწყუმა: მოხსენება ქორე ოკეთებელ-და, თე დავალებათ მამრობით სქესიშ მოსწავლექ ოკო გიშართას. მუჟამსით ინსცენირება რე, შილებე, გიშართას ჟირხოლო სქესიშ მოსწავლექ. დამხმარე კინ მუშ სქესიშ ვარდა მუშ ოჯახიშ წევრ ოკო რდასჷ. მოსწავლექ ოკო გიმირინუას წყაროს მოჩამილ ინფორმაცია დო გასაგებო დო ტაქტიანო ქუპასუხას თემას მოჩამილ კითხვას. მოსწავლეს შეულებ მუშით გინოჭყვიდას ქაძირანს ვარდა მიშინუანს დოვარ წყაროს მოჩამილ პუბლიკაციას.

 11. მოხსენება: თე დავალებათ მამრობით სქესიშ მოსწავლექ ოკო გიშართას. მუჟამსით მოხსენება გერსხილ რე ბროშურაშ, „გიჸორდას ადამიანეფ“, დანართ ა–შა, მოსწავლექ ყურადღება ოკო გამახვილას, მუჭო შილებე თექ მოჩამილ მუხლეფიშ გიმორინაფა მსახურებას. მაგალთო, თის შეულებ ენწყას, მუჟამ შილებე თე მუხლიშ გიმორინაფა, მუს ნიშნენს თექ ინოჭარილ აზრ დო მუჭო შილებე თიშ გურშენ მსჯელობა პიროვნებაწკუმა ართო. მუჟამსით მოხსენება გერსხილ რე ბროშურაშ, „გიჸორდას ადამიანეფ“, ნამდგაინ გაკვეთილიშ ართ-ართ პუნქტშა, მოსწავლექ ყურადღება ოკო გამახვილას, მუჭო შილებე მსახურებას თიშ გიმორინაფა. თის შეულებ მოხსენებას დუკავშირას გაკვეთილიშ პირველ პუნქტის მოჩამილ მაგალით ვარდა საჭირო ქიჸინ-და, თე მაგალითწკუმა რენ თი ბიბლიურ მუხლეფ.

   12. ჩიებაშ თემა: თე დო უკულიან აბზაც ოხუ დავალებეფს „ჩიებაშ დოჭყაფა“ დო „კინ მეკითხირ“. თექ მოჩამილ მითითებაწკუმა ართო, მოსწავლეშ მიზან რე, ბიბლიურ ცნობაშ თი მხარეშე ქეჩუას პიროვნებას, ნამუთ სიტუაციას მეურე დო ჩიება თეშ მიდეჸუნას, ნამდა შეიალებუას კინ მეკითხირქ. მოსწავლექ ოკო გიშეგორას თიცალ თემა, ნამუთ მუშ ტერიტორიას აქტუალურ დო ეფექტურ იჸუაფ. თის შეულებ მუშით გინოჭყვიდას გიმირინუანს დოვარ ვიდეოს ვარდა პუბლიკაციას ოგურაფალ საშვალებეფშე. დაზეპირებულ შეთავაზებაშ გამეორებაშ მანგიორო, მოსწავლეეფქ ოკო გაუჯგუშან ჩიებაშ უნარეფ, მაგალთო პირად ინტერეს გეგმირჩქინას დო ბუნებრივო იჩუას.

   13. სიტუაცია: დავალებას მოჩამილ სიტუაცია ადგილობრივ მდგომარეობას ოკო მეურდას. მაგალთო:

1.  1) კარდოკარ ქადაგება: თე დავალებაშა მიშურს, მობინადრეწკუმა პირადო ჩიება, ტელეფონით ვარდა წერილით ქადაგება. თეს გეძინელ, კინ მეკითხირ თი პიროვნებაწკუმა, მიდგას უბანს ქადაგებაშ დროს გინოფჩით ბიბლიურ ცნობა.

