1 Crónicas 9:1-44
9 Tuláakal le israelitaʼoboʼ tsʼíibtaʼab u kʼaabaʼob según tiʼ baʼax familiail u taaloʼob, tsʼíibtaʼaboʼob tu Libroil u Reyiloʼob Israel. U kajnáaliloʼob Judáeʼ bisaʼaboʼob tu kaajil Babilonia tumen tu xúumpʼattoʼob Dios.+
2 Le máaxoʼob yáax suunajoʼob tu luʼumoʼob yéetel tu kaajaloʼobeʼ letiʼe jeʼeloʼobaʼ: jujuntúul israelitaʼob, le sacerdoteʼoboʼ, le levitaʼoboʼ yéetel le máaxoʼob ku meyajoʼob teʼ templooʼ.*+
3 Jujuntúul tiʼ le máaxoʼob suunajoʼob kajtal Jerusalénoʼ ku taaloʼob tiʼ u paalal Judá,+ Benjamín,+ Efraín yéetel Manasés, u kʼaabaʼobeʼ letiʼe jeʼeloʼobaʼ:
4 Utay u hijo Amiud, Amiudeʼ u hijo Omrí, Omríeʼ u hijo Imrí, yéetel Imríeʼ u hijo Baní. Letiʼobeʼ ku taaloʼob tiʼ u paalal Pérez+ u hijo Judá.
5 Tiʼ u paalal Selaeʼ suunaj Asaya u yáax hijo bey xan u paalaloʼob.
6 Tiʼ u hijoʼob Zeraeʼ+ suunaj Jewel bey xan u sukuʼunoʼob, tuláakloʼobeʼ 690 u túulaloʼob.
7 Ichil u paalaloʼob Benjamín suunajoʼob kajtal teʼeloʼ tiaʼan kaʼach Salú u hijo Mesulamiʼ. Mesulameʼ u hijo Odavías, yéetel Odavíaseʼ u hijo Asenuaj.
8 Tiaʼan xan kaʼach Ibneyá u hijo Jeroam, Elaj u hijo Uzí u yáabil Micrí bey xan Mesulam u hijo Sefatías. Sefatíaseʼ u hijo Rewel, yéetel Reweleʼ u hijo Ibniya.
9 U sukuʼunoʼob tsʼíibtaʼab u kʼaabaʼob según tiʼ máax u taaloʼobeʼ 956 u túulaloʼob. Tuláakal le máakoʼobaʼ letiʼob kaʼach u nuuktakil ichil u familiaʼob.
10 Ichil le sacerdoteʼob suunajoʼob kajtal teʼeloʼ tiaʼan kaʼach Jedayá, Jeoyarib, Jakín,+
11 bey xan Azarías. Azaríaseʼ u hijo Ilquías, Ilquíaseʼ u hijo Mesulam, Mesulameʼ u hijo Sadok, Sadokeʼ u hijo Merayot, yéetel Merayoteʼ u hijo Aitub. Aitubeʼ juntúul u nojchil le máaxoʼob ku meyajoʼob tu yotoch* le u jaajil Diosoʼ.
12 Ichil le uláakʼ sacerdoteʼob suunajoʼoboʼ tiaʼan Adaya u hijo Jeroam, Jeroameʼ u hijo Pasjur yéetel Pasjureʼ u hijo Malkiya. Suunaj xan Maasay u hijo Adiel, Adieleʼ u hijo Jazerá, Jazeráeʼ u hijo Mesulam, Mesulameʼ u hijo Mesilemit yéetel Mesilemiteʼ u hijo Imer.
13 Tu yéeteloʼobeʼ suunaj xan u sukuʼunoʼob, tuláakloʼobeʼ 1,760 u túulaloʼob, letiʼobeʼ u nuuktakil u familiaʼob, máakoʼob jach yaan u páajtaliloʼob, noʼojaʼanoʼob yéetel listoʼob utiaʼal u beetkoʼob le meyaj ku beetaʼal tu yotoch le u jaajil Diosoʼ.
14 Ichil le levitaʼob suunajoʼob kajtal teʼeloʼ tiaʼan kaʼach Semaya+ u hijo Asub, Asubeʼ u hijo Azrikam, yéetel Azrikameʼ u hijo Asabías, tuláakloʼobeʼ ku taaloʼob tiʼ Merarí.
