‘Deus . . . uyusi aintá resá yukisé pañhe, ti kuri yamaã manusaua, ti kuri aintá uyaxiú manusaua reseuara, ti kuri yuíri sasiara aintá, ti yuíri kuri aintá upurará sasi, nhansé usasauana pañhe kuximauara.’ — Apokalipse 21:3, 4, O Novo Testamento em Nyengatu, 1973.

Yasu yamaã marã . . .

mundu pisasu uaá upé, yariku kuri yané muraki puranga asuí iwasuíma uaá. — Isaías 65:21-23.

yaviveri kuri masiíma asuí ti kuri yapurará. — Isaías 25:8; 33:24.

yandé yayusaã kuri surí pañhe ara yané anamaita irum asuí yané rumuaraita irum. — Salmo 37:11, 29.

Yapuderi, ma reseuara?

• Deus upuderi umuñha maié uprumeteri uaá. Bíblia unheẽ Jeová Deus aé té ‘kirimbaua píri pañhe auá suí’. (Apokalipse 15:3) Yaué arama, yapuderi yaruiari aé usu umupuranga kuá mundu. Bíblia umbeu: ‘apigáita ti ta upuderi, ma Deus upuderi’. — Mateu 19:26.

• Deus uputari umuñha maié uprumeteri uaá. Jeová uputari retana umbaka umanũuaita. Nhansé aé usaisu aintá. — Jó 14:14, 15.

  Jesus umupuranga masiweraita uiku ramé kuera iwí upé. Marã aé umuñha kuaié? Nhansé aé uputari uajudari miraita. (Marko 1:40, 41) Jesus umuñha maié ipaya Jeová yaué. Yaué arama, aé usikari maié upuderi uajudari miraita. —  João 14:9.

  Yaué uaá rupi, yakuá Jeová asuí Jesus aintá uputari retana ta uajudari yariku arama yepé vida surí yané rundé kiti. —  Salmo 72:12-14; 145:16; 2 Pedro 3:9.