Rayog ni Ngki Fas e Piin ni Kar M’ad Bayay?
Mang e ga ra yog . . .
-
arrogon?
-
danga’?
-
sana?
N’EN BE YOG E BIBLE
“Bayi faseg [Got] urngin e girdi’ ko yam’.”—Acts 24:15.
PI N’EN NRAYOG NGOM NFAANRA MICH U WAN’UM E RE N’EY
Ngan fal’eg laniyan’ be’ u nap’an ni ke yim’ e en nib t’uf rok.—2 Korinth 1:3, 4.
Dab kun tamdag ko yam’.—Hebrews 2:15.
Rib mudugil e athap rom nrayog ni ngam chag ngak e piin ni kar m’ad ni yad ba t’uf rom bayay.—John 5:28, 29.
RAYOG NI NGE MICH U WAN’DAD E N’EN NI BE YOG E BIBLE?
Arrogon, ya bay dalip i fan:
-
Got e ir e ke sunumeg e yafos. Be yog e Bible ni Jehovah Got e ir “enggin gubin e yafos.” (Psalm 36:9, BT; Acts 17:24, 25) Ba mudugil ni En ni ke pi’ e yafas ngak urngin ban’en ni ke sunmiy nib fas e rayog rok ni nge faseg be’ ni ke yim’.
-
I faseg Got e girdi’ kakrom. Be weliy e Bible murung’agen meruk e pumoon nge ppin ni kan fasegrad ko yam’ nib muun ngay e piin nib fel’ yangaren, nge piin ni kar pilibthirgad. Boch i yad e dawori n’uw nap’an ni kar m’ad, machane bagayad e ke yim’ ni ke gaman aningeg e rran n’umngin nap’an!—John 11:39-44.
-
Rib felfelan’ Got ni ngki faseg e yam’ bayay. Dabun Jehovah e yam’, ya bod reb e toogor. (1 Korinth 15:26) Be yim’ ni bochan ni nge gel ko re toogor nem u daken e fas ko yam’. Rib felfelan’ ni nge faseg urngin e piin ni bay rogon ni ngan fasegrad.—Job 14:14, 15.
NGAN LEMNAG
Mang fan ni gad ma pilibthir, ma gad ma yim’?
Bay e fulweg ko re deer ney u Bible ko GENESIS 3:17-19 nge ROMA 5:12.
You May Also Like
FARE WULYANG KO DAMIT
Athap ni Fan ko Piin ni Kar M’ad—Uw Rogon Nrayog ni Ngari Mich u Wan’um?
L’agruw fan ni be yog e Bible ni nge pagan’dad ni yira faseg e piin ni kar m’ad.
MURUNG’AGMAD
Mang Fan ni Ngam Fil e Bible?—Fare Video ni N’umngin
Be pi’ e Bible e fulweg ko pi deer nib ga’ fan ni ma fith bokum milyon e girdi’ u ga’ngin yang e fayleng. Ga baadag ni ngam mang bagayad e pi girdi’ ney?
