‘Soratra Masin̈y jiaby io baka amy fan̈ahy masin̈y Zan̈ahary.’—2 Timoty 3:16, Fandikan-tenin’ny Tontolo Vaovao.

Izio mamaly fan̈ontanian̈a maro mety mampijaly jerinolo.—Ohabolana 2:1-5.

Ao misy torohevitry tsara ilainao, koa fa misy raha manahiran̈a.—Salamo 119:105.

Izio koa mahavy anao han̈anten̈a raha tsara aminy amaray an̈y.—Romanina 15:4.

Ia. Misy antony telo ty:

• Tsy mifanohitry raha koran̈inizio. Lelahy kadiriny 40 nanoratra Baiboly io, tan̈atiny 1 600 taon̈o. Maro tamindro io tsy fankahay foeky, fa raha nisoratindro fo tsy nifanohitry.

• Marin̈y raha koran̈inizio. Matetiky olo panoratra boky tsy mitantara raha ratsy nahazo firenena misy izy. Tsy karaha zen̈y iro nanoratra Baiboly io. Koran̈indro ao raha tsy nety nataondro ndreky raha ratsy nataony havandro.—2 Tantara 36:15, 16; Salamo 51:1-4.

• Vitany zay raha volan̈iny. Baiboly efa nan̈ambara fa tanànany Babylony ho ravan̈a, 200 taon̈o tsy haviany. (Isaia 13:17-22) Nambarany Baiboly fomba hamparavan̈a Babylony, ndreky an̈aran̈a panjaka handresy tanàna io.—Isaia 45:1-3.

  Maro raha efa nambarany Baiboly taloha tan̈y efa niboaka aby, tsisy latsaka nata araiky. Zen̈y ivolan̈ana fa Baiboly io Volan̈a Zan̈ahary ankitin̈y.—2 Petera 1:21.