Josué 12:1-24
12 Le israelitaʼoboʼ tu xuʼulsoʼob yéetel tu chʼaʼajoʼob le luʼum tuʼux ku gobernar kaʼach le reyoʼob yaan tu lakʼinil le Jordánoʼ, letiʼe yanoʼob desde tu Táax Luʼumil Arnón+ tak Montaña Ermón+ bey xan le yanoʼob tiʼ tuláakal le Arabá yaan lakʼinoʼ.+ Le reyoʼoboʼ letiʼe jeʼeloʼobaʼ:
2 Seón,+ u rey le amorreoʼoboʼ, máax kajaʼan kaʼach Esbón. Letiʼeʼ ku gobernar kaʼach desde Aroer,+ le kaaj yaan tu jáal u Táax Luʼumil Arnónoʼ,+ tak tu chúumukil le táax luʼumoʼ, bey xan desde tu chúumukil Galaad tak tu Táax Luʼumil Jabok, le yaan tu jáal u frontera le ammonitaʼoboʼ.
3 Letiʼeʼ tu gobernartaj xan Arabá, tu tojil lakʼineʼ gobernarnaj desde Mar de Kinéret*+ tak Mar del Arabá, wa Mar Salado,* lelaʼ tiaʼan lakʼin tu tojil Bet-jesimoteʼ, yéetel tu tojil noojoleʼ gobernarnaj tak tu ebekníixiloʼob* Pisgá.+
4 Tu chʼaʼajoʼob xan le luʼum tuʼux yaan Og,+ u reyil Basán, letiʼeʼ juntúul tiʼ le u tsʼook refaímoʼoboʼ,+ letiʼeʼ kajlaj tu kaajil Astarot yéetel tu kaajil Edrey.
5 Le reyaʼ ku gobernartik kaʼach tuláakal le luʼum yaan Montaña Ermónoʼ, le yaan Salekáoʼ, tuláakal Basán,+ tak tu jáal u frontera le guesuritaʼob yéetel le maakatitaʼoboʼ,+ bey xan chúumuk tiʼ u luʼumil Galaad, ku náakal tu jáal u fronterail tuʼux ku gobernar Seón, u reyil Esbón.+
6 Moisés, le máax meyajtik Jéeoba, yéetel le israelitaʼoboʼ tu xuʼulsoʼob tiʼ le reyoʼobaʼ.+ Ka tsʼoʼokeʼ Moisés, le máax meyajtik Jéeobaoʼ, tu tʼoxaj le luʼum tiʼ le rubenitaʼoboʼ, tiʼ le gaditaʼoboʼ yéetel tiʼ táanchumuk u tribu Manasés.+
7 Josué yéetel le israelitaʼoboʼ tu xuʼulsoʼob tiʼ le reyoʼob yaan tu chikʼinil le Jordánoʼ, desde Baal-gad+ tu Táax Luʼumil Líbano+ tak Montaña Alak,+ le ku bin tu tojil Seíroʼ.+ Ka tsʼoʼokeʼ Josuéeʼ tu tʼoxaj le luʼum tiʼ u tribuiloʼob Israel según le jaats ku tocar tiʼ cada tribuoʼ.+
8 Ichil le luʼumaʼ táakaʼan le luʼumoʼob yaan teʼ montañaʼoboʼ, teʼ Sefeláoʼ, teʼ Arabáoʼ, teʼ ebekníixoʼoboʼ, teʼ desiertooʼ yéetel teʼ Négueboʼ.+ Tiʼ kajaʼan kaʼach le ititaʼoboʼ, le amorreoʼoboʼ,+ le cananeoʼoboʼ, le perizitaʼoboʼ, le eveoʼoboʼ yéetel le jebuseoʼoboʼ.+ Tuláakal le reyoʼoboʼ letiʼe jeʼeloʼobaʼ:
9 Juntúuleʼ u reyil Jericó.+ Uláakʼ juntúuleʼ u reyil Ay,+ le yaan naatsʼ Beteloʼ.
10 Juntúuleʼ u reyil Jerusalén. Uláakʼ juntúuleʼ u reyil Hebrón.+
11 Juntúuleʼ u reyil Jarmut. Uláakʼ juntúuleʼ u reyil Lakís.
12 Juntúuleʼ u reyil Eglón. Uláakʼ juntúuleʼ u reyil Guézer.+
13 Juntúuleʼ u reyil Debir.+ Uláakʼ juntúuleʼ u reyil Guéder.
14 Juntúuleʼ u reyil Ormá. Uláakʼ juntúuleʼ u reyil Arad.
15 Juntúuleʼ u reyil Libná.+ Uláakʼ juntúuleʼ u reyil Adulam.
16 Juntúuleʼ u reyil Maquedá.+ Uláakʼ juntúuleʼ u reyil Betel.+
17 Juntúuleʼ u reyil Tapúa. Uláakʼ juntúuleʼ u reyil Éefer.
18 Juntúuleʼ u reyil Afek. Uláakʼ juntúuleʼ u reyil Lasarón.
19 Juntúuleʼ u reyil Madón. Uláakʼ juntúuleʼ u reyil Azoor.+
20 Juntúuleʼ u reyil Simrón-merón. Uláakʼ juntúuleʼ u reyil Acsaf.
21 Juntúuleʼ u reyil Taanak. Uláakʼ juntúuleʼ u reyil Meguidó.
22 Juntúuleʼ u reyil Kedes. Uláakʼ juntúuleʼ u reyil Jokneam,+ le yaan Carmelooʼ.
23 Juntúuleʼ u reyil Dor,+ le yaan tu ebekníixiloʼob Doroʼ. Uláakʼ juntúuleʼ u reyil Goyim, le yaan Guilgaloʼ.
24 U tsʼook juntúuleʼ u reyil Tirzá. Tuláakal le reyoʼobaʼ 31 u túulal.
Notas
^ Wa «tu bajadailoʼob».
^ Uláakʼ bix kʼaj óolaʼanileʼ Mar Muerto.
^ Uláakʼ bix kʼaj óolaʼanileʼ Lago de Genesaret wa Mar de Galilea.
