Anao ma tôkony handefa fangatahan̈a alohan’ny havian̈a hitsidiky? Ia. Baka tsy maro loatra olo, aviô baka hahafahan’olo jiaby mankafy fitsidihan̈andrô, hangatahanay mpitsidiky jiaby mba handefa fangatahan̈andrô alohan’ny irô avy hitsidiky. Mila man̈ano fangatahan̈a fo irô, ndray firy irô dia araiky. Alifasa herin̈iandra tsialohaloha, farany tara, fangatahan̈anao hitsidiky, azafady. Tsisy fitsidihan̈a izikoa fa faran’ny herin̈iandra ndreky afaran’ny lera fiasan̈a.

Mbala afaka mitsidiky fo ma anao ndray tsy nandefa fangatahan̈a? Mety tsy afaka handray anao zahay, izikoa anao tsy nan̈ano fangatahan̈a hitsidiky. Hely toeran̈a io ke efa ferin̈y olo afaka mitsidiky isan’andra.

Izikoa anao hitsidiky, kelera anao tôkony avy? Baka ialan̈a amin’ny olo maro loatra, azafady tôkony ho 30 minity alohan’ny lera tôkony hitsidihanao anao vo avy fa tsy alohan’izen̈y.

Karakôry ma atao man̈ano fangatahan̈a io?: Izikoa anarô latsakan’ny 20, kitia amy “Han̈ano Fangatahan̈a Nin’olo Tsy Ampy 20.” Fa izikoa anarô 20 na mandilatra, kitia amy “Han̈ano Fangatahan̈a Nin’olo 20 na Mandilatra.”

Mbala mety hivoan̈a na fafan̈a ma fangatahan̈a efa nataonao in̈y? Ia. Kitia amy “Hizaha na Han̈ova Fangatahan̈a.”

Karakôry izikoa tsisy programon’ny fitsidihan̈a na efa tsisy malalaka eky amy daty mety aminao in̈y? Tsiditsidiha matetiky site io. Mety ho hisy toeran̈a malalaka fo izikoa misy olo man̈ova na mamafa fangatahan̈andrô.

Mahazo itondrasan̈a biby ma an̈y? Ehe. Tsisy biby mahazo indesin̈y an̈y, izikoa tsy biby efa voahofan̈a natao hitariky olo mila fikarakaran̈a manokan̈a.

Via della Bufalotta 1281

I-00138 ROMA RM

ITALIA – ITALY

+39 06 872941