Mang e Ra Yibnag e Felfelan’ Nga Lan e Tabinaw?
Ga be lemnag ni . . .
-
t’ufeg?
-
salpiy?
-
yugu boch ban’en?
N’EN BE YOG E BIBLE
“Ri kab felan’ e piin ni kar rung’aged e thin rok Got ma kar pired ni yad be fol riy!”—Luke 11:28.
PI N’EN NRAYOG NGOM NFAANRA MICH U WAN’UM E RE N’EY
Yira pirieg e bin riyul’ e t’ufeg.—Efesus 5:28, 29.
Bay e tayfan u thilin e girdi’.—Efesus 5:33.
Bay e pagan’.—Mark 10:6-9.
RAYOG NI NGE MICH U WAN’DAD E N’EN NI BE YOG E BIBLE?
Arrogon, ya bay l’agruw i fan:
-
Got e ir e ke sunmiy e tabinaw. Be yog e Bible ni “bin riyul’ i fithingan urngin e tabinaw” e yib rok Jehovah Got. (Efesus 3:14, 15) Ere, bay e tabinaw ni bochan ni Jehovah e ir e ke sunmiy. Mang nib ga’ fan e re n’ey?
Am lemnag: Faanra kam kay ba mit e ggan nrib fel’ lamen ma ga baadag ni ngam nang ko uw rogon ni kan fal’eg, ma mini’ e ga ra fith? Dabisiy ni ga ra fith e en ni ke ngongliy.
Ere, ku er rogon e tabinaw rodad ni faanra gad baadag ni nge yib e felfelan’ nga langgin, ma thingar da folgad rok Jehovah ni ir e ke Sunmiy e tabinaw.—Genesis 2:18-24.
-
Ma lemnagem Got. Ba fel’ ni nge fol chon e tabinaw ko pi fonow rok Jehovah ni bay ko Thin rok. Mang fan? ‘Ya be lemnag rogodad.’ (1 Peter 5:6, 7) Baadag Jehovah e tin nib fel’ ni fan ngodad ma gubin ngiyal’ ni ma yib angin e fonow rok!—Proverbs 3:5, 6; Isaiah 48:17, 18.
NGAN LEMNAG
Uw rogon ni ngam mang reb e gallabthir, ara figirngiy, ara leengiy nib fel’?
Bay e fulweg ko re deer ney u Bible ko EFESUS 5:1, 2 nge KOLOSE 3:18-21.
You May Also Like
MURUNG’AGMAD
Mang Fan ni Ngam Fil e Bible?—Fare Video ni N’umngin
Be pi’ e Bible e fulweg ko pi deer nib ga’ fan ni ma fith bokum milyon e girdi’ u ga’ngin yang e fayleng. Ga baadag ni ngam mang bagayad e pi girdi’ ney?
MURUNG’AGMAD
Mog ni Nge Yib e Pi Mich Rok Jehovah i Guyem
Mu weliyed e Pi Mich Rok Jehovah murung’agen ban’en ni bay u Bible u taabang, ara mu un ko fol Bible ni gamad ma tay ndariy puluwon.
