Maã taá Deus Reino?
Indé resuaxara . . .
-
yepé guvernu Jesus rupí?
-
yepé guvernu apigáita rupí?
-
u amu maã?
MAÃ BÍBLIA UÑHEẼ?
“Deus iwakapura umuñhã yepé guvernu pisasu tiwaá kurí upawa.” — Daniel 2:44, Tradução do Novo Mundo.
“[Deus] umeẽ yandé arama yepé taira; aé umundú kurí yané resé.” — Isaías 9:6, Tradução do Novo Mundo.
MARÃ PURANGA YAKUÁ BÍBLIA UÑHEẼWAÁ RESÉ?
-
Deus Guvernu iwakapura uajudari yandé yaviveri puranga kuíri ré. — Isaías 48:17, 18.
-
Deus Guvernu kirimbawa píri pañhe amuita suí, aé usu kurí umbawa pañhe masíita irum. Yawéwaá resewara yapuderi kurí yaviveri surí yepé paraísu upé iké iwí upé. — Apocalipse 21:3, 4.
YAPUDERI YARUIARI BÍBLIA RESÉ?
Yapuderi, ma resewara?
-
Jesus uxári yakuá mayé kurí Deus Guvernu. Aé umbué miraita ta upurandu arama Deus Guvernu, umbué yuíri ta upurandu Deus vuntadi uyumuñhã arama iwí upé. (Mateu 6:9, 10) Jesus umbué mayé usu uyumuñhã kuá ta upuranduwaá.
Mairamé Jesus uiku kuera iwí upé aé umeẽ miraita ta umbaú arama, umukatú masiweraita asuí umbaka ta umanũwaita. (Mateu 15:29-38; João 11:38-44) Maã Jesus umuñhãwaá kuera uxári yakuá maã aé usu umuñhã uyupiru ramé uguvernari. — Apocalipse 11:15.
-
Kuá Deus Guvernu usika uiku. Jesus ukuntari kuera mairamé Deus Guvernu usu usika, yasu yamaã guerra, iwí uriri asuí yumasí. — Mateu 24:3, 7.
Pañhe kuáita usasá uiku kuíri. Yawéwaá rupí yakuá Deus Guvernu kuayentuã usu uyupiru. Deus Guvernu usu umbawa pañhe yapuraráwaá irum.
REMANDUARI KUÁ RESÉ
Mayé miraita ta uviveri kurí mairamé Deus Guvernu uyupiru umundú iwí resé?
Remaã mayé Bíblia umbeu SALMO 37:29 upé asuí ISAÍAS 65:21-23 upé.
Indé repoderi regustari yuíri
ESSENTIAL BIBLE TEACHINGS
Maã taá Deus Reino?
Umbué ramé kuera miraita, Jesus ukuntari píri Deus Reino resé amu maã suí. Até kuíri miraita ta upurandu úri arama kuá Reino.
AWÁ TAÁ YANDÉ
Marã Taá Reyumbué Bíblia Resé? — Vídeo Pañhe
Siya miraitá ta ukuá ta usuaxara purandusaitá importante yané vida resé, Bíblia upé. Reputari rekuá yuíri?