2.  2) არაფორმალურ ქადაგება: თე დავალებას ძირაფილქ ოკო იჸუას, მუჭო შილებე ჩვეულებრივ ჩიებაშე არაფორმალურ ქადაგებაშა გინულა. მაგალთო, თიცალ სიტუაციეფ, მუჟამსით შეილებ ბიბლიურ აზრეფ ქიმიშინუე ადამიანეფწკუმა, მიდგას ხვადუქ სამუშას, სკოლას, სამეზობლოს, საზოგადოებრივ ტრანსპორტის ვარდა შხვა ნებისმიერ ადგილს.

3.  3) საჯარო ადგილს ქადაგება: თე დავალებაშა მიშურს სტენდით, საქმიან ტერიტორიას, ქუჩას, პარკის, მანქანეფიშ გიორინალ ადგილს დო შხვა ნებისმიერ ადგილს ქადაგება, სოდეთ ხალხის შეფხვადუთ.

 14. ვიდეოეფიშ დო პუბლიკაციეფიშ გიმორინაფა: სიტუაციაშ მიხედვით მოსწავლეს შეულებ გინოჭყვიდას გიმირინუანს დოვარ ვიდეოს ვარდა პუბლიკაციას. დავალებაშა ვიდეო ქიმშურს ვარდა ნამთინე ვიდეოშ გიმორინაფას მუ გეგნოჭყვიდუნს-და, თიქ ოკო ქიმიშინუას დო გარჩუას, მარა ვა ჩართას თინა.

15. ობირეშიშ უკულ იჸუაფ 15-წუთიან პუნქტ, ნამდგას ართ ვარდა ჟირ ნაწილ აღვენუ დო მეხვარებ აუდიტორიას ღორონთიშ სიტყვაშ პრაქტიკულო გიმორნაფას. კონკრეტულ მითითება ვარენ-და, თე დავალებათ ოკო გიშართან უხუცესეფქ ვარდა შესაფერის მომსახურეეფქ. კრებაშ საჭიროებეფიშ დავალება ხვალე უხუცესეფქ ოკო აკეთან. მუჟამსით დავალებაშა გარჩიება მიშურს, ჯიმას შეულებ თექ მოჩამილ კითხვეფწკუმა ართო დამატებით კითხვეფ ხოლო გიმირინუას. თიქ მოკლე შესავალ ოკო აკეთას, ნამდა დასაბაღ დროქ ქუდასქიდას ქოთ ძირითად აზრეფიშ ორაგადეთ დო ქოთ თიშო, ნამდა აუდიტორიაქ კომენტარეფს მიღას მონაწილება. მუჟამსით დავალებაშა ინტერვიუ მიშურს, შეიოლებერ ქორენ-და, უჯგუშ იჸუაფ, ინტერვიუ უღუნ თი პიროვნება სცენას რდასჷ, ვინემ აუდიტორიას გეხედას.

  16. კრებაშ ბიბლიაშ გურაფა: ეჩდოვით წუთ. თე დავალებათ ოკო გიშართას თიცალ უხუცესიქ, ნამდგას ჯგირო შეიალებე თიშ კეთება (საჭიროება ქორენ-და, კრებეფს, სოდეთ დასაბაღ უხუცესეფ ვა რენა, თე დავალებათ შილებე გიშართან შესაფერის მომსახურეეფქ ხოლო). უხუცესეფიშ საბჭოქ ოკო გინოჭყვიდას, მის შილებე დავალან კრებაშ ბიბლიაშ გურაფაშ ჩატარება. თე ჯიმას ოკო შეულებუდას ჯგირო ქინანჭას ოგურაფალ მასალას, ნამდა გარჩიება დროულო გათუას, ხაზ გუსვას მთავარ მუხლეფს დო ქაძირას მარჩქილეეფს გარჩიებულ მასალაშ პრაქტიკულ ღირებულება. გინაჯინალ კოშკის რე მოჩამილ რჩევეფ, ნამუთ ოხუ კითხვა-პასუხეფით გარჩიებაშ ჩატარებას (w23.04 გვ. 24, ჩარჩო). მოჩამილ მასალაშ გარჩიებაქ ეჩდოვით წუთშე უმოს ნაკლებშა გეთუ-და, საჭირო ვა რე დროშ გოზინდუა. შეიოლებერ ქორენ-და, ირ მარას შხვადოშხვა ჩამტარებელქ დო ტექსტიშ მაკითხექ ოკო დენიშნას. „ქრისტიანულ ცხოვრება დო მსახურებაშ“ შეხვალამაშ თავმჯდომარე ჩამტარებელს დროშ მორკებას ქოთხინს-და, თინა მუშით გინოჭყვიდუნს, მუჭო გათუას გარჩიება უმოს ადრე. მაგალთო, შილებე გინოჭყვიდას, ნამდა ნამთინე აბზაც კითხირიშ უმშო გარჩუას.

