Jeux olympique yoyi yilembo vioki ku phutu mu tsungi yi mini yi 2024, batu balembo banzila ti nduka nduka 5 miliare ki batu bela landakana batu bobo bela tula yawu bobo babedi mu zitsi 206. Thomas Bach, nioni widi prezida yi Komite olympique yi nza yimvimba tubidi ti: “Tuidi mu khati n’yengo wowo weta bunda nza yimvimba mu ndembama.” “Bika tuzitiseno diyindu diodi jeux olympique yilembo bimisa, diodi didi ti batu boso bafueti zingila mu ndembama ayi mu bumosi, buba ti tuisi ko beto boso phila mosi.”

 Zi jeux olympique zilenda nunga vanga mambu beni? Bukiedika vuvu kidi ti lumbu kinkaka kuela ba ndembama ayi bumosi?

 Zi jeux olympique zi mvu wawu, zitudidi ti batu babika sukila kaka yindula mu mambu ma sports. Bipa beni bimonisini mambu momo malembo tatikisa batu ayi politike, momo malembo kotisa khabuani. Mambu beni momo bamonisini matadidi luve lu batu, lenda batu bankaka badi luviakanu lu nkanda wu nitu, vangila batu bobo badi mu mabundu mankaka mambu mu kambu kubusonga ayi mambu matedi kambu kuba phila mosi.

 Min’yengo mi sports miomi mieta fubikisa zitsi zi nza yimvimba, banga zi jeux olympique zikala mu diambu di phiokosolo thangu. Vayi min’yengo beni phe mieta monisa ayi mieta kindisa bifu ayi mavanga momo meta vasa batu, va buangu kitula ndembama ayi bumosi bobo bueta zingila thangu ka thangu.

 Bibila kibikula ti batu bela ba bifu biobi biela tula ti yiba phasi muingi nza yiba mu bumosi. (2 Timote 3:1-5) Muingi wuzaba mambu mawombo matedi mbikudulu beni yi Bibila, tanga disolo ditubidi ti “Biblia esakolaki makambo oyo bato bazali kokanisa mpe kosala lelo oyo?”

 Mu Bibila muindi na vuvu kikiedika mu matedi ndembama ayi bumosi bu nza. Kiveni tsila ti batu boso badi mu nza bela ba mu bumosi kutsi guvernema yi diyilu yoyi yitedolo “Kipfumu ki Nzambi.”​—Luka 4:43; Matayi 6:10.

 Yesu Kristu, Pfumu yi Kipfumu beni, wela tula ti ndembama yiba mu nza yimvimba. Bibila kitubidi ti:

•   “Batu basonga bela yonzuka banga biti bimona, ayi ndembama yela ba yiwombo.”​—Minkunga 72:7.

•   “Wela kula nsukami wulembo yamikina . . . mu khuamusu ayi mu makhemi.”​—Minkunga 72:12, 14.

 Buba lumbu kiaki, malongi ma Yesu mame tula ti zimilio zi batu baba mu bumosi mu 239 ki zitsi. Bobo badi Bakristu, Bambangi zi Yehova mu nza yimvimba balonguki phila yibela mu ndembama. Muingi wuzaba phila yi kubutudila, tanga disolo di Nzo yi Nkengidi ditubidi ti “Koyinana ekoki kosila?.”