15 Tiaʼan xan kaʼach Bakbakar, Éres, Galal, Matanías u hijo Miká. Mikáeʼ u hijo Zicrí, yéetel Zicríeʼ u hijo Asaf.
16 Tiaʼan xan kaʼach Abdías u hijo Semaya, Semayaeʼ u hijo Galal, yéetel Galaleʼ u hijo Jedutún. Yéetel tiaʼan xan Berekías u hijo Asá, Asáeʼ u hijo Elkaná. Letiʼeʼ tiʼ kajaʼan kaʼach tu kaajal le netofatitaʼoboʼ.+
17 Le máaxoʼob kanáantik le joonajoʼoboʼ+ letiʼe jeʼeloʼobaʼ: Salum, Akub, Talmón yéetel Aimán. Salum, u sukuʼunoʼobeʼ, letiʼ kaʼach nuʼuktikoʼob.
18 Tak teʼ kʼiinoʼob jeʼeloʼ letiʼeʼ tiʼ ku pʼáatal tu lakʼinil u joonajil le reyoʼ.+ Tuláakloʼobeʼ letiʼe máaxoʼob ku kanan joonajoʼob teʼ tuʼux kajaʼan le levitaʼoboʼ.
19 Salumeʼ u hijo Koré. Koréeʼ u hijo Ebiasaf. Ebiasafeʼ u hijo Coré. Salum yéetel le coreítaʼob, u sukuʼunoʼoboʼ, letiʼob ilik le meyaj ku beetaʼal tu yotoch le u jaajil Diosoʼ, letiʼob kanáantik u joonajil le najoʼ. U yúuchben láakʼtsiloʼobeʼ letiʼob kanáantik kaʼach u joonajil le lugar tuʼux ku jeʼelel Jéeobaoʼ.
20 Le máax nuʼuktikoʼob kaʼachoʼ Fineás+ u hijo Eleazar,+ yéetel Jéeobaeʼ tiaʼan kaʼach tu yéeteleʼ.
21 Zacarías+ u hijo Meselemíaseʼ letiʼ kanáantik kaʼach u entradail le najil reuniónoʼ.
22 Tuláakal le máaxoʼob yéeyaʼaboʼob utiaʼal u kanáantkoʼob le entradaʼoboʼ 212 u túulaloʼob. Letiʼobeʼ kajlajoʼob tu kaajaloʼob según tiʼ baʼax familiail tsʼíibtaʼan u kʼaabaʼob.+ David yéetel Samuel le máax ilik baʼax ku taal u kʼiinil u yúuchloʼ,+ letiʼob tsʼáa le máakoʼob u beetoʼob le meyajaʼ tumen jeʼel u páajtal u confiar máak tiʼ letiʼobeʼ.
23 Letiʼob yéetel u hijoʼob tsʼaʼab u kanáantoʼob u joonajiloʼob u yotoch Jéeoba,+ le tabernáculooʼ.
24 Le máaxoʼob kanáantik le joonajoʼoboʼ tiaʼanoʼob kaʼach lakʼin, chikʼin, xaman* yéetel noojoleʼ.*+
25 Cada wa baʼax kʼiineʼ, u sukuʼunoʼobeʼ ku lukʼloʼob teʼ tuʼux kajaʼanoʼoboʼ yéetel ku taaloʼob utiaʼal u múul meyajoʼob tu yéeteloʼob durante siete días.
26 Tsʼaʼab xan kantúul máakoʼob bey u nuuktakil le kanan joonajoʼoboʼ, letiʼobeʼ levitaʼob jeʼel u páajtal u confiar máak tiʼobeʼ. Tsʼaʼab u kanáantoʼob le cuartoʼoboʼ* bey xan u tesoreríailoʼob u yotoch le u jaajil Diosoʼ.+
27 Letiʼobeʼ bul áakʼab tiaʼanoʼob tu baʼpach u yotoch le u jaajil Diosoʼ, letiʼob ilik u kanáantaʼal le najoʼ yéetel tiʼ letiʼob tsʼaʼan u llaveil. Letiʼob jeʼekʼabtik le joonajoʼob sáamsamal de tempranooʼ.
28 Jujuntúul tiʼ letiʼobeʼ tsʼaʼab u kanáantoʼob le nuʼukuloʼob+ ku meyajoʼob teʼ najoʼ. Cada ken u jóoʼsoʼob yéetel cada ken u yoksoʼob teʼ najoʼ ku xokikoʼob.