17. სუმ წუთ. შეხვალამაშ თავმჯდომარექ მოკლეთ ოკო გუსვას ხაზ პროგრამაშ პრაქტიკულ მხარეეფს. თეწკუმა ართო, ქოთქუას, მუ იჸუაფ გარჩიებულ უკულიან მარაშ შეხვალამას. დრო ქუდასქიდუნ-და, შეულებ გეგმაცხადას, ნამ მოსწავლეს მუ დავალება აღვენუ უკულიან მარას. შხვა მითითება ვარენ-და, არძა საჭირო განცხადება ვარდა წერილ თავმჯდომარექ დასკვნით სიტყვაშ დროს ოკო წეკითხას. საჭირო ვა რე სამქადაგებლო შეხვალამეფიშ გრაფიკიშ ვარდა დასუფთავებაწკუმა დო შხვა თეცალ საკითხეფწკუმა დაკავშირებულ განცხადებეფიშ კეთება. თეცალ ინფორმაცია მოჩამილ ოკო რდასჷ საინფორმაციო დაფას. განცხადებეფიშ ვარდა წერილეფიშ ოკითხეთ დასკვნით სიტყვაშო გიშართილ დრო დასაბაღ ვარენ-და, თავმჯდომარექ ოკო ქოთხუას შეხვალამაშ ნაწილს „ქიცხოვრ ქრისტიანულ პრინციპეფით“ გიშმაულარ ჯიმალეფს, უმოს ადრე გათუან მუნეფიშ დავალებეფ (ქოძირით  აბზაცეფ 16 დო  19). შეხვალამა დესრულებ ობირეშით დო ლოცვათ.

18. მუჟამსით მოსწავლე გათენს დავალებას, შეხვალამაშ თავმჯდომარეს სოდგარენ ართ წუთ უღჷ, ნამდა ქაცქუას დო საჭირო რჩევა ქიმეჩას თი გაკვეთილშე, ნამდგაშეთ მუშენდჷ. მუჟამსით თავმჯდომარე დავალებას გიმაცხადენს, თიქ ოკო ვა თქუას, ნამ გაკვეთილშე მუშენს მოსწავლე. მარა, მუჟამსით თინა გათენს დავალებას, თავმჯდომარექ ოკო ქაცქუას მოსწავლე დო თინა ხოლო ქოთქუას, ნამ გაკვეთილშე მუშენდჷ დო მუ აკეთ ჯგირო. საჭირო ქორენ-და, თავმჯდომარექ გემუანო ოკო გეუნწყას, მუშენ დო მუჭო ოკო მიაქცუას ყურადღება თე გაკვეთილს. მოსწავლეს დო აუდიტორიას ქიმეხვარებ-და, თავმჯდომარეს შეულებ დავალებაშ შხვა მხარეეფშე ხოლო გამახვილას ყურადღება. კრებაშ უკულ ვარდა შხვა დროს თავმჯდომარეს შეულებ ხოლო შხვა რჩევეფ ქიმეჩას მოსწავლეს ბროშურაშე „გიჸორდას ადამიანეფ“, „კითხირ დო გურაფა“ ვარდა წიგნშე „თეოკრატიულ მსახურებაშ სკოლა“. თე რჩევეფ შილებე ოხუდას თი გაკვეთილს, ნამდგაშე მოსწავლე დავალებაშ დროს მუშენდჷ, ვარდა შხვა გაკვეთილს  (მა-19,  24-ა დო  25-ა აბზაცეფს ენწყუმილ რე, მუ ოვალუნა შეხვალამაშ „ქრისტიანულ ცხოვრება დო მსახურება“ თავმჯდომარეს დო დამხმარე მრჩეველს).

19. პროგრამაშ ნამთინ ნაწილქ ოკო ვეგნაჩირთას დროს, თინეფ შქას, ვართ თავმჯდომარეშ სიტყვეფქ. „ქრისტიანულ ცხოვრება დო მსახურებას“ არძა დავალებაწკუმა მოჩამილ რე დროეფ, მარა თენა ვა ნიშნენს, ნამდა, მოსწავლეს ნაკლებ დრო ქოუბაღ-და, დრო გოზინდას. დავალებეფ დროს გინაჩირთუნ-და, „ქრისტიანულ ცხოვრება დო მსახურებაშ“ თავმჯდომარექ ვარდა დამხმარე მრჩეველქ პირადო ოკო მეჩას რჩევა გიშმაულარეფს (ქოძირით  აბზაცეფ  24 დო  25). მთელ შეხვალამაქ ობირეშეფ დო ლოცვაწკუმა ართო ოკო ვეგნაჩირთას 1 საათ დო 45 წუთის.

20. მუჟამსით კრებას უღჷ რაიონულ ზედამხედველიშ მონახულება, მთელ პროგრამაქ თეშ ოკო ჩეტარას, მუჭოთ მოჩამილ რე ბუკლეტის „ქრისტიანულ ცხოვრება დო მსახურება“; ხვალე ართ მუდგარენ ითირუ: კრებაშ ბიბლიაშ გურაფაშ მანგიორო იჸუაფ რაიონულ ზედამხედველიშ 30-წუთიან სამსახურებრივ მოხსენება. თე მოხსენებაშახ თავმჯდომარე აკოძინუნს გარჩიებულ პროგრამას, ქოთქუანს, მუ იჸუაფ გარჩიებულ უკულიან მარას, გაკეთენს საჭირო განცხადებეფს, წეკითხენს აუცილებერ წერილეფს დო უკულ გეგმაცხადენს რაიონულ ზედამხედველს. სამსახურებრივ მოხსენებაშ უკულ რაიონულ ზედამხედველ გეგმაცხადენს მუშ გიშაგორილ ობირეშის. თიქ შილებე შხვა ჯიმას ქოთხუას ლოცვა. მონახულებაშ მარას დავალებეფქ კლასეფს ოკო ვეჩეტარას. მარა თი უცხოენოვან ჯგუფის, ნამდგაშე თე კრება ზრუნენს, რაიონულ ზედამხედველიშ მონახულებაშ დროს შეულებ შეხვალამეფიშ კლასის ჩატარება. მარა ჯგუფიქ კრებაწკუმა ართო ოკო მირჩქილუას რაიონულ ზედამხედველიშ სამსახურებრივ მოხსენება.

21. რაიონულ ვარდა რეგიონულ კონგრესიშ მარას კრებაშ შეხვალამეფ ვეტარებ. ჯიმალეფქ კრებაშ წევრეფს ოკო ელუჩან, ნამდა შეულებუნა პირადო ვარდა ოჯახწკუმა ართო გარჩუან თე მარაშო გარჩიებელ მასალა.

22. გოშინაშ ონჯუა მარაშ სამუშა დღალეფს ქოუხვადუნ-და, თი მარას შქამარაშ შეხვალამაქ ოკო ვეჩეტარას.