29 Jujuntúul tiʼ letiʼobeʼ tsʼaʼab u yiloʼob le uláakʼ nuʼukuloʼoboʼ, le nuʼukuloʼob santoʼoboʼ,+ le maʼalob harinaoʼ,+ le vinooʼ,+ le aceiteoʼ,+ le sak inciensooʼ*+ bey xan le bálsamooʼ.*+
30 Jujuntúul tiʼ u hijoʼob le sacerdoteʼoboʼ ku beetkoʼob kaʼach u kiʼibok aceiteil bálsamo.
31 Tiʼ Matitíaseʼ tsʼaʼab u yil le baʼaloʼob ku takʼankúuntaʼal tiʼ sarténoʼ.+ Letiʼeʼ u yáax hijo Salum le coreítaoʼ, Matitíaseʼ juntúul levita jeʼel u páajtal u confiar máak tiʼeʼ.
32 Jujuntúul tiʼ u sukuʼunoʼob koatitaʼobeʼ tsʼaʼanoʼob utiaʼal u beetkoʼob le waaj ku kʼuʼubul tiʼ Diosoʼ,*+ letiʼob beetik cada sábado.+
33 Jujuntúul xan tiʼ u nuuktakil u familia le levitaʼoboʼ tsʼaʼanoʼob utiaʼal kʼaay, tiaʼanoʼob kaʼach teʼ cuartoʼob* yanoʼob teʼ templooʼ. Letiʼobeʼ maʼ tsʼaʼab u beetoʼob uláakʼ meyajoʼobiʼ tumen de kʼiin yéetel de áakʼab táan kaʼach u beetkoʼob le meyaj tsʼaʼantiʼoboʼ.
34 Tuláakloʼobeʼ u nuuktakil u familia le levitaʼob según tiʼ máax u taaloʼoboʼ. Letiʼobeʼ kajlajoʼob Jerusalén.
35 Jeyeeleʼ kajlaj tu kaajil Gabaón,+ letiʼ beet le kaajoʼ. U kʼaabaʼ u yataneʼ Maaká.
36 U yáax hijoeʼ Abdón, le ka tsʼoʼokeʼ síij Zur, Keis, Baal, Ner, Nadab,
37 Guedor, Ayó, Zacarías yéetel Miklot.
38 Mikloteʼ u papá Simeam. Tuláakloʼobeʼ kajlajoʼob yéetel u sukuʼunoʼob tu kaajil Jerusalén, naatsʼ tiʼ uláakʼ u sukuʼunoʼob.
39 Nereʼ+ u papá Keis, Keiseʼ u papá Saúl,+ Saúleʼ u papá Jonatán,+ Malki-suwa,+ Abinadab+ yéetel Esbaal.
40 Jonatáneʼ u papá Merib-baal.+ Merib-baaleʼ u papá Miqueas.+
41 U hijoʼob Miqueaseʼ letiʼe jeʼeloʼobaʼ: Pitón, Mélek, Tarea yéetel Acaz.
42 Acazeʼ u papá Jará, Jaráeʼ u papá Alémet, Azmávet yéetel Zimrí. Zimríeʼ u papá Mozá.
43 Mozáeʼ u papá Bineá, Bineáeʼ u papá Refayá, Refayáeʼ u papá Eleasá yéetel Eleasáeʼ u papá Azel.
44 Azeleʼ yanchaj seis u hijoʼob, u kʼaabaʼobeʼ Azrikam, Bocrú, Ismael, Searías, Abdías yéetel Aanán. Tuláakloʼobeʼ u hijoʼob Azel.
Notas
^ Wa «le netineoʼoboʼ». Ich hebreoeʼ ku yaʼalaʼal kaʼach «le máaxoʼob kʼubaʼanoʼoboʼ». Ilawil «Netineo», página 2573.
^ Wa «templo».
^ Wa «norte».
^ Wa «sur».
^ Wa «le tuʼuxoʼob ku yúuchul janaloʼ».
^ Ilawil «Sak incienso», página 2578.
^ Le bálsamooʼ u yiits jujunpʼéel clase xíiwoʼob wa cheʼob, yéetel kiʼibok.
^ Ich hebreoeʼ ku yaʼalaʼal kaʼach «le waaj tsʼapkúuntaʼanoʼ».
^ Wa «teʼ tuʼuxoʼob ku yúuchul janal».