23. უხუცესეფიშ საბჭო გიშაგორუნს უხუცესის, ნამუთ იმსახურენს ზედამხედველო. თიშ პასუხიშმგებლობაშა მიშურს, პროგრამაქ ორგანიზებულო დო მითითებეფიშ თანახმას ჩეტარას. თინა ჯგირო ოკო თანამშრომლენდას დამხმარე მრჩეველწკუმა. ხეთეშე, მუჟამსით ბუკლეტ „ქრისტიანულ ცხოვრება დო მსახურება“ ხეშამალაფარ ქიჸი, შეხვალამაშ ზედამხედველ განაწილენს შქამარაშ შეხვალამაშ არძა დავალებას ჟირ თუთაშო. თინა გინოჭყვიდუნს, უხუცესეფიშ საბჭოშ გიშაგორილ ჯიმალეფშე, ნამუქ იჸუას თავმჯდომარექ, მის აღვენუ მოსწავლეშ დავალებეფ დო მი აკეთენს შხვა არძა დავალებას, ნამუთ შქამარაშ შეხვალამას იჸუაფ (ქოძირით  აბზაცეფ 3­—16 დო  24). დავალებეფიშ განაწილებაშ დროს თიქ ოკო გეთვალისწინას მოსწავლეშ ასაკ, გამოცდილება დო საკითხ, ნამუთ გარჩიებელ აჸი. თე მხარეეფ ოკო გეთვალისწინას კრებაშ არძა დავალებაშ განაწილებაშ დროს. დავალებეფქ არძას ოკო ქიმიაჩას გიშულაშახ, არძაშ უკლაშ, სუმ მარათ ადრე. მოსწავლეეფქ დავალება ოკო მიღან ბლანკით «„ჩქინ ქრისტიანულ ცხოვრება დო მსახურებაშ“ შეხვალამაშ დავალება» (S-89). „ქრისტიანულ ცხოვრება დო მსახურებაშ“ ზედამხედველქ ოკო იზრუნას, ნამდა მთელ შეხვალამაშ გეგმა მოჩამილ რდასჷ საინფორმაციო დაფას. უხუცესეფიშ საბჭოს შეულებ ნამდგაინ უხუცეს ვარდა მომსახურე დანიშნას თე ჯიმაშ დამხმარეთ, მარა მოსწავლეშ დავალებეფიშ მეტ შხვა არძა დავალება ხვალე უხუცესეფქ ოკო განაწილან.

 24. ირ მარას ართ უხუცეს იჸუაფ მთელ პროგრამაშ თავმჯდომარე (საჭიროება ქორენ-და, კრებეფს, სოდეთ დასაბაღ უხუცესეფ ვა რენა, თე დავალებათ შილებე გიშართან შესაფერის მომსახურეეფქ ხოლო). თიქ ოკო მამზადას დაჭყაფ დო დასკვნით სიტყვა. პროგრამაშ არძა დავალება ხოლო თიქ ოკო გიმაცხადას; კრებას დასაბაღ უხუცესეფ ვარენან-და, შილებე შხვა დავალებეფ ხოლო გაკეთას, განსაკუთრებულო თიცალ დავალებეფ, სოდეთ უბრალოთ ვიდეო რე ოძირაფალ დო გარჩიება ვემშურს. დავალებეფ შქას მანგარ ჭიჭე კომენტარეფ ოკო აკეთას. უხუცესეფიშ საბჭო გინოჭყვიდუნს, ნამ უხუცესეფ იმსახურენა თავმჯდომარეთ. თე დავალებაშო გიშაგორილ უხუცესეფ მორიგეობათ იმსახურენა თავმჯდომარეეფო. ადგილობრივ სიტუაციაშ მიხედვით, შილებე „ქრისტიანულ ცხოვრება დო მსახურებაშ“ შეხვალამაშ ზედამხედველქ შხვა უხუცესეფშე უმოს ხშირას იმსახურას თავმჯდომარეთ. უხუცეს კრებაშ ბიბლიაშ გურაფაშ ჩატარებელ მოთხოვნეფს ქაკმაყოფილენს-და, თის, ალბათ, შეხვალამაშ თავმჯდომარეთ ხოლო ამსახურებე. მარა გეთვალისწინით, ნამდა ჯიმას, ნამუთ თავმჯდომარე იჸუაფ, ოკო შეულებუდას, მთელ გურით ქაცქუას დო საჭირო ქორენ-და, პრაქტიკულ რჩევეფ ქიმეჩას მოსწავლეეფს. თიშ პასუხიშმგებლობაშა შეხვალამაშ დროულო თება ხოლო მიშურს (ქოძირით  აბზაცეფ 17 დო  19). თავმჯდომარეს ქაკო დო სცენას ხოლო დასაბაღ ადგილ ქორენ-და, შილებე თიშო ცალკე მიკროფონიშ დოდგუმა, ნამდა გეგმაცხადას გიშმაულარ, ნამუთ თე დროს უკვე კათედრაწკუმა მიკორდას იჸი. ქაკონ-და, თავმჯდომარეს შეულებ სცენას სტოლწკუმა მუკოზოჯას, მუჟამსით იჸუაფ „კითხირ“ დო დავალებეფ შეხვალამაშ ნაწილშე „გაუჯგუშ მსახურება“. თეშნერო დრო ვადინუ.

25. შეიოლებერ ქორენ-და, თე პასუხიშმგებლობაქ ოკო მიაჩას თიცალ უხუცესის, ნამუთ გამოცდილ მომხსენებელ რე. თიშ პასუხიშმგებლობაშა მიშურს, საჭიროებაშ შემთხვევას, რჩევა ქიმეჩას უხუცესეფს დო მომსახურეეფს არძანერ დავალებაშ გურშენ, იჸუაფ თენა შქამარაშ შეხვალამაშ დავალება, საჯარო მოხსენება, „გინაჯინალ კოშკიშ“ დო კრებაშ ბიბლიაშ გურაფაშ ჩატარება ვარდა ტექსტიშ კითხირ (ქოძირით  აბზაც 19). მუჟამსით კრებას ბრელ თიცალ უხუცეს რე, მით ჯგირ მომხსენებელეფ დო მასწავლებერეფ რენა, შილებე შესაფერის უხუცესეფქ თითო წანათ იმსახურან დამხმარე მრჩეველო. ვა რე აუცილებერ, ნამდა დამხმარე მრჩეველქ ირ დავალებაშ უკულ მეჩას რჩევა ჯიმას.

26. კრებას ბრელ მოსწავლე ქორენ-და, შილებე ჯიმალეფქ გინოჭყვიდან, ნამდა მოსწავლეეფქ კლასეფს ხოლო გაკეთან დავალებეფ. არძა კლასის ოკო რდასჷ ჯიმა, ნამდგას საჭირო რჩევეფ მიაჩინე გიშმაულარეფშა; უჯგუშ იჸი თე ჯიმა უხუცეს რდასჷ. საჭიროება ქორენ-და, კლასის მრჩეველო შილებე დენიშნას გამოცდილ, შესაფერის მომსახურექ ხოლო. უხუცესეფიშ საბჭო გინოჭყვიდუნს, მიქ შილებე შეასრულას თე პასუხიშმგებლობა დო საჭირო ქორე დო ვარ, თე დავალება მორიგეობათ შხვადოშხვა ჯიმაქ შეასრულას. მრჩეველქ ოკო გიმირინუას  მა-18 აბზაცის მოჩამილ რჩევეფ. კრებას დავალებეფით კლასის ხოლო გიშმულან-და, მოსწავლეეფს ჭიჭე დარბაზშა გინულა ოკო ქოთხუან პუნქტიშ, „ღორონთიშ სიტყვაშ სიტომბეეფ“, თებაშ უკულ. თინეფქ მთავარ დარბაზშა ოკო დირთან თიშ უკულ, მუთ კლასის არძა დავალება გეთებ.

27. თე შეხვალამას იჸუაფ ვიდეოეფ, ნამდგაშ ძირაფა შილებე აპლიკაციას JW ბიბლიოთეკა. თე აპლიკაციაშ გიმორინაფა შხვადოშხვა მოწყობილობათ შილებე.

© 2023 Watch Tower Bible and Tract Society of Pennsylvania

S-38-MGL 11/